Jesaea 1:7 - সান্তালী বাইবেল

⁷ Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Jesaea 1:7 Iomraidhean Croise

2 Bõsbudạ 28:5

Ona iạtege Probhu Isor do Aram rajakʼ tire uniye jimạkadea. Aramrenko do uniko bhagaokedea ar uniren ḍher hoṛko bondiketʼkote Damesekteko idiketʼkoa. Uni hõ Israelren raj Pekawakʼ tireye jimạ ocoyena. Israelren raj do uniren ạḍi utạr hoṛkoe gocʼketʼkoa. Remaliạ hopon Peka do mitʼ dinte Jihudạren mitʼ lakh bargel hajar lạṛhại phạdkoe gocʼketʼkoa, ente Jihudạren hoṛko do akoren hapṛamkoren Probhu Isorko bạgi giḍi akade tahẽkana.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Sereńko 107:39

Santao, muhin ar dukte arhõ onko doko komao idiyena onkoakʼ dosa do arho bạṛicʼ hoyena.

Sereńko 109:11

Mahajon do onkoakʼ sanamakʼe idiytakoma; ar eṭakʼ hoṛko do onkoakʼ khaṭaoakʼ reakʼ joko idijoṅma.

Jesaea 1:8

Sion hoponera do nonkae bạgi giḍi ocoakana uni do darkha bagwanren pahradar oṛakʼ lekae hoyakana, uni do phosol goḍaren ḍera oṛakʼ ar bạiriko hotete gherao ạcurakatʼ mitʼṭecʼ nagraha lekageye hoyakana.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jesaea 34:9

Edom reakʼ ạtukʼ dakʼ do alkatra leka hoyokʼa, ona reakʼ dhuṛiko do gondhok leka, onate disạm reakʼ ot do jolokʼkan alkatra lekage hoyokʼa.

Jesaea 49:19

“Am dom jarkhar akana arem ujạṛakana ar amakʼ disạm do nasao akatʼ disạm leka hoyakanre hõ enhõ okteko hijukʼkana unre amren hoṛko amre jaega do bam em daṛeakoa, ar okoe amko tạhuṛletʼme onko doko sạṅgińokʼa.

Jesaea 5:17

Unre bhiḍiko do akoakʼ khetre cetʼlekako ạtiń onkage kisạ̃ṛkoakʼ sanam dhaṅdhaser jaegakoreko ạtiń baṛaea, ar porjạtrenko do ona dhaṅdhaserakʼ jaegako hameṭjoṅa.

Jesaea 5:9

Ińakʼ luturte phạdkoren Probhu Isorakʼ niạ kathań ańjomakada, “Sạrige maraṅ maraṅ oṛakʼko do marao utạrokʼa, ar napae napae dolanre do celege bako tahena.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jesaea 60:15

“Am do bạgi arem hirkhạ ocolen tahẽkanre, am talate okoehõ bako calakʼkan tahẽkana, menkhan am do jaejug ṭhonokạnicʼ iń hoyocomea piṛhi cetan piṛhi sanamkoren rạskạwạnicʼge.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jesaea 64:10

Amakʼ sonot nagrahako do hahaṅkar ṭoṭha hoyakana; Sion reakʼ dosa hõ onkage hoyakana, hẽ, Jerusalem hõ ujạṛ akana.

Jesaea 9:18

Sạrige dusṭạmi do seṅgel leka jolokʼ kana, ona do jạnum ar rạṅgạinikoe atar giḍikakʼa. Ona do bir gajaṛkoe jeretʼeda ar onate dhũạ do cetante tutʼ tutʼ gurlạu rakabokʼa.

Jesaea 9:5

Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Jirimiạ 6:8

E Jerusalem, sontorokʼ reakʼ katha ańjomme, ar baṅkhan am ṭhen khon ruạṛ senkate amakʼ disạmiń jarkhar cabaytama ar baṅ berelokʼ disạmgeń hoeocoya.”

Jirimiạ 7:34

Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Rak̕joṅ 5:2

Aleakʼ ạidạriko do bidisiạkoakʼ tire jimạ akana, ar aleakʼ oṛakʼ do eṭakʼ jạtren hoṛko em ocoakana.

Jeheskel 25:4

Onate iń do purub disạmren hoṛkoakʼ tireń soprotpea. Onko do apeakʼ disạmre tạmbuko ṭaṅgao ar ape talareko girobasokʼa; onko do apeakʼ jo ar toako joma.

Jeheskel 30:12

Ar iń do nil gaḍa reakʼ dakʼ iń ańjetʼ ocoya ar bạṛicʼ hoṛko ṭhen disạmiń ạkhrińa; bidisiạkoakʼ tite disạm ar ona tala reakʼ sanamakʼ iń dhaṅ dhaser ocoya. Iń Probhu Isorge noa katha doń meneda.

Hosea 7:9

Bidisiạko do uniyakʼ daṛeko jom akatʼtaea, menkhan uni do ona bae bujhạu daṛeakʼkana. Uniyakʼ bohokʼ reakʼ upʼ do hanḍe nanḍe ponḍ akantaea, ar ona hõ bae kheyal akada.

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Levitikus 26:34

“Tinre aperen bạirikoakʼ disạmrepe tahena unre jarkhar akan apeakʼ disạm do jirạukʼ bochor reakʼ suke joma. Hẽ unre apeakʼ disạm do jirạue ńama ar acʼakʼ jirạukʼ bochor reakʼ suke joma.

Mikạ 5:11

Amakʼ disạm reakʼ nagrahakoń maraoa ar amakʼ sanam gaṛkoń rạputʼ giḍikakʼa.

Mikạ 6:13

Ar onatege iń do apeakʼ ghạṭ iạte bạṛicʼ sạjạiyiń sạjạipea ariń marao utạrpea.

Dosar Biboron 28:33

Bin oprom jạtren hoṛko do apeakʼ jumi reakʼ phosol ar apeakʼ khaṭaoakʼ reakʼ kuṛạiko joma ar ape do jiwetʼ jonompe santao ocokʼa.

Dosar Biboron 28:43

“Ape talare girobasokʼan eṭakʼ jạtren hoṛ do ape khonko usulokʼa ar ape dope copotʼ ocokʼa.

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.