Jesaea 11:3 - সান্তালী বাইবেল

³ Uniyakʼ rạskạ do Probhu Isor botoraege. Uni do mẽtʼte okae ńel ona leka do bae bicạra, se luturte okae ańjom ona leka hõ bae phanḍaoa;

Jesaea 11:3 Iomraidhean Croise

2 Samuel 14:17

“Ńitokʼ iń amren kạ̃ṛmĩ do noań hudiseda, ińren maharajakʼ katha jemon suluke imạń, ente boge-bạṛicʼ bicạrre ińren kisạ̃ṛ maharaj do Isorren mitʼṭen goḍet lekanicʼ kanae. Amren Probhu Isor do am sãotege baṛeye tahenma.”

2 Samuel 14:8

Raj do maejiue metadea, “Do oṛakʼte ruạṛ calakʼme. Iń do am babotre mitʼṭecʼ iń bebostaea.”

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Jobakʼ 12:11

Alaṅ do cetʼleka jomakʼe cakha ạikạuetʼ onkage lutur hõ katha reakʼe biḍạu aṭkareda.

Jobakʼ 34:3

Alaṅ cetʼ leka jomakʼkoe cakha ạikạuetʼkan onkage hoṛkoakʼ lại-kathako biḍạu aṭkarpe.

Kạhtukko 2:5

enḍekhan Probhu Isor botorae do cetʼkana mente, onam bujhạu daṛeakʼa ar Isorakʼ ạkilem ńama;

Kạhtukko 2:9

Ińakʼ katham ańjomle tiń khan, enḍekhan okaṭakʼ do lek reakʼ, okaṭakʼ do hok reakʼ, okaṭakʼ do dhorom reakʼ ar okaṭakʼ do bhạlại reakʼkan ona jotowakʼ reakʼ horkom bujhạu daṛeakʼa;

Jesaea 33:6

Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Jeheskel 45:8

Niạ ṭhạ̃ire Israel disạmren disạm cakʼlaoko do ińren hoṛko ar bako santaokoa, bickom Israel jạtrenko do akoakʼ gusṭirenko lekate jumiko hạṭińakoa.

Mikạ 4:3

Uni do boṅgan hoṛ jạtrenko talareye bicạra ar sạṅgińren daṛean hoṛko talare hok reakʼe chinḍạukatakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ bako lạṛhạiya.

Luk 2:52

Ar Jisu do akelte, umerte ar Isor ar manwakoakʼ dulạṛteye hara idiyena.

Johan 2:25

Ar manwa reaṅ okoeyakʼ goha hõ baṅ jạruṛadea, ente manwakoakʼ monre oka menakʼ ona doe baḍaekan tahẽkana.

Johan 7:24

Mẽtʼãhã ńelte do alope bicạra bickom hok reakʼge bicạrpe.”

Ibriko 5:14

Okoekoakʼ umer hoyakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”