Jesaea 1:4 - সান্তালী বাইবেল

⁴ Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 1:4 Iomraidhean Croise

Genesis 13:13

Sodomren hoṛko do ạḍi bạṛicʼko tahẽkana onko do Probhu Isor upạrte ạḍiko ghạṭ akatʼ tahẽkana.

2 Rapajko 21:22

Uni do acʼren hapṛamkoren Probhu Isore bạgiyade tahẽkana ar uniyakʼ horte hõ bae senokʼkan tahẽkana.

2 Bõsbudạ 12:1

Rehobiamakʼ raj hudạ tinre keṭecʼena are daṛe idiyena unre uni ar sãoten sanam Israelko do Probhu Isorakʼ ạn-ạriko bạgiyada.

2 Bõsbudạ 27:2

Jotham do uniren apattetʼ leka Probhu Isorakʼ mẽtʼre oka bhageakʼ kan onageye kạmiyetʼ tahẽkana. Ona chaḍa uni do uniren apattetʼ leka do bae bhulleda; dhup jered lạgitʼ Probhu Isorakʼ oṛakʼte do bae bololena. Enhõ hoṛko do bạṛicʼakʼko kạmikan tahẽkana.

Nehemiạ 1:7

Am upạrte ạḍitetʼle behok akada. Amren guti Mose hotete okako ạn-ạri ar hukumkom em akawatʼle ona dole bebatao akada.

Sereńko 58:3

Janam khonge phạsiạrako do bạṛicʼ horteko calakʼkana; ar eṛe katha roroṛko hõ janam khonge bạṛicʼ horteko sen adokʼkana.

Sereńko 71:22

E ińren Isor, amakʼ pạtiạrtetʼ iạte iń do taranakʼ banam seletʼ iń sarhaomea; E Israelren sonoticʼ, iń do peṛesaṅ banamateń sarhao sereńama.

Sereńko 78:40

Hahaṅkarre samani dhao uni upạrteko hulleda, ar ona hahaṅkarre samani dhao uniko duk ocokedea?

Sereńko 78:41

Onko do ghane ghane Isorko biḍạukedea, ar Israelren uni sonoticʼko duk ocokedea.

Sereńko 78:57

Onkoren hapṛamko lekage ṭhik hor khon ocokʼkate onko doko behokkeda; onko do peṛta akʼ lekako konḍeayena.

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Sereńko 89:18

Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.

Exodus 32:7

Onate Probhu Isor do Moseye metadea, “Am do latarte pheḍ calakʼme. Amren hoṛko okoe do Misor disạm khonem oḍok ạguakatʼko onko doko kharap caba akana.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 1:28

Menkhan huhulko ar kạikại hoṛ do jotoge mitʼ sãoteko maraokʼa, ar okoe Probhu Isorko bạgi akade onko doko caba utạrokʼa.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 14:20

Am do eṭakʼ rapajko leka do bam topa ocokʼa, ente amakʼ disạm dom jarkhar akada ar amren hoṛkom khũn akatʼkoa. Bạṛicʼ bõsrenkoakʼ katha do artis hõ baṅ ńumogokʼa.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.

Jesaea 30:15

Probhu Isor, Israelren uni sonoticʼ do niạ kathae meneda, “Kại khonpe ruạṛlen khan bańcaope ńama, ar pạtiạrre diṛho akaepe tahelen khan do daṛepe ńama.” Menkhan ape do bape rạmjạulena.

Jesaea 30:9

Noko do kạṭhuạ jạtren kanako, eṛe roroṛ hoponkoge: Probhu Isorakʼ cecetʼakʼ baṅ ańjometʼkan hoponkoge.

Jesaea 31:2

Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 41:20

jemon ona ńelte hoṛko baḍae arko bujhạu daṛeakʼ, noa do Probhu Isorakʼ tigeye kạmi akada, Israelren uni sonoticʼge niạkoe nonka akada.”

Jesaea 5:19

Onkoko mena, “Isor doe usạrae ma; uni do acʼakʼ kạmi usạrateye kạmima jemon onale ńel. Israelren uni sonoticʼakʼ goṭawakʼ baṛeye purạukʼtae jemon onale baḍae daṛeakʼa.”

