Jesaea 10:6 - সান্তালী বাইবেল

⁶ Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 10:6 Iomraidhean Croise

2 Samuel 22:43

Dhạrti reakʼ dhuṛi leka onko doń holoṅ ḍigirketʼkoa; ar ḍahar reakʼ losotʼ leka jaṅgateń lebetʼ gańjaoketʼkoa.

2 Rapajko 18:25

Ona chaḍa iń do cetʼ Probhu Isor ṭhen khon begor hukum hataokate niạ jaega akromon lạgitʼ iń rakapʼ hecʼakana? Niạ disạm upạrte lạṛhạikate ona marao lạgitʼ Probhu Isor do acʼge ińe menakawạdińa.’ ”

Jesaea 19:17

Ar Jihudạ disạm do Misorrenko lạgitʼ mitʼṭecʼ torasge hoyokʼa. Phạdkoren Probhu Isor do onko upạrte oka cekae lạgitʼe ṭhik akawan ona iạte onko doko botorokʼa.

Jesaea 22:5

Phạdkoren Probhu Isor ṭhen khon dorson reakʼ buru nalare do heṛan botorge hoyakana, onḍe do ḍamaḍol ar lebetʼ gańjao ar andmandao reakʼ dinge hecʼakana. Ona do pạcri rạputʼ giḍikakʼ ar buru-nala ṭhen rakʼjoṅ reakʼ mitʼṭecʼ din kangea.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jesaea 32:6

ente bebujicʼ do bebuj kathageye roṛa ar uniyakʼ mon do dusṭạmiyakʼe ponthaya. Uni do hirkhạwakʼkoe kạmiya ar Probhu Isor reaṅ henosta kathakoe roṛa. Uni doe nonkaea jemon reṅgecʼ edekanicʼ hoṛ do jomakʼ aloe ńam ar tetaṅ edekanicʼ hõ dakʼ aloe ńam.

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 41:25

“Purub secʼren mitʼṭen hoṛ do ińakʼ ńutume lại sodora; uni do utạr secʼ khon hijukʼ lạgitʼ iń uskurede kana, ar uni doe hijukʼkana. Hasa cetʼlekako lebed ar kuṅkạl cetʼleka hasae lebetʼ gańjaoetʼkan onkage uni do disạm cakʼlaokoe lebetʼ gańjaokoa.

Jesaea 49:17

Amren hoponko do ruạṛ hijukʼ lạgitʼko usạrayeda ar okoe amko jarkhar akatʼme onko do am khonko calaojoṅa.

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Jesaea 5:5

Ińakʼ darkha bagwan cetanre okań cekae ona do ńitokʼ iń lạiyapea: iń do ona reakʼ eṭetʼakʼ iń ocoga onate bagwan doko jom ṭhuṭkuya; ar ona reakʼ pạcriń rạputʼ giḍikakʼa onate ona doko lebetʼ gańjaoa.

Jesaea 63:3

“Iń eskarge darkha jo doń lelenkana; jạt jạtrenko mod khon okoe hõ iń soṅgete do bako tahẽkana. Iń do edreteń lebetʼketʼkoa ar raṅgaote jaṅgateń lebetʼ gańjaoketʼkoa; ar onkoakʼ mãyãmge ińakʼ kicricʼre irciyena ar ińakʼ sanam kicricʼko do gabao cabayentińạ.

Jesaea 63:6

Iń do edrete jạt jạtrenko jaṅgateń en ketʼkoa; ar edrete bul bhuteṛko lekań hoyocoketʼkoa ar otre onkoakʼ mãyãmiń suḍrạu ocokeda.”

Jesaea 7:17

Jihudạ ar Ephrayimakʼ begarokʼ din hilokʼ khon oka tisge baṅ hoyakan, Probhu Isor do am ar amren hoṛko ar amren apatakʼ bõsren hoṛko cetanre ona lekan mitʼṭen okteye ạguiya. Ar unre uni do Ạsurren raje ạguiyea.”

Jesaea 8:4

Ar uni gidrạ do ‘Gogo’ se ‘Baba’ roṛ ạuriye cedrege Damesek reakʼ dhon durib ar Samariạ reakʼ luṭakʼ jinisko do Ạsur raj hecʼkateye idijoṅa.”

Jesaea 8:8

ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jeheskel 29:20

Acʼakʼ kạmi reakʼ kuṛại lekate uni do Misor disạmiń em akawadea, ente uni do iń lạgitʼe kạmi akada. Ar iń Probhu Isorge noa katha doń meneda.

Jeheskel 38:12

Am do onkoakʼ jiniskom recʼkoa arem luṭtakoa ar dhaṅ dhaserakʼ jut aroakan jaegako upạrte ar jạt jạtrenko tala khon jarwa akatʼko hoṛ upạrte amakʼ tiyem tultama. Ona jokhecʼ onko hoṛ do janwarko ar jiniskote kisạ̃ṛ akanko tahena ar disạm do dhạrti reakʼ tala utạrakʼ ṭhạ̃ige hoyokʼa.

Jeheskel 38:13

“ ‘Unre Seba, Dedan ar Tạrsis ar uniyakʼ sanam atokoren bạnij bekʼparko do amko kulimea, am do luṭ paṭ lạgitʼem hecʼakana se sona rupạ, janwarko ar jinisko idiy lạgitʼ ar ḍher jinisko recʼ idiy lạgitʼ amren dol bolkom jarwa akatʼkoa?’

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Habakkuk 1:12

E Probhu, ińren Isor, ińren sonoticʼ, am do cetʼ jaejug tahenkạnicʼ dom baṅkana? Ale do ohole marao utạrlena. E Probhu Isor, ale sạjạile iạtege am do Babelrenkom bachao akatʼkoa; E asray buru, ale sạjạile lạgitʼge onko dom teṅgo akatʼkoa.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Mathae 15:7

E Phạsiạrako! Jesaea nạbi do ṭhikge ape reaṅe nạbileda,