Jesaea 11:1 - সান্তালী বাইবেল

¹ Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Jesaea 11:1 Iomraidhean Croise

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

1 Bõsbudạ 2:12

Boasren hopon do Obed ar Obedren hopon do Jisại.

Sereńko 145:11

Onko do amakʼ rajosṭi reakʼ ṭhonokanakʼ katha ar amakʼ daṛe reakʼ kathako roṛa;

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Jirimiạ 33:15

Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

Jeheskel 17:22

Probhu Isore menetʼkana, “Ińge debdạru dare reakʼ coṭ agal khon bale ḍog hataokate buru muthnireń rohoea.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Sakariạ 3:8

E Maraṅ naeke Josuạ, am do ańjomme ar am samaṅre duṛupʼakan amren sãoten naeke hõko ańjomma. Iń okaṭakʼ kahle metakʼme ińren gutiń ạguiye unigeye hoyokʼa naekeko reakʼ cinhạ do.

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.

Mathae 1:1

Jisu Mạsi do Dạudakʼ bõsren ar Dạud do Abraham bõsren hoṛe tahekana. Jisu Mạsiyakʼ bõsbudạ do nonkaleka.

Romiko lạgitʼ Pạul Apostolakʼ ciṭhi 15:12

Arhõ Jesaeae meneda, okoe doe Jisại reakʼ kahle kan, uni doe hijukʼa, uni do joto jạtrenko cetanre rajokʼ lạgitʼe teṅgona. Ar sanam jạtren hoṛko do unireko bhorsakʼa.

Ibriko 7:14

Noa do pusṭạugea je, aboren Probhu Isor do Jihudạ bõs khone hecʼlena. Ar noa bõs khon jãhãe mitʼ hoṛ naekeye hoyokʼa ona katha Mose do tishõ bae menletʼ tahẽkana.

Johan sodor 22:16

“Iń Jisuge ińren goḍet iń kol akadea, jemon uni do ape ṭhen manḍerko lạgitʼ noako reaṅ gohae em daṛeakʼ. Ińge Dạud reakʼ rehetʼ ar bõs, ar ḍag ḍagaokʼkan bhurkạ ipil do.”

Johan sodor 5:5

Tayomte murubbiko modren mitʼ hoṛe metadińạ, “Alom raga. Jihudạ bõsren dhạcri kul, one okoe doe Dạud bõsren kan, uni doe jitạu akana. Unige ona eae goṭecʼ mohor chapko raṛakate puthiye oṭakʼ daṛeakʼa.”

Rut reakʼ kạhini 4:17

Ar aḍepaseren maejiukoko menkeda, “Naomiren do mitʼṭen koṛa gidrại hoyakana.” Onko do uni gidrạwakʼ ńutum Obedko dohoketʼtaea. Obed do Jisạiren apate tahẽkana ar Jisại do Dạudren apate tahẽkana.

1 Samuel 17:58

Sạul do uniye kulikedea, “E bạbu, am dom okoeren hopon kana?” Dạude menkeda, “Iń do Bethlehem atoren amren golam Jisạiren hopon kạnạń.”