Jesaea 1:8 - সান্তালী বাইবেল

⁸ Sion hoponera do nonkae bạgi giḍi ocoakana uni do darkha bagwanren pahradar oṛakʼ lekae hoyakana, uni do phosol goḍaren ḍera oṛakʼ ar bạiriko hotete gherao ạcurakatʼ mitʼṭecʼ nagraha lekageye hoyakana.

Jesaea 1:8 Iomraidhean Croise

Jobakʼ 27:18

Onkoakʼ benaoakʼ oṛakʼre do tejoko tahena, ona do pahradarkoakʼ macan oṛakʼge hoyokʼa.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Jesaea 1:7

Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 10:32

Teheń Ạsurrenko do Nobre senkateko thirokʼa; onko do Sion kuṛiyakʼ buru secʼ, metakʼme Jerusalem buru secʼ muṭko epel akatʼtakoa.

Jesaea 29:3

Iń do am beṛhaete ar am upạrteń chạunikʼa; gaṛiń benaoa ariń gherao ạcurmea, ar am upạrte buruńjkoń benaoa.

Jesaea 30:17

Mitʼ hoṛ botoraete aperen do hajar hoṛko dạṛa ar mõṛẽ hoṛ botorakote sanamkogepe dạṛ pạnḍuja; onate aperen lạṛhại phạdko do buru cetan reakʼ jhạnḍi chaḍa ar cetʼge baṅ tahentakoa.

Jesaea 37:22

Uni upạrte Probhu Isore meneda, ‘kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuitakoa.

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

Jesaea 49:21

Unre am do mone monetem mena, ‘noko do okoeye janam akawạdińa? Iń do hoponkoń atʼletʼkote bạńjhi lekań hoylena; ariń sạṅgiń ocolena; iń doń ńir baṛaekan tahẽkana. Enḍekhan noko do okoeye ạsul haraketʼkoa? Iń ma coṅ eskargeń giḍi ocolen, menkhan noko? Noko do oka khonko hecʼakana?’ ”

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jesaea 8:8

ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Jirimiạ 4:17

Khetren pahradarko leka onko do Jerusalemko gherao eseda, ente uni do iń upạrteye hul akada. Iń Probhu Isorge noa katha doń meneda.

Jirimiạ 6:2

Napae ar lulubucuteye tahenkan Sionren kuṛi doń maraoea.

Rak̕joṅ 2:1

Hae, Probhu Isor do acʼakʼ edrete cetʼleka Sion hoponera do ńutreye danaṅ esetʼ akadea! Ar Israelakʼ ṭhonok do serma khon otreye giḍiakada. Acakʼ edrekʼ dinre uniyakʼ jaṅga dohoy reakʼ ṭhạ̃i do bae disạ dohoakada.

Rak̕joṅ 2:6

Uni do bagwan reakʼ dare leka uniyakʼ tahen ṭhạ̃iye totʼ giḍiakatʼtaea; uniyakʼ niṭ akatʼ ńapamokʼ ṭhạ̃i hõe marao akatʼtaea. Sion do acʼakʼ sanam porob ar jirạukʼ mãhã reakʼ kathae hiṛiń ocoakadea; ar acʼakʼ edre reakʼ khĩste raj ar naekekoe nihạ̃t giḍi akatʼkoa.

Sakariạ 2:10

Probhu Isore meneda, “E Sion-kuṛi, rạskạte sereńme ar hulạsokʼme, ente ińiń hijukʼkana, ar iń do ape talareń girobasokʼa.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Johan 12:15

“E Sionren kuṛi, alom botorokʼa. Ńelme, amren raj do gadha hoponre decʼkateye hijukʼkana.”