Jesaea 10:3 - সান্তালী বাইবেল

³ Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jesaea 10:3 Iomraidhean Croise

Genesis 31:1

Jakob doe ańjom tiyokʼkeda Labanren hoponko do noa kathako lại baṛayeda je, Jakob do onkoren apatakʼ sanamakʼe hatao akada ar onkoren apatakʼ sompotti iạtege nunạkʼ ḍher hoyakantaea.

2 Rapajko 7:15

Unkin do jordan gaḍa hạbicʼkin sendraketʼkoa ar unkin do senkatekin ńelkeda Aramrenko do ampa ạmpiko dạṛketʼte akoakʼ sanam jinisko ar kicricʼko horreko bạgi giḍi oṭoada. Ar unkin kol ocolenkin hoṛ do sen ruạṛkate jotowakʼ khobor rajkin lạiyadea.

Jobakʼ 31:14

enḍekhan Isor do iń samna sạmni tinreye teṅgona unre cetʼ iń cekaya? Uni do cetʼ roṛ ruạṛ iń emawaea?

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Jesaea 17:4

“Enhilokʼ Jakobakʼ ṭhonok do cabakʼa; ar uniyakʼ itilanakʼ hoṛmo do osogokʼtaea.

Jesaea 20:6

Enhilokʼ doreão aṛe aṛete tahenkan hoṛ doko mena, ‘ńelpe, nõkʼõe nonkayenako onko do one okoe cetanre goṛo ńam lạgitʼ bon bhorsakʼkan tahẽkan ar Ạsur rajakʼ ti khon rukhiyạ ńam lạgitʼ okoe ṭhen bon senokʼkan tahẽkan. Enḍekhan cekate abo do bon paskao daṛekokʼa?’ ”

Jesaea 26:14

Gocʼ akanko do ar bako jiwedokʼa; onkoren jiu do ar bako beretʼa. Onko do sạjạikatem meṭao giḍi akatʼako; onkoakʼ disạ hõm marao akatʼtakoa.

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jesaea 28:20

Ar apeakʼ gitijokʼakʼ aṭetʼ hõ khaṭokʼtapea, ar oyokʼ lạgitʼ kombol hõ sakṛakʼtapea.

Jesaea 30:16

Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.

Jesaea 30:5

menkhan enhõ onko mimitʼko doko lajao ocokʼa, ente onko jạtrenko do jãhãnakʼ porhoge bako hoyokʼtakoa. Onko do cetʼ goṛo ar porho hõ bako ńama; eken lajao arko bemanot ocokʼa.”

Jesaea 30:7

Misor reakʼ goṛo do ạuṛiyakʼgea, jãhãn kạmi reakʼge baṅkana; ona iạte iń do onko jạtrenkoakʼ ńutumiń dohoakada Rahab, metakʼme duṛupʼ hape akanicʼ.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 39:3

Tayomte Jesaea nạbi do Hiskiạ ṭhen senkateye kulikedea, “Onko hoṛko do cetʼko menkeda, ar oka khonko hecʼlena?” Hiskiại menkeda, “Onko do sạṅgiń disạm, Babel khonko hecʼlena.”

Jesaea 5:14

Ona iạte patal puri do acʼakʼ nạnḍriye osar akatʼtaea, ar moca do maraṅ okocʼe cahapʼ akada. Ar manotanko ar disạm hoṛko, jhogṛakʼko, gulmaletʼ hoṛko jotoge onḍeko ńurokʼa.

Jesaea 5:26

Uni do sạṅgiń jạtrenko lạgitʼ mitʼṭecʼ nisạne rakabtaea ar dhạrti reakʼ ses simạnaren hoṛkoe hohoakoa. Ar ńelpe, onko do usạrateko ńir hijukʼa.

Jirimiạ 22:7

Iń do am upạrte nonosṭokoń kolkoa; onko mimitʼkoakʼ tire do khanḍa bhanḍa tahena. Onko do amakʼ bhage bhage debdạru dareko maga ar seṅgelreko khadle giḍikakʼa.

Jirimiạ 4:30

E ḍahao marao akan nagraha, am do cetʼem cekaya? Arakʼ kicricʼ ar sona reakʼ gohnate do cedakʼem abhranokʼ kana? Cedakʼ mẽtʼre do aenom kajarem lagaojoṅ kana? Am do ạuṛiyakʼgem sajokʼ kana. Amren dulạṛiạko do amko kurudam kana, onko do amakʼ jiwi hatao lạgitʼko kurumuṭu kana.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 9:9

Iń do cetʼ ona iạte bạń sạjạikoa? Nonkan jạtrenko cetanre ińge cetʼ bạń hala hạliya?”

Hosea 5:13

“Ephrayim do tinre acʼakʼ roge ńelkeda ar Jihudạ do acʼakʼ ghaoko unre Ephrayim do Ạsur secʼ ạcur ruạṛkate goṛo ńam lạgitʼ uni maraṅ raj ṭhen hoṛe kolketʼkoa. Menkhan uni do rog hõ bae boge daṛeataea ar uniyakʼ ghaoko hõ bae bes daṛeakʼa.

Hosea 9:5

Onko do cetʼko cekaea ńiṭ akan porob dinre ar Probhu Isorakʼ porob dinre hõ onko do cetʼko cekaea?

Hosea 9:7

Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

Mikạ 7:4

Onko modren sanamko khon bhage hoṛ do rạṅgạini lekako hoyakana, ar joto khon dhorom hoṛ do kuṛitʼrama reakʼ beṛha lekage. Aperen pahradarko lạiyakope, apeakʼ sạjại reakʼ din do sor akana mente. Ar andesalekʼ reakʼ okte do ńitokʼkangea.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.