Jesaea 13:8 - সান্তালী বাইবেল

⁸ Onko do ạḍi bebạṛicʼko botorokʼa, ar ạḍi ãṭ hasokoa, gidrạ janamede kan maejiu leka bedonteko thakao cabakʼa, onko do cahapʼkate apan apin secʼko beṅgetʼjoṅa ar mẽtʼãhã do jaljalaokʼtakoa.

Jesaea 13:8 Iomraidhean Croise

2 Rapajko 19:26

Onḍenko hoṛ doko nijor akana ar ạḍi bạṛicʼko botor akana arko lajao akana. Onko do khet reakʼ ghãs leka, omon rakapʼ akan hạriạṛ gạchi leka, chad cetanre janam akan ghãs leka ạuri hara rakabokʼregeko tolmojokʼ kana.

Sereńko 48:7

Purub reakʼ kajak hoete cetʼleka uni do maraṅ maraṅ Tạrsis jahajkoe rạputʼletʼ, onkage onkoe marao giḍikatʼkoa.

Jesaea 26:17

Bhạrti hoṛmo maejiu do janame oktere cetʼleka bedonteko eṛseń toṛseń baṛae, E Probhu Isor, ale hõ am samaṅre onkagele hoyakana.

Jirimiạ 13:21

Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Jirimiạ 30:6

Ape do kulijoṅpe ar ńelpe, herel hoṛ do cetʼ kukhire gidrại janam daṛekea? Enḍekhan cetʼ iạte daṛean herel hoṛ do bedonokʼkan maejiu leka lacʼ cetanre ti capo akan ar sanamkoakʼ mẽtʼãhã do mulin akaniń ńeletʼkana?

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Jirimiạ 48:41

Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.

Jirimiạ 49:22

Ńelpe, onkoren bạiri do pajhaṛ leka coṭteye uḍạukʼa ar Bosra cetanre phạ̃kṛạ̃kʼe lap lapaete sã sãye pheḍ hijukʼa. Enhilokʼ Edomren lạṛhại phạdkoakʼ mon do bedonokʼkan maejiuakʼ mon leka hoyokʼtakoa.

Jirimiạ 49:24

Damesek doe lạbṛukʼ akana, uni do dạṛ lạgitʼe ruạṛ akana ar botor caṛhao akadea; bedonokʼkan maejiu leka bedon rakapʼ akawadea.

Jirimiạ 50:43

Babelren raj do onko babotre khobore ańjom akada ar uniyakʼ ti do lạbṛukʼ akantaea. Ar bedonokʼkan maejiu lekage haso rakapʼ akawadea.

Jirimiạ 51:30

Babelren birbanṭako do lạṛhạiko thirakana; onko do akoakʼ gaṛrege menakʼkoa. Onkoakʼ daṛe do ńurentakoa; ar maejiuko lekako nijor akana. Onkoakʼ tahen ṭhạ̃i do seṅgelteko jeretʼ akatʼtakoa; Babel reakʼ sanam phaṭok duạr reakʼ huṛkạṛko do rạputʼ ocoakana.

Jeheskel 20:47

Ar dạkhin reakʼ bir do ińakʼ katha ańjom lạgitʼ metaeme. Unim metaea, Probhu Isore meneda, ‘iń do amre seṅgeliń salgaoa ar ona do amakʼ sanam berel ar rohoṛ dare nạ̃ṛĩkoe joma. Ona jolokʼkan seṅgel do bạṅ ĩṛĩjokʼa ar dạkhin khon utạr hạbicʼ sanam hoṛ do ona reakʼ lepʼteko khạurạkʼa.

Hosea 13:13

Maejiukoakʼ bedonokʼ reakʼ haso lekage uni do bedon rakapʼ akawadea, menkhan uni do bebuj gidrạ leka; okte hoylen khan hõ kukhi reakʼ duạrre bae hijukʼ kana.

Joel 2:6

Onko ńelte jạtrenkoakʼ monre jontrona hoyokʼkana; sanamkoakʼ mẽtʼãhã do mirluṅ akantakoa.

Nạhum 2:10

Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

Johan 16:21

Maejiu do gidrại janame jokhecʼ kosṭoe ńama, ente uniyakʼ okte do seṭerentaea. Menkhan gidrại janamlere, dhạrtire mitʼṭen nãwã manwae hecʼen reakʼ rạskạte ona kosṭo do ar bae disạea.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.