Jesaea 1:30 - সান্তালী বাইবেল

³⁰ Ape do ona debdạru dare lekan kope hoyokʼa one oka reakʼ sakam do tolmojokʼkan; ar ona bagwan lekan kope hoyokʼa one oka do dakʼte baṅ paṭao akatʼ.

Jesaea 1:30 Iomraidhean Croise

Genesis 12:6

Kanan disạm talate calakʼ jokhecʼ Abram do Sikem nagraha ṭhenakʼ More reakʼ sonot dare hạbicʼe sen idiyena. Unre Kananrenko do ona disạmreko girobasokʼ kan tahẽkana.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Jesaea 64:5

Okoe do Isorakʼ sana leka kạmi lạgitʼ rạskạko ńametʼkan ar amko disạyetʼmete amakʼ horteko calakʼkan onko goṛowako lạgitʼ am dom hijukʼ kana; menkhan ale dole kại akada ar ḍher din khon inạ dosarege menakʼlete ale cetanre ạḍim raṅgao akana. Enḍekhan cekate bańcao dole ńama?

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jeheskel 17:24

Onate ṭạnḍi reakʼ sanam darekoko baḍae daṛeakʼa, iń Probhu Isorge usul dare doń pheḍle ocoya ar pheḍle dare doń usula. Ińge hạriạṛ darekoń rohoṛ ocoya ar rohoṛ dare doń jiwetʼ ocoya. “Iń Probhu Isorge noa katha doń meneda ar iń do onań onkaea.”

Mathae 21:19

Uni do hor aṛere mitʼṭecʼ loa dareye ńelketʼ khan dare ṭhene calaoena, menkhan onare sakam chaḍa ar cetʼge bae ńel ńamlakʼa. Unre uni do dareye metatʼa, “Amre ar tishõ alo jokʼma.” Ar unrege loa dare do rohoṛ gotʼena.