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Jesaea 65:11

Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,

Jesaea 65:3

Onko hoṛ do ạuṛiyakʼteko ạṛis ocoyediń kana; onko do bagwankore samaṅokʼakʼko samaṅeda ar iṭạkore dhupko jeretʼeda.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 2:33

“E Jihudạ, am do dulạṛ khudạurem gạkhuṛgea! Bạṛicʼ utạricʼ maejiu hõ amakʼ hor doe ńeleda arem cetʼaekana.

Jirimiạ 2:5

Probhu Isore meneda, “Aperen hapṛamko do cetʼ ińakʼ dosko ńamletʼa, ar onate iń khonko sạṅgińlena? Onko do ạuṛiyakʼren boṅgako pańjaketʼkote apnartetʼ hõko ạuṛiyakʼena.

Jirimiạ 32:32

ente Israel ar Jihudạren hoṛko, onkoren sanam raj ar rajkạmiyạko, naekeko ar nạbiko, Jihudạ ar Jerusalemren hoṛko do akoakʼ sanam bạṛicʼakʼ kạmi hotete ińko bekusi ocoakadińạ.

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Jirimiạ 51:5

Israel ar Jihudạ do phạdkoren Probhu Isor do bae bạgi akatʼkinạ, Israel do uni sonoticʼ samaṅre acʼakʼ disạmre ghạṭteye perecʼ akada.

Jirimiạ 7:19

Menkhan noako kạmikate cetʼ ińko duk ocoyedeń kana?” Onko do akotege lajaoko ạgujoṅkana ar apnartetʼko dukokʼkana.”

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.

Jeheskel 16:33

Sanam kusumbikoge kuṛại doko ńamgea, menkhan am do amren sanam dulạṛiạko kuṛạiyem emako kana. Am sãote laṭghaṭ lạgitʼ jemon sanam ṭhạ̃i khon am ṭhenko hijukʼ ona iạte onko do ghusem emako kana.

Jeheskel 16:45

Am do uni eṅgat hoṛren hoponera kanam, okoe acʼren jãwãe ar gidrạkoe hirkhạwatʼko; ar am do onkan kuṛi boeharen kuṛi boeha kanam, okoe ạkinren jãwãe ar gidrạko kin hirkhạwatʼko. Eṅgam do Hitti maejiue tahẽkana ar ạpum do Amori hoṛge.

Daniel 9:11

Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

Numeri 32:14

“Ape kạiyanko do, aperen baba hapṛamko bodoltepe upel akana ar Probhu Isorakʼ edre seṅgel do Israelko cetanre arhõpe sarsao ocoakatʼtaea.

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Mathae 23:33

“E bińko ar bińkoren hoponko! Cekate norok reakʼ sạjại khonpe bańcaokʼa?

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Dosar Biboron 29:25

“Ar ona reakʼ roṛ ruạṛ do hoyokʼa, ‘ente noa jạtrenko do akoren hapṛamkoren Probhu Isorakʼ bondobosko bạgi giḍiakada, one oka do Misor disom khon oḍok ạguko tayom onko lạgitʼe bandhaoletʼ.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Dosar Biboron 32:19

“Ona ńelte Probhu Isor do acʼren hopon ar hoponerako khon acʼakʼ mẽtʼãhãe danaṅketʼtaea, ente onko do edreteko khĩs ocoakadea.

Dosar Biboron 32:5

“Acʼren hoṛko do unire bạṛicʼko beohar akada. Onkoakʼ dos dạgi iạte uniren hopon ar hoponera doko baṅkana. Onko do bin pạtiạran ar phepṛa hoṛ kanako.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Johan sodor 18:5

Uniyakʼ kại do serma hạbicʼ usul akana ar uniyakʼ bạṛicʼ kạmiko reakʼ katha do Isore disạ akatʼtaea.

Bikʼcạrko 10:10

Onko do Probhu Isor ṭhen rakʼateko menkeda, “Aleren Isor bạgikate sạrige ale do am upạrte ạḍile kại akada ente Bakʼal debotale sewawaekan tahẽkana.”