Jesaea 10:1 - সান্তালী বাইবেল

^1-2 Hae onko hoṛ do, okoe do behok reakʼ ạn oḍok kate ar eṛe dolil benaokate reṅgecʼ hoṛko akoakʼ ạidạri khonko ocokʼetʼko ar ińren santao ocokʼkan hoṛko hok reakʼ bicạr khonko tạkicʼetʼko, ar rạnḍi maejiu ar ṭũạrkoakʼ jinisko luṭetʼtako.

Jesaea 10:1 Iomraidhean Croise

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

Sereńko 58:2

Se, apeakʼ monre behok reakʼ monsubạ menakʼtapea; bicạr reakʼ tulạte dhạrtire ape do santaogepe soṅeda.

Exodus 23:3

Jãhãe reṅgecʼ hoṛakʼ bicạrre uniye reṅgecʼgete mamblare alom uni sejokʼa.

Exodus 23:6

“Jãhãe reṅgecʼ hoṛakʼ mamblare behok alom bicạra.

Jesaea 29:21

Onko do eṛe kathate hoṛko dusikoa, nagraha reakʼ phaṭok duạrre okoe do bindusạnko secʼe tahenkan uni do pạsiko oḍaoae kana ar sạriyakʼreye tahenkan hoṛ do ạuṛiyakʼteko or ghańjeṛ edekana.

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Jesaea 3:14

Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Jesaea 5:11

Hae, onko hoṛ do, okoe do bubulakʼ ńũi lạgitʼ setakʼreko beredokʼkan ar ḍher ńindạ hạbicʼ duṛupʼkate darkha rasako hoṅgorkan, one ạuriko ńũ bhuteṛokʼ hạbicʼ.

Jesaea 5:18

Hae, onko hoṛ do, one okoe do eṛeteakʼ baberte behok reakʼko or idiyetʼ ar kại do sagaṛ reakʼ baberte.

Jesaea 5:23

okoe do ghus jomkate dusiyicʼko aṛakʼede ar bin dusiyicʼ do hok reakʼ bako bicạretʼtae.

Jesaea 5:8

Hae ape do, one okoe do oṛakʼ sãote oṛakʼ ar khet sãote khetpe toṅge idiyetʼkan; sesre eṭakʼko lạgitʼ jãhãn ṭhạ̃ige baṅ tahena, ar ape eskarge disạmrepe girobasokʼa.

Jesaea 59:13

Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Jesaea 59:4

Okoe hõ hok reakʼ do bako mamblakʼ kana, okoe hõ dhorom salakʼ do bako okalotikʼ kana. Onko do ạuṛiyakʼregeko bhorsa joṅkana ar eṛe kathako roṛeda; onko do kukhire dusṭạmiko omon ocoyeda ar bạṛicʼakʼko jamaneda.

Jirimiạ 22:13

Probhu Isore meneda, “Hae uni do, one okoe bedhoromakʼte acʼakʼ oṛakʼe benaoetʼkan ar behokakʼkote acʼakʼ koṭha kandhakoe tearetʼtae. Hae uni do, okoe hoṛ jãhãnakʼ baṅ emkate acʼakʼ disạmren hoṛkoe khaṭaoetʼko ar onkoakʼ khaṭaoakʼ reakʼ kuṛại bae emako kan.

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Habakkuk 2:12

“Jạt jạtrenko doko mena, ‘hae uni do, one okoe do mãyãm hotete nagrahae benaoetʼ kan ar behokakʼ hotete atokoe teṅgoyetʼkan.’

Habakkuk 2:15

“Jạt jạtrenkoko mena, ‘Hae uni do, okoe do edrete acʼ aḍepaseren hoṛko bubulakʼteye ńũ bul ocoyetʼko jemon onkoakʼ lajaoakʼtetʼe ńel daṛeatako.’

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Habakkuk 2:6

“Onko sanamkoge uniko landa-dhutʼaea arko mena, ‘hae uni do, one okoe eṭakʼkoakʼ jinis acʼ lạgitʼe jarwajoṅ kan ar jạmin reakʼ jiniskoteye kisạ̃ṛokʼkan. Nonka do ar tinạkʼ din calakʼa?

Habakkuk 2:9

“Jạt jạtrenkoko mena, ‘Hae, uni do, okoe do behok reakʼ labte acʼakʼ tahen oṛakʼe benaoetʼkan jemon khạtirjomae tahẽdaṛeakʼte muhin reakʼ ti khon rukhiyại ńam.’

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Mathae 23:27

“Hae, ape sostor baḍaeko, Phạrusiko ar phạsiarako do! Ape do cunte potao akatʼ topa lekanko kanape, one oka bahre ma mońjge ńelokʼkan, menkhan bhitri do gocʼ hoṛakʼ jaṅ ar joto lekan mạilạte perecʼge.

Mathae 23:29

“Hae, ape sostor baḍaeko, Phạrusiko ar phạsiạrako do! Ape do nạbikoakʼ topako nãwãtepe tol aroyeda ar dhorom hoṛkoakʼ topakope sajaoeda.

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoykokʼtaea.”

Luk 11:52

“Hae ape sostor baḍaeko do! Ape do akel reakʼ choṛanpe iditora akada. Ape hõ bape bolokʼkana ar bhitrite bolokʼko hõ bape bolo ocoako kana.”

Johan 19:6

Ado Jisuko ńelkede khan maraṅ naekeko ar kạmiyạko do hohowateko menkeda, “Kurus kaeme, uni do kurus kaeme.” Pilạt do hoṛkoe metatʼkoa, “Apege idiyete kurusepe, ente uniyakʼ jãhãn dosge bạń ńametʼtaea.”

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.