Jesaea 10:4 - সান্তালী বাইবেল

⁴ Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Jesaea 10:4 Iomraidhean Croise

Jesaea 22:2

E gulmalte perecʼ nagraha, E kạumạu ar andoṛetʼkan nagraha, amren gocʼ hoṛko ma tarwaṛete se lạṛhạite ma bacoko gocʼ akan.

Jesaea 24:22

Jelkhana reakʼ khạndṛuṅre bondi akan hoṛko cetʼleka mitʼ ṭhenko doho ocokʼ onkage onko do mitʼ ṭhenko doho ocokʼa. Onko do Jelkhanareko bond ocokʼa ar ḍher din hạbicʼko sạjại ocokʼa.

Jesaea 34:3

Onkoren gocʼ hoṛko do bahreteye capatʼ giḍikakoa. Onkoakʼ mạ̃ṛĩko reakʼ sea sĩṛĩcʼ so do ghãṛã ghạ̃ṛĩ rakabokʼa ar onkoakʼ mãyãmte buru-boṭkocʼ do ạrupʼ pheḍokʼa.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jesaea 9:11

Menkhan Probhu Isor do Resin upạrte uniren bạirikoe daṛe ocoakatʼkoa ar uni upạrte onkoe edre ocoakatʼkoa.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 9:20

Onko do leṅgati secʼko losagre hõ reṅgecʼkoa ar jojomti secʼko tạhuṛre hõ bako tirpitokʼa. Sesre onko do apnarren hoṛkoakʼ jelgeko joma.

Jesaea 9:21

Manase do Ephrayimakʼ ar Ephrayim do Manaseakʼ jelko joma, onko do mitʼ sãote Jihudạ upạrteko teṅgona. Ar noako hoylenre hõ uniyakʼ edre do baṅ thirokʼtaea; ar ńit hõ uniyakʼ ti do tulge menakʼa.

Jirimiạ 15:2

Onko do amko kulilem khan, ‘ale do cetʼ hoyokʼtalea?’ Enḍekhan onkom metakoa, ‘Probhu Isor do noa kathae meneda, ‘okoe mahamạri lạgitʼ kanko onko do mahamạrite, okoe tarwaṛe lạgitʼ kanko onko do tarwaṛete ar okoe akal lạgitʼ kanko onko do akalteko gujukʼa; ar okoe do bondi ocokʼ lạgitʼ kanko doko bondi idi ocokʼa.”

Jirimiạ 37:10

Okoe Babelren lạṛhại phạdko apeko akromonetʼpe onko jodi sanamkope bhagaoko ar onkoren eken hạ̃n akan hoṛko tạmbureko tahen, enḍekhan onkoge oḍok hecʼkate niạ nagraha do seṅgelteko ḍahao maraoa.

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Hosea 9:12

Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?