Jesaea 12:2 - সান্তালী বাইবেল

² Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 12:2 Iomraidhean Croise

2 Samuel 7:24

Amren hoṛ Israelko do jaejug amren hoṛko hoyokʼ lạgitʼem teṅgo akatʼkoa, ar E Probhu Isor, am do onkoren Isorem hoyakana.

Jobakʼ 13:16

Ar onage ińakʼ rukhiyạkʼ reakʼ pontha do hoyokʼa, ente bạṛicʼ hoṛ uni samaṅre ohoe hecʼ daṛelena.

Sereńko 112:8

Uniyakʼ mon do diṛhogete bae botorokʼ kana; sesre uni do acʼren bạirikoakʼ bhagaoe ńela.

Sereńko 118:14

Probhu Isorge ińren daṛe do, ar ińren sereń hõ unige; ar unirege ińakʼ bańcaokʼ do menakʼa.

Sereńko 118:21

Iń do amiń sarhaomea, ente am do ińakʼem ańjom akada; ińakʼ bańcao do amrege menakʼa.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Sereńko 65:6

Amakʼ daṛetege sanam buru ar ḍuṅgriko do teṅgo akana; ar noate sodorokʼ kana am dom daṛeanicʼ kana mente.

Sereńko 68:20

Aboren Isor doe nonkan Isor kana one okoe doe babańcaoicʼkan; Probhu Isor do gujukʼ khone rukhiyạ bona.

Sereńko 68:21

Isor do begor digdhạtege acʼren bạirikoakʼ bohokʼe gejertakoa; ar okoe kạireko jobe akae menakʼko onkoakʼ bohokʼ reakʼ khạpri hõ uni doe gejertakoa.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Jesaea 10:24

Ona iạte phạdkoren Probhu Isore meneda, “E ińren hoṛko, okoe do Sionrepe tahenkan, ape do Ạsurren hoṛko Misor disạmrenko leka ṭheṅgateko dalpe ar ape upạrte mutạkko tulrehõ alope botorakoa.

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Jesaea 27:5

Bickom onako do asray ńam lạgitʼ iń ṭhenko hijukʼma; ar iń sãoteko sulukokʼ ma. Hẽ, iń sãotegeko sulukokʼ ma.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 38:20

Probhu Isor do ińe rukhiyạ akadińạ, onate aboakʼ goṭa jion reakʼ dinko Probhu Isorakʼ oṛakʼre taranakʼ bajna sãote bon sereńa.”

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Jesaea 49:5

Probhu Isor do acʼren golame hoeocoyiń lạgitʼ kukhireye benaoledińạ jemon Jakob do uni ṭheniń ạgu ruạṛe ar Israel do uni ṭhenko jarwakʼ. Iń do Probhu Isor nońjorreń manot ocoakana ar ińren Isor do ińakʼ daṛegeye hoyakana.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jesaea 65:18

Iń okań sirjạuetʼkan ona ńutumte jaejug kusi akanpe tahena arpe rạskạkʼa, ente Jerusalem do mitʼṭecʼ rạskạ reakʼ ar uniren hoṛkoakʼ kusi reakʼ jinis lekań sirjạuea.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Jirimiạ 3:23

Sạrige buru boṭkocʼ khon goṛowakʼ do eṛeteakʼ chaḍa ar cetʼge baṅkana. Sạrige aleren Probhu Isorrege Israelkoakʼ bańcaokʼ do menakʼa.

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Jona 2:9

menkhan iń do sarhao sereńate am ńutumte janwar dãṛẽgeń samaṅama. Ar okań manot akatʼ onań purạuama. Ar bańcaoiń do Probhu Isorakʼ kạmikana.”

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Johan sodor 7:10

Ar ãṭ aṛaṅte hohokateko menetʼkan tahẽkana: “Okoe siṅghạsonreye duṛupʼ akan, aboren Isor ar Bheḍa Hopon titege kại khon bańcao do hoyakana.”

1 Samuel 2:1

Ona tayom Hanna do koejoṅateye menkeda, “Probhu Isor iạtegeń rạskạkʼ kana; Probhu Isorge ińe jitạu oco akadińạ. Ińren bạiri samaṅrege iń do khulạsate rạskạ sereńiń sereńetʼ kana; ente ińren bạiriyakʼ ti khonem bańcao kedeńte iń do ạḍiń rạskạkʼ kana.