Jesaea 10:29 - সান্তালী বাইবেল

²⁹ Onko do buru sinit (giripoth) paromkateko hecʼakana, “Abo do Geba ṭhen ḍerakate bon tahẽ aṅgakʼa.” Onate Rama do thar tharaokʼ kana, Sạulakʼ Geba khon hoṛko doko ńir joṅkana.

Jesaea 10:29 Iomraidhean Croise

1 Rapajko 15:23

Asakʼ eṭakʼ eṭakʼ kạmiko, lạṛhạire jitạukʼ reakʼ katha, ar uni cetʼkoe cekaletʼ ar okako ato nãwãteye benao aroletʼ ona do “Jihudạ rapajkoakʼ Itihãs” ńutumanakʼ puthire ol menakʼa. Haṛam umerre Asa do jaṅgare mitʼṭecʼ rog ńamkedea.

Jirimiạ 31:15

Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Hosea 10:9

Probhu Isore meneda, “E Israel, Gibearem kạiletʼ khonge am dom kại ạguiyetʼkana, ar kạirege am dom tahẽyena. Lạṛhại do cetʼ Gibearen dusṭạmiren hoponko bae tiyokʼ daṛeakoa?

Hosea 5:8

“Ape do Gibiạre siṅgạ ar Ramare do pẽpṛẽtʼpe oroṅeda. Ar Beth-Abnere do hohoatepe meneda, ‘E Benjamin, lạṛhại baṛe ạyur bonme.’

Hosea 9:9

Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.

Josuạ 21:17

Ona chaḍa Benjamin gusṭirenkoakʼ jaega khon hõ Gibeon, Geba, Anathot ar Almon ńutuman ponea ato ar nagraha ar onako sãoteakʼ aṭiń ṭạnḍi hõko emocoyena.

1 Samuel 10:26

Sạul hõ acʼakʼ oṛakʼ Gibeateye ruạṛ calaoena. Ar okoe birbanṭakoakʼ ontorre Isor do udgạue ematʼko eken onkoge uni sãoteko senena.

1 Samuel 11:4

Hoṛko do tinre khobor emokʼ lạgitʼ Sạulakʼ nagraha Gibeate senkate onḍenko hoṛko lạiyatʼkoa unre onḍenko hoṛ do kạuạ rạuwạ rarakʼko ehopʼena.

1 Samuel 13:16

Tayomte Sạul ar acʼren hopontetʼ Jonathan ar onko sãoten hoṛko do Benjạmin ṭoṭha reakʼ Gibeate senkateko tahẽyena ar Philisṭiko do Mikmasre ḍera akangeko tahẽyena.

1 Samuel 13:23

Ar Philisṭiren lạṛhại phạdko do ḍera khon oḍokkate Mikmas reakʼ horre senkateko tahẽyena.

1 Samuel 14:2

Unre Sạul do Gibea simạna reakʼ Migron ńutumanakʼ mitʼṭecʼ jaegare ḍạlim dare buṭạreye duṛupʼ akan tahẽkana. Ar uni sãote turui sae hoṛko tahẽkana,

1 Samuel 14:4

Ar okaṭakʼ ciritʼ horte paromkate Jonathan do Philisṭikoren lạṛhại phạdkoakʼ ḍera ṭhen calakʼ reakʼ kathae menletʼ ona ciritʼ hor reakʼ banar aṛege dhiri reakʼ usul pạcri leka khaṛage tahẽkana. Ona mitʼ aṛe reakʼ ńutum do Boses ar eṭakʼ aṛe reakʼ ńutum do Sene tahẽkana.

1 Samuel 14:5

Ona reakʼ mitʼ aṛe do utạr reakʼ Mikmas secʼ ar eṭakʼ aṛe do dạkhin reakʼ Geba secʼ.

1 Samuel 15:34

Ona tayom uni do Ramoteye ruạṛ calaoena ar Sạul do Gibeat-Sạul nagrahateye ruạṛena.

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.