Jesaea 10:15 - সান্তালী বাইবেল

¹⁵ Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Jesaea 10:15 Iomraidhean Croise

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 29:16

Apeakʼ bud do ulṭạ palṭagea! Kuṅkạl ar jaṭaṅ hasa do mitʼ lekagepe hudiseda! Okoeye benaoetʼkan uniyakʼ benao jinis do cetʼ uni reaṅe roṛ daṛeakʼa, “Uni do bae benao akadińạ mente?” Ar bhajan do cetʼ kuṅkạl babotreye mena, “Uni do cetʼge bae baḍaea?”

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jesaea 45:9

“Hae uni hoṛ do, okoe do acʼren sisirjạuicʼ sãoteye reṭepeṭekʼ kan. Uni do hasa bhajanko modren chaḍa ar cetʼgeye baṅkana. Jaṭaṅ hasa do cetʼ kuṅkạle kuli daṛekea, ‘cedakʼem sirjạukedińa?’ Amakʼ benaoakʼ jinis do cetʼ ame men daṛeama, ‘am do cetʼ dhej hõ bạnukʼtama?’

Jesaea 7:20

Enhilokʼ Probhu Isor do apeakʼ bohokʼ reakʼ upʼ, jaṅga reakʼ upʼ ar gocoko hoyo ocoytape lạgitʼ Phurạt gaḍa hanasa khon mitʼṭecʼ holatʼ, metakʼme Ạsur raje bhaṛa ạguiyea.

Jeheskel 28:9

Amren gogocʼko samaṅre unre cetʼem mena, ‘iń doń isor kana?’ Menkhan okoe ame ghạlme, uniyakʼ tire am dom manwa kana, debota do baṅa.