Jesaea 10:7 - সান্তালী বাইবেল

⁷ Menkhan Ạsurrenkoakʼ monsubạ onka do baṅa, uniyakʼ goṭawakʼ do eṭakʼ leka; uniyakʼ monsubạ do marao giḍikakʼ ar ḍher jạtrenko ses utạrko.

Jesaea 10:7 Iomraidhean Croise

Genesis 50:20

Ape do ińre bạṛicʼpe hudisleda, menkhan Isor do ona talate bhạlại reakʼe monsubạ akada jemon ḍher hoṛakʼ jiwi rukhyiạkʼtako; ar teheń do onage hoyakana.

Jesaea 10:8

Uni doe meneda, “Ińren senaputiko do cetʼ jotoge raj leka doko baṅkana?

Jesaea 23:13

Kạldikoakʼ disạm beṅgetʼakʼpe; mitʼ okte uniren hoṛko do celege bako baḍaeyetʼko tahẽkana. Ạsurrenko Babel do hahaṅkarren janwarkoakʼ ṭhạ̃iko hoy ocoakada, menkhan Babelrenko do Tur upạrte jhãp em lạgitʼ pahra oṛakʼ leka usul usul rãt gạḍiko benao akada, ar uniyakʼ maraṅ maraṅ oṛakʼko luṭ akada ar dhaṅ dhaserakʼ ḍạṅ lekako hoyocoakada.

Jeheskel 29:20

Acʼakʼ kạmi reakʼ kuṛại lekate uni do Misor disạmiń em akawadea, ente uni do iń lạgitʼe kạmi akada. Ar iń Probhu Isorge noa katha doń meneda.

Daniel 11:12

Ar dạkhinren raj do lạṛhại phạdko bondikateye idiko tayom bạḍạiteye perejokʼa ar hajar hajar hoṛkoe gocʼkoa, enhõ uni do mucạtʼ hạbicʼ do bae ṭikạu tahena.

Nạhum 1:11

Ente ape tala khon nonkan mitʼ hoṛe oḍok hecʼakana okoe do Probhu Isor upạrte bạṛicʼakʼe ponthayetʼ ar bạṛicʼ sopolhae emokʼkan.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Aposkạmi 2:24

Menkhan Isor do gujukʼ reakʼ bedon khon khalaskate uniye jiwetʼ beretʼkedea, ente uni sapʼ dohoye reakʼ ektiạri gujukʼakʼ do bạnukʼtaea.