Jesaea 1:2 - সান্তালী বাইবেল

² E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Jesaea 1:2 Iomraidhean Croise

2 Rapajko 21:22

Uni do acʼren hapṛamkoren Probhu Isore bạgiyade tahẽkana ar uniyakʼ horte hõ bae senokʼkan tahẽkana.

Sereńko 49:1

E sanam jạtrenko, ape do noa katha ańjompe; okoe do noa dhạrtirepe girobasokʼ kan ape sanamkoge ańjompe;

Sereńko 50:4

Acʼren hoṛkoakʼ bicạr reakʼ hĩs hatao lạgitʼ uni do coṭ reakʼ rimile hohowae kana, ar dhạrti hõe hohoae kana;

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.

Jesaea 30:9

Noko do kạṭhuạ jạtren kanako, eṛe roroṛ hoponkoge: Probhu Isorakʼ cecetʼakʼ baṅ ańjometʼkan hoponkoge.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jesaea 34:1

E jạtrenko, hecʼ sorokʼpe, ar ańjompe; E hoṛko, luturakʼpe. Dhạrti ar onaren sanam hoṛko ańjompe; prithimi ar ona reakʼ hasa khon benao akan hoṛko ańjomma.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Jesaea 65:2

Keṭecʼ hoṭokʼan hoṛko secʼ siń sạṭupʼ ińakʼ tiyiń tiyạr akatʼtińạ. Onko do apnarakʼ bundisko pańjayetʼte bạṛicʼ horteko calakʼkana.

Jirimiạ 13:15

Ańjomtińpe, ar moneyakʼtińpe, bạḍạiko leka do alope hoyokʼa, ente Probhu Isor do kathae roṛeda.

Jirimiạ 22:29

E disạm, E disạm, E disạm, am do Probhu Isorakʼ katha ańjome.

Jirimiạ 3:22

Probhu Isore meneda, “E bạṛicʼ horte sen akan hoponko, dela ruạṛ hijukʼpe; apeakʼ peṛta horte ghańjeṛ akan reakʼ ruạń cabaetapea.” Unre Israelkoko mena, “Hẽ, ale do am ṭhengele ruạṛ hijukʼa, ente am kangeam aleren Probhu Isor do.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jeheskel 24:3

Noko huhulkan jạtrenko ṭhen niạ phen reakʼ katha lạime. Onkom metakoa, Probhu Isore meneda, ‘Celaṅ condaeme, celaṅ condaeme ar onare dakʼ dulakʼme.

Jeheskel 36:4

Onate E Israel reakʼ buruko, ape do ińakʼ katha ańjompe. E maraṅ ar huḍiń buruko, khandṛaṅko, buru-nalako, ujạṛ utạrakʼ dhaṅ dhaserakʼko ar ape beṛhaeten eṭakʼ eṭakʼ jạtrenko okoe do luluṭko ar landa dhudhutʼkope hoyocoakatʼko ona bạgi oṭowakʼ nagrahako,

Amos 3:1

E Israelren hoṛko, ape upạrte, metakʼme Probhu Isor okoe