Jesaea 1:24 - সান্তালী বাইবেল

²⁴ Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Jesaea 1:24 Iomraidhean Croise

Genesis 49:24

Menkhan uniyakʼ akʼ do keṭecʼge tahẽkana ar uniyakʼ tikin reakʼ sopo hõ jojosakʼge, ente Jakobren Isorakʼ daṛeanakʼ ti do unire menakʼa. Ar uni tayomre do uni gukʼpiyicʼ menaea, Israel reakʼ ona dhirige.

Sereńko 132:2

Uni do Probhu Isor ṭhene kiriạlena, Jakobren uni daṛeanicʼ Isor ṭhen noae gokʼletʼ tahẽkana,

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 59:18

Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Jesaea 63:4

Ńitokʼ do chakʼḍao reakʼ okte hecʼakana; ar hala hạli reakʼ oka okteń ṭhik dohoakatʼ ona hõ hecʼ seṭerena.

Jirimiạ 50:34

Menkhan onkoren chakʼḍaoicʼ doe daṛeangea; uniyakʼ ńutum do phạdkoren Probhu Isorge. Uni do onkoakʼ mamblae calaotakoa jemon onkoakʼ disạmre suluke ạgui ar Babelren hoṛkoe ḍamaḍol ocoko.”

Jirimiạ 9:9

Iń do cetʼ ona iạte bạń sạjạikoa? Nonkan jạtrenko cetanre ińge cetʼ bạń hala hạliya?”

Jeheskel 16:42

Ona tayom am cetanre ińakʼ edre ar mon reakʼ khĩs do thirokʼtińạ. Ariń thirokʼa, ar bạń edrekʼa.

Jeheskel 21:17

Ińhõ tiyiń thayoya ar ińakʼ jaljalaokʼ edreń tirpit ocoytińạ. Iń Probhu Isorge noa katha doń meneda.”

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Mikạ 5:15

Okoe jạtrenko iń tabere bạnukʼko onko cetanre do edreteń hala hạliya.”

Dosar Biboron 28:63

Ar okaṭakʼ rạskạte Probhu Isore bhạlại akatʼpe ar aperen hoṛkoakʼ lekhae saṅge ocoakatʼtape ona reakʼ rạskạtege uni doe marao caba utạrpea. Ar okaṭakʼ disạmpe dokhol lạgidokʼkan ona disạm khon rehetʼ sudhạpe totʼ giḍi ocokʼa.

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

Ibriko 10:13

Ar tin hạbicʼ acʼren bạiriko acʼakʼ jaṅga latarre ạuriye dohoko unhạbicʼe ńel hohorkana,

Johan sodor 18:8

Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”