Jesaea 11:11 - সান্তালী বাইবেল

¹¹ Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 11:11 Iomraidhean Croise

Genesis 10:10

Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

Genesis 10:22

Shemren hoponko doko hoyokʼ kana, Elam, Ạsur, Arpaksad, Lud ar Aram.

Genesis 11:2

Onko do purub secʼko laha idiyente Sinor disạmre mitʼṭecʼ bilạn ṭạnḍiko ńamketʼ khan onḍege girobasokʼko ehopʼena.

Genesis 14:1

Sinạr disạmren Amraphe raj, Elasarren Ariok raj, Elamren Kedarlaomer raj ar Goyimren Tidạl raj-

Genesis 2:13

Dosar gaḍa reakʼ ńutum do Sihon. Noa gaḍa do kus disạm beṛhaete ạtu calao akana.

2 Rapajko 17:24

Asurren raj do Israel hoṛkoakʼ jaega purun lạgitʼ Babel, Kuth, Awa, Hamat ar Sepharwayim khon hoṛko ạgukate Samariạ nagraha ar atokoreye dohoketʼkoa. Ar onko do onako jaegare girobasokʼko ehopʼena.

Ester 10:1

Ahasberos raj do acʼakʼ goṭa rajosṭi, ar sạṅgiń disạmkore hõ khajnae ladeatʼkoa.

Sereńko 68:22

Probhu Isore menkeda, “Iń do Bashan disạm khon onkoń ạgukoa; jalapuri reakʼ khạndriyakʼko khoniń rakapʼ ruạṛkoa,

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 10:20

Enhilokʼ Israelren jiwetʼ tahen hoṛko, metakʼme Jakobakʼ bõsren sarecʼ hoṛ do akoren hạhạnko cetanre ar bako bhorsakʼa, menkhan Probhu Isor cetanre, Israelren uni sonoticʼ cetanre sạrigeko bhorsakʼa.

Jesaea 10:9

Kalnowakʼ dosa do cetʼ Karkemis leka do baṅkana? Ar Hamat do cetʼ Arpad leka baṅkana? Samariạ do cetʼ Damesek leka do baṅkana?

Jesaea 11:16

Misor khon oḍok hijukʼ jokhecʼ cetʼleka Israelko lạgitʼ mitʼṭecʼe horletʼ onkage uniren jiwetʼ tahen hoṛko lạgitʼ Ạsur khon mitʼṭecʼ raj ḍahar do oḍokokʼa.

Jesaea 19:21

Nonkate Probhu Isor do Misorrenko ṭhen apnartetʼe sodorokʼa ar enhilokʼ onko do Probhu Isorko aṅgocea. Onko do janwarko samaṅkoa ar phosolko samaṅa arko sewawaea ar Probhu Isor ṭhen manotakʼko purạutakoa.

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jesaea 22:6

Elamrenko do sar ṭhoṅgako gugukeda; rãt gạḍi ar aswarikoantege. Ar Kirrenko do ḍhalanteko sapṛao akana.

Jesaea 24:15

Ona iạte purub secʼrenko do Probhu Isorko sarhaoema ar sạṅgiń disạmren hoṛko do Israelren Probhu Isorko õṛhẽ sereńaema.

Jesaea 37:31

Jihudạ gusṭiren okoeko hoṛ do unhạbicʼ jiwetʼko tahen onko do ar mitʼ dhaoko jo bahakʼa. Dare leka onko do latar secʼko rehedokʼa ar cetan secʼ doko jo bahakʼa.

Jesaea 42:10

E jalapuri cetante dãṛãnkan hoṛko, ar onare menakʼ sanamakʼko, E sạṅgiń disạmko ar onaren girobasokʼko, ape do Probhu Isor ńutumte mitʼṭecʼ nãwã sereń sereńpe, pirthimi reakʼ ses simạna khon uniyakʼ sarhao sereńpe.

Jesaea 42:12

Onko do Probhu Isorko sarhaoema; ar sạṅgiń disạmkoren do uniyakʼ sarhaoko jạhirtaema.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jirimiạ 25:25

Simri, Elam ar Madaeren sanam rapajko;

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jirimiạ 44:1

Misor disạmre okoe Jihudiko do Migdolre, Tahpanhesre, Naphre ar Pathros ṭoṭhareko girobasokʼ kan tahẽkan onko reaṅ Probhu Isorakʼ noa katha do Jirimiạ ṭhen hecʼena.

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.

Jeheskel 27:6

Ar Bason disạm reakʼ Elon darete do amakʼ jahaj reakʼ ḍạḍuko benao akada; ar Kaprus khon Tạsur kaṭ ạgukate onko do amakʼ jahaj reakʼ anaṭetʼ benaokate hạti reakʼ ḍaṭateko sajao akada.

Jeheskel 29:14

Iń do lahate leka onkoakʼ dosań ruạṛkatakoa ar onkoren hapṛamkoakʼ disạm Pathrosteń ạgu ruạṛkoa. Onḍe onkoakʼ rajosṭi do nijorakʼ hoyokʼtakoa.

