Jesaea 13:3 - সান্তালী বাইবেল

³ Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”

Jesaea 13:3 Iomraidhean Croise

Sereńko 149:2

Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

Jesaea 23:11

Probhu Isor do jalapuri cetanre acʼakʼ tiye tiyạr akatʼtaea ar rajosṭikoe daldalao akada. Uni do Kanan disạm babotre mitʼṭecʼe hukum akada jemon ona reakʼ gaṛkoe marao giḍikakʼ.

Jesaea 5:26

Uni do sạṅgiń jạtrenko lạgitʼ mitʼṭecʼ nisạne rakabtaea ar dhạrti reakʼ ses simạnaren hoṛkoe hohoakoa. Ar ńelpe, onko do usạrateko ńir hijukʼa.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 51:46

Tinre aema kathako unạnokʼa unre alom hadosokʼa se alom botorokʼa; mitʼ bochorre mitʼṭecʼ katha unạnokʼa ar eṭakʼ bochorre ar mitʼṭecʼ katha unạnokʼa. Ona unạnokʼ katha do kana, Babelre santao hoyokʼkana ar mitʼ disạmren cakʼlaoyicʼ do eṭakʼ disạmren cakʼlaoyicʼ upạrteye teṅgonkana.

Jirimiạ 51:53

Babel do serma hạbicʼe usullenre hõ ar onḍe kajak aotan gaṛpe benaolerehõ, enhõ iń do uni upạrte jarkharicʼ iń kolea.”

Joel 3:11

E beṛhaeten sanam jạtrenko, ape do usạra hecʼkate jarwakʼpe.” E Probhu Isor, amren daṛean hoṛko baṛe kolkakome.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”