Jesaea 1:6 - সান্তালী বাইবেল

⁶ Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Jesaea 1:6 Iomraidhean Croise

2 Samuel 14:25

Goṭa Israel disạmre Absalom leka ńelokʼte mońj do ar okoe hõ bako tahẽkana. Mońj ńelokʼ iạte uni do jotoko khon bạ̃ṛti sarhaoe ńametʼ tahẽkana. Uniyakʼ jaṅga talka khon coṭ bohokʼ hạbicʼ okare hõ cetʼ khutge baṅ tahẽkantaea.

Jobakʼ 5:18

ente uni doe ghạghạlgea, arhõ onae bedhaokakʼa; uni doe hạhạna, arhõ acʼakʼ titegeye bogea.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Jirimiạ 30:12

Probhu Isore meneda, “Amakʼ ghao do baṅ besokʼtama, amem hạn akan reakʼ ran do bạnukʼa.

Jirimiạ 30:15

Baḍaegeam ghao do baṅ besokʼtama menkhan hasote cedakʼem kikiạueda? Amakʼ aema bedhorom ar kại iạte iń do amre noań nonka akada.

Jirimiạ 33:6

“Enhõ iń do napae hoṛmoteń dohoya ariń ran bogea; ińren hoṛkoń ran bogekoa ar sạriyakʼ reakʼ asambheṛ suluk nirại ar khạtirjoma iń khulạuakoa.

Jirimiạ 6:14

Onko do ińren hoṛkoakʼ ghạlkoko tolkatako kana okaṭakʼ do cetʼge baṅkan. Onkoko meneda, ‘suluk, suluk,’ menkhan suluk do sạrige bạnukʼanaṅ.

Jirimiạ 6:7

Kuń reakʼ dakʼ cetʼleka tartạriạ tahen onkage uni do acʼakʼ dusṭạmiye tartạriạ ocoyeda. Ona bhitrire jorbojor ar jarkhar reakʼ saḍe ańjomokʼ kana; uniyakʼ rog ar ghạl do jaoge iń samaṅre menakʼa.

Nạhum 3:19

Jãhãnakʼ cetʼtege amakʼ ghao do baṅ bogekʼkana; ente amakʼ ghạl do maraṅgea. Okoe amakʼ khoborko ańjomakatʼ onko mimitʼko do amakʼ ńutumte tiko thayoyeda, ente amakʼ bin mucạtʼ dusṭạmire do okoe hale bae paṛao akana?

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Mathae 9:12

Noa katha ańjomkate Jisui menkeda, “Boge hoṛkoakʼ do raranicʼ reakʼ jạruṛ bạnukʼtakoa, menkhan ruạkʼko lạgitʼ do jạruṛgea.

Luk 10:34

Ar uni ṭhen senkate dal ghaokore sunum ar darkha rasae dulatʼteye bedhaokatʼtaea. Ona tayom acʼren gadhareye ladekedete mitʼṭecʼ sạrạite idikedeteye jotonkedea.