Jesaea 11:10 - সান্তালী বাইবেল

¹⁰ Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 11:10 Iomraidhean Croise

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

1 Bõsbudạ 2:12

Boasren hopon do Obed ar Obedren hopon do Jisại.

Sereńko 116:7

E ińakʼ jiwi, arhõ khạtirokʼme, ente Probhu Isor do ḍhergeye bhạlại akatʼmea.

Sereńko 145:11

Onko do amakʼ rajosṭi reakʼ ṭhonokanakʼ katha ar amakʼ daṛe reakʼ kathako roṛa;

Sereńko 149:5

Noa manot ńamkate Isor botoraeko doko rạskạkʼma; onko do apan ạpin aṭetʼre rạskạteko sereńma.

Sereńko 91:1

Maraṅ Isorakʼ hirlạre okoye tahenkan uni do sanam daṛeanicʼakʼ umulreye tahẽnkana.

Sereńko 91:4

Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.

Jesaea 11:1

Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Jesaea 14:3

E Israel, oka hilokʼ Probhu Isor do amakʼ harkhet saset khon, amakʼ jala, hamal kạmi ar golam khone rukhiyạmea enhilokʼ am do Babelren raj upạrte nonkage ṭiṭkạri katham roṛa, “Ńelpe, sasantaoicʼ do cetʼlekae cabayena! Uniyakʼ sasantao edre do mucạtʼentaea.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Jesaea 28:12

Uni do onkoe metatʼko tahẽkana, “Niạ kangea ona jirạukʼ jaega do, laṅga akan hoṛ do nonḍegeko jirạu joṅma. Ńelpe, ona kangea aosan jaega do.” Menkhan onko do ona bako ańjomleda.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Jesaea 49:22

Probhu Isore meneda, “Ńelme, iń do isạrate eṭakʼ jạtrenkoń hohowakoa ar ińakʼ nisạn iń udukʼakoa. Onate onko do hoborate ińren hoponkoko ạgukoa ar ińren hoponerko doko ghõṛa ạgukoa.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Jesaea 60:5

Ona ńelte am do rạskạtem kharsalakʼa, ar hulạstem perejokʼa; jalapuri reakʼ dhon do am ṭhenko ạguiya, ar jạt jạtrenkoakʼ dhon do am ṭhen hijukʼa.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Hagae 2:9

Lahateakʼ oṛakʼ reakʼ ṭhonok khon ńitokʼakʼ oṛakʼ reakʼ ṭhonok do arhõ bạ̃ṛti jak jomok hoyokʼa. Noa ṭhạ̃ire iń do bhạlạiyiń ạguiya. Phạdkoren Probhu Isorge noa katha doń meneda.’ ”

Sakariạ 6:13

Hẽ, unige Probhu Isorakʼ oṛakʼe benaoa. Uni do rajakʼ manote emocokʼa ar acʼakʼ siṅghạsonre duṛupʼkateye ḍanṭaokoa. Uni do mitʼṭecʼ naeke lekate siṅghạsonreye duṛupʼa ar onate noakin banar hudạ talare begartetʼ do baṅ tahena.’

Numeri 10:33

Nonkate Israelko do Probhu Isorakʼ buru khonko mohnḍayente pe din reakʼ horko sen idiyena. Ar jirạukʼ lạgitʼ mitʼṭecʼ jaega sendra ńam lạgitʼ Probhu Isorakʼ bondobos sinduk do pe din hạbicʼ onko laha lahate sen idiyena.

Mathae 12:21

Ar porjạtrenko do uniyakʼ ńutumreko bhorsakʼa.

Mathae 8:11

Ińiń metapekana, purub ar pạchim khon aema hoṛko hijukʼa ar Abraham, Isahak, ar Jakob sãote serma rajre jojomko duṛupʼa.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

Aposkạmi 11:18

Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Aposkạmi 28:28

“Onate baḍae joṅpe, Isorakʼ noa bańcao do boṅgan hoṛ jạtrenko ṭhen kol akana; onkoge ańjom hõko ańjoma.”

Ibriko 4:1

Isorakʼ jirạu joṅ jaegate bolokʼ reakʼ oka gokʼakʼ tahẽkan ona gokʼakʼ do ńit hõ abo lạgitʼ menakʼgea. Onate abo do sontorakae tahen jạruṛ tabona, jemon okoe hõ ona gokʼakʼ reakʼ bhor khon bin lek mente aloe ńamokʼ.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Johan sodor 22:16

“Iń Jisuge ińren goḍet iń kol akadea, jemon uni do ape ṭhen manḍerko lạgitʼ noako reaṅ gohae em daṛeakʼ. Ińge Dạud reakʼ rehetʼ ar bõs, ar ḍag ḍagaokʼkan bhurkạ ipil do.”

Johan sodor 5:5

Tayomte murubbiko modren mitʼ hoṛe metadińạ, “Alom raga. Jihudạ bõsren dhạcri kul, one okoe doe Dạud bõsren kan, uni doe jitạu akana. Unige ona eae goṭecʼ mohor chapko raṛakate puthiye oṭakʼ daṛeakʼa.”