Jesaea 1:5 - সান্তালী বাইবেল

⁵ Ape do cedakʼ dalpe joma? Cedakʼ huhultegepe tahena? Ape do bohokʼrepe ghạl ocoakana, ar goṭa ontor do nijorgetapea.

Jesaea 1:5 Iomraidhean Croise

2 Rapajko 1:13

Inạ tayom raj do armitʼṭen subedar ar uniren mõṛẽgel lạṛhại phạdkoe kolketʼkoa. Ar nui tesaricʼ subedar do cetante rakapʼkate Eliạ samaṅre ikhṛumente nehõrkateye menkeda, “E Isorren hoṛ, dayakate iń ar amren mõṛẽgel gutikoakʼ jiwi baṛe rukhiyại taleme.

2 Bõsbudạ 28:22

Ahas raj do niạ kosṭo oktere Probhu Isor cetanre artetʼgeye bepạtiạrena.

Nehemiạ 9:34

Aleren rapajko, mukhiyạko, naekeko ar aleren hapṛamko do amakʼ ạn-ạri bako manao akada; amakʼ hukum se sontor katha hõ bako ańjomleda.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jesaea 33:24

Sionre girobasokʼ hoṛko do okoehõ bako mena, “Iń doń ruạkʼ kana.” Ar onḍe okoeko girobasokʼ onkoakʼ kại do ikạkʼtakoa.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Jesaea 9:21

Manase do Ephrayimakʼ ar Ephrayim do Manaseakʼ jelko joma, onko do mitʼ sãote Jihudạ upạrteko teṅgona. Ar noako hoylenre hõ uniyakʼ edre do baṅ thirokʼtaea; ar ńit hõ uniyakʼ ti do tulge menakʼa.

Jirimiạ 13:23

Kus disạmren hoṛ do cetʼ acʼakʼ harta reakʼ roṅ se tạrupʼ do acʼakʼ ṭiklạkʼ ṭiklạkʼ dage pherao daṛeataea? Amhõ onkage bhage kạmi do bam daṛeakʼa, ente bạṛicʼakʼ kạmikoregem lobdhao akana.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 44:15

Unre okoe hoṛko baḍaekan tahẽkan baṅma, akoren bạhuko do debotako ńutumte dhupko jeretʼeda ar onḍe jarwa akan sanam maejiuko, metakʼme Misor reakʼ Pathros ṭoṭhare girobasokʼ kan maejiuko do Jirimiạko metadea,

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 5:5

Onatege iń do mukhiyạko ṭheniń senokʼa ariń galmaraoakoa; onko do khạṭige Probhu Isorakʼ hor ar akoren Isorakʼ ạnko baḍaegea.” Menkhan onko do mitʼdomte arãṛ rạputʼkate tonolko topakʼ akada.

Jirimiạ 9:3

Probhu Isore meneda, “Onko do eṛeyakʼ sar tuń lạgitʼ akoakʼ akʼ leka alaṅko sapṛao akatʼtakoa; disạmre sạriyakʼ cetanre eṛeyakʼ jitạu akana. Onko do kại cetanko kạiyeda. Ar akoren Isor mente bako aṅgoc edeńkana.

Rak̕joṅ 5:17

Noa iạte aleakʼ mon do nijor akana, noako iạte aleakʼ mẽtʼ do ńuṛu ńuṛu akantalea.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jeheskel 34:16

Ar okoeko atʼakan onkoń sendra ạgukoa ar okoe do eṭakʼ hor secʼko ghańjeṛ akan onko doń ruạṛ ạgukoa. Ar hạn akanko do ghaokoń bedhaokatakoa ar nijorko do jorankoń hoyocokoa, menkhan lodgopʼ ar daṛeanko doń marao giḍikoa, ente iń do dhorom reakʼ bicạr talate ińren palrenkoń ńel jutkoa.

Jeheskel 34:4

Ape do nijor akanko bape daṛe ocoletʼkoa, ruạkʼko bape boge ocoletʼkoa, ghạl akankoakʼ ghaoko bape bedhao letʼtakoa. Ar okoe bạṛicʼ horteko sen akan onko hõ bape ruạṛ ạguletʼkoa ar atʼ akan hoṛkoakʼ khoj tolas hõ bape hataoleda, bickom kajak ar kurmutạha lekape ḍanṭao akatʼkoa.