Jesaea 11:14 - সান্তালী বাইবেল

¹⁴ Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Jesaea 11:14 Iomraidhean Croise

Jesaea 14:29

E Philisṭiko, apeye ńẽtʼetʼpe tahẽkan ṭheṅga do rạputʼ akante alope rạskạkʼa. Ente bińakʼ bõs khonge ayaṅ bińe hijukʼa, ar uni biń khon do uḍạukʼicʼ bińgeye oḍok hijukʼa.

Jesaea 15:1

Moab babotre Probhu Isorakʼ katha do nonka kana: Moab reakʼ Ar ńutumanakʼ nagraha ar Kir nagraha do mitʼ ńindạtege jarkharena.

Jesaea 16:14

Menkhan ńitokʼ Probhu Isor doe meneda, “Mitʼṭen din mujuri hoṛ cetʼleka bochore lekhae onkage pe bochor bhitrite Moabakʼ ṭhonok ar uniren ḍher hoṛ doko nihạ̃t ocokʼa ar jiwetʼ tahen hoṛ do lekhare thoṛa ar nijorko hoyokʼa.”

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 63:1

Edom reakʼ Bosra khon jeṅgetʼ arakʼ kicricʼ horokʼkate uniye hijukʼkạnicʼ, doe okoe kana? Ṭhonokte perecʼ kicricʼ horokʼkate maraṅ daṛe salakʼ daraekạnicʼ, doe okoe kana? “Iń kangeạń uni do, ińge hok reakʼ kathań roṛeda, ińge maraṅ daṛeteń babańcao kana.”

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jirimiạ 40:11

Moabrenko, Amonrenko, Edomrenko ar eṭakʼ disạmren sanam Jihudikoko ańjomkeda baṅma Babelren raj do Jihudạ disạmre thoṛa hoṛe bạgi oṭo akatʼkoa ar Gedaliạ do onko cetanre disạm cakʼlaoyicʼ dohoakadea.

Jirimiạ 48:40

Probhu Isore meneda, “Ńelpe, mitʼṭen hoṛ do pajhaṛ cẽṛẽ lekae ạphir hijukʼkana ar Moab upạrte acʼakʼ phạ̃kṛạ̃kʼe lap lapa akatʼtaea.

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Jirimiạ 49:22

Ńelpe, onkoren bạiri do pajhaṛ leka coṭteye uḍạukʼa ar Bosra cetanre phạ̃kṛạ̃kʼe lap lapaete sã sãye pheḍ hijukʼa. Enhilokʼ Edomren lạṛhại phạdkoakʼ mon do bedonokʼkan maejiuakʼ mon leka hoyokʼtakoa.

Jirimiạ 49:28

Babelren raj Nebukadnesar do Kedar ar Hasorren okoekin raje bhagaoletʼ kin unkin babotre Probhu Isor doe meneda, “Beretʼpe, ar Kedarte rakapʼ calakʼpe ar purub disạmren hoṛko jarkharkope.

Jeheskel 25:14

Iń do ińren hoṛ Israelkoakʼ tite Edom cetanreń hala hạliya ar onko do ińakʼ edre ar khĩs lekate Edom birudteko kạmiya. Unre onko doko baḍae daṛeakʼa, ińgeń hala hạli akada mente.”

Daniel 11:41

Uni do ṭhonok disạmte hõe bolokʼa. Ar ḍher disạmko do ńurokʼa, menkhan goṭa Edom, Moab ar Amonren joto khon bhage hoṛko do uniyakʼ ti khon bańcaoko ńama.

Joel 3:19

Menkhan Misor do dhaṅdhaserakʼ ṭhạ̃ige hoyokʼa ar Edom do jarkharakʼ hahaṅkar hoyokʼa, ente Jihudạren hoṛko cetanre santao hoyakana ar onkoakʼ disạmre bin dusạnkoakʼ mãyãm joro ocoakana.

Amos 9:12

Jemon Israelko do Edomren sarecʼ hĩs ar eṭakʼ jạtrenkoakʼ disạmko ạidạri daṛeakʼ.” Probhu Isor, okoe do noakoe kạmikan, unige noa katha doe meneda.

Habakkuk 1:8

Onkoren sadomko do hunḍạr khon hõ usạrateko calakʼa, ar ạyupʼ jokhecʼ do hunḍạr khon hõko botorangea. Onkoren aswariko do sạṅgiń khon tạpisteko hijukʼa; ar onko do jojom lạgitʼ pajhạṛ lekako ạphir hijukʼkana.

Sephaniạ 2:5

E Kerithiren hoṛko, okoe do jalapuri aṛerepe tahenkan, hae ape do! E Philisṭikoakʼ Kanan, am upạrte Probhu Isorakʼ katha do nonka, “Am do nonkań jarkharmea, amre celege bako tahena.”

Sephaniạ 2:7

Onako ṭoṭha do Jihudi bõsren sarecʼkoakʼ ạidạrire tahena; onḍe onko do ạtiń reakʼ ṭhạ̃iko ńama. Ar ạyupʼ jokhecʼ do Askelonakʼ oṛakʼreko giticʼa. Onkoren Probhu Isor do onkoe ńel todarotkoa; ar lahate lekae ruạṛkatakoa.

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.

Mathae 8:11

Ińiń metapekana, purub ar pạchim khon aema hoṛko hijukʼa ar Abraham, Isahak, ar Jakob sãote serma rajre jojomko duṛupʼa.

Bikʼcạrko 6:3

Israelko do tinre phosolko eretʼ tahẽkana unre Midiạnrenko, Amalekiko ar purub disạmren hoṛko hecʼkate onkoakʼ disạmko luṭ idiyetʼkan tahẽkana.