Jeheskel 30:14

Ar Pathros do ujạṛakʼ iń hoeocoya, ar Soanre do seṅgeliń salgaoa ar Thebes nagraha doń sạjạiyea.

Jeheskel 32:24

“Elam hõ onḍege menaea; uniyakʼ topa beṛhaete do acʼren sanam hoṛko menakʼkoa. Onko sanamkoge lạṛhạireko gocʼ ocoakana. Onko do jiwetʼkoakʼ disạmre botorko unạn ocoletʼ tahẽkana, menkhan mucạtʼre onko sanamkoge bin khatna akan dosare dhạrti reakʼ khandṛaṅreko pheḍena. Ar okoe Seolteko pheḍ sen akan onko sãotege noko hoṛ do akoakʼ lajaoko dipil akada.

Jeheskel 38:8

Ḍher bochor tayom am do lạṛhại lạgitʼem hoho ocokʼa. Unre am do nonkan mitʼṭecʼ disạm cetanre jhãpem ema okaṭakʼ disạm do lạṛhại khon rehaye ńamakatʼ, one onaren hoṛko do ḍher jạtrenko tala khon Israel reakʼ burureko jarwa akan. Ona disạm do ḍher din khon ujạṛakʼ tahẽkana, menkhan am do jhãp ạurim emrege uniren hoṛko do eṭakʼ eṭakʼ jạtrenko tala khonko oḍok ạgu ocokʼa, ar unre onko do jotoge khạtirjomako tahena.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Daniel 11:18

Ona tayom utạrren raj do sạṅgiń disạmko secʼe moneyakʼa ar aema disạmkoe dokhola, menkhan mitʼṭen subedar do uniyakʼ ona jitạukʼ reakʼ bạḍạitetʼe caba utạrtaea ar uniyakʼ hekʼnostage ạcur ruạṛaea.

Daniel 8:2

Ona dorsonre iń do Elem Prodes reakʼ Susan gaṛiń ńelkeda. Ona dorson talare iń do Ulại gaḍa aṛereń tahẽkana.

Hosea 1:11

Jihudạ ar Israelren hoṛko do arhõko midokʼa ar ako cetanre mitʼṭen mukhiyạko dohoyea. Ona laha oka disạmre bondi akanko tahẽkan onḍe khon onko doko calaojoṅa, ente Jisreyelakʼ ona din do maraṅge hoyokʼa.

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Hosea 11:11

Misor khon cẽṛẽ leka, ar Ạsur khon do potam leka onko do thar tharaokʼ tulucʼ iń ṭhenko hijukʼa. Ar iń do onkoakʼ oṛakʼregeń dohokoa. Iń Probhu Isorge noa katha doń meneda.”

Mikạ 7:12

Ona jokhecʼ Ạsur ar Misor reakʼ nagrahako khon hoṛ do ape ṭhenko hijukʼa; hẽ Misor khon phurạt gaḍa hạbicʼrenko, mitʼ jalapuri khon armitʼ jalapurirenko ar mitʼ buru khon armitʼ buru hạbicʼren hoṛko hijukʼa.

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Sakariạ 5:11

Uni doe roṛ ruạṛadińa, “Unkin do Sinạr disạmtekin idiyeda. Onḍe do uni maejiu lạgitʼ mitʼṭecʼ oṛakʼ benaokʼa. Ar oṛakʼ benao sạtlen khan uni do acʼakʼ ṭhạ̃ire kin duṛubea.”

Sakariạ 8:7

Iń do arhõń meneda, purub disạmrenko ar pạchim disạmrenko khon ińren hoṛkoń rukhiyạkoa.

Sakariạ 9:2

Hamat, oka do Hadrak simạna ṭhen menakʼ ona upạrte hõ Probhu Isorakʼ katha do purạukʼa. Tur ar Sidonrenko do ạkilan hoṛ kanrehõko, enhõ onko upạrte ona do hoyokʼgea.

Romiko lạgitʼ Pạul Apostolakʼ ciṭhi 11:15

Isor do Jihudiko bae bạsutako khan ar onkoakʼ giḍi ocokʼ do dhạrtirenkoakʼ samgeakʼkan khan enḍekhan Jihudikoe ataṅlekore do cetʼ hoyokʼa? Ona do cetʼ gocʼko jionko ńamakatʼ leka do baṅa?

Romiko lạgitʼ Pạul Apostolakʼ ciṭhi 11:26

Nonkate joto Israelko do bańcaoko ńama. Sonot sostorre olakana; Sion khon babańcaoicʼe hijukʼa; uni do Jakob bõsren hoṛko tala khon, bedhoromkoe ocokʼ giḍiya.

2 Korinthiko 3:16

Menkhan onko modre jãhãege Probhu Isor secʼ mon ạcurlentako khan ona orwal do ocogokʼa.

Dosar Biboron 9:29

Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’