Jesaea 13:19 - সান্তালী বাইবেল

¹⁹ Sanam rajosṭiko reakʼ ṭhonok Babel ar Kạldikoakʼ gorbo Isor do Sodom ar Gomora lekae dhaṅdhaser ocoya.

Jesaea 13:19 Iomraidhean Croise

Genesis 19:24

Ona tayomge Probhu do sermaren Probhu Isor ṭhen khon Sodom ar Gomora cetanre gondhok ar seṅgel dakʼe jạ̃ṛĩkeda.

Genesis 19:25

Uni do ona banar nagraha, onakin reakʼ sanam jaega, nagraharen sanam hoṛko ar onḍenakʼ jumikore janam akan nonkan sanamakʼe marao giḍikada.

Jesaea 13:1

Amosren hopon Jesaea do Babel reaṅ dorsone ńamleda.

Jesaea 21:9

Hanko ńelkom, joṛa joṛa aswarikoko darae kana.” Ona tayom uni doe mena, “Babel do lạnduṛena, lạnduṛena. Onaren sanam boṅga muṭhạnko do otreko tawakʼ posakʼ ocoakana.”

Jesaea 47:5

Probhu Isore meneda, “E Babel, am do duṛupʼ thirkokʼme; ar ńutre bolokʼme. Ente rajosṭikoren rạni do ar bam hoho ocokʼa.

Jesaea 48:14

“Ape sanamko jarwa mitʼkate ańjompe. Goṛhon muṭhạnko reaṅ do lahare okoeye lạiyakada? Babel upạrte Probhu Isorren bachao hoṛko do uniyakʼ sanako purạutaea; Probhu Isorakʼ ti do Babelrenko upạrte rakabokʼa.

Jirimiạ 25:12

Menkhan eaegel bochor purạulen khan iń do Babelren raj ar uniyakʼ jạtrenko do onkoakʼ behokakʼ iạteń sạjạikoa ar Babel disạm do jaejug lạgitʼ iń ḍahao maraoa.

Jirimiạ 49:18

Iń Probhu Isorge noa katha doń meneda, aḍepase atoko sudhạ cetʼ leka Sodom ar Gomorań ḍahao maraoletʼ onkage Edomre hõ celege bako girobasokʼa; onare cele manwage bako tahena.

Jirimiạ 50:40

Ar beṛhaeteakʼ atoko sudhạ cetʼ leka Sodom ar Gomorań ḍahao maraoletʼ, onkage onḍe do celege bako girobasokʼa; ar onare cele manwage bako tahena. Iń Probhu Isorge noa katha doń meneda.

Jirimiạ 51:26

Hoṛko do konac reakʼ dhiri lạgitʼ am khon do bako hataoa, ar rehetʼ bạisạu lạgitʼ hõ bako hataoa; am do jaejug ujạṛ utạrakʼgem hoyokʼa.

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Jirimiạ 51:41

“Sesak, metakʼme Babel do cetʼ leka dokholokʼa! Goṭa dhạrtiren sarhaoańicʼren hopon hõ cetʼ lekae ạidạri ocokʼa! Babel ńelte jạtrenko doko torasokʼa.

Jirimiạ 51:62

Ar ona tayomem mena, ‘E Probhu Isor, am do niạ ṭhạ̃i marao reakʼ katham meneda, onate manwa se janwar okoe hõ celege bako basokʼa; noa do jaejug lạgitʼ ujạṛ akange tahena.’

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Romiko lạgitʼ Pạul Apostolakʼ ciṭhi 9:29

Jesaea do arhõe roṛleda, “Sanam daṛeanicʼ Probhu Isor do bõsko aloe sarecʼ abon khan enḍekhan Sodom ar Gomora nagraha leka bon hoykokʼa.”

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

Johan sodor 18:11

Dhạrtiren bạnij bepariko hõ uni lạgitʼko raga arko dukokʼa, ente onkoakʼ jinisko do ar okoege bako hataotakoa.

Johan sodor 18:19

Onko do akoakʼ bohokʼre dhuṛiko er joṅa ar rakʼ rakʼteko mena, “Hae, hae, ona maraṅ nagraha do! Ar jalapurire okoekoakʼ jahaj menakʼtako onko do uniyakʼ dhon-duribtegeko kisạ̃ṛlena; ar ńelpe mitʼ ghuṛitege ona do ḍahao maraoena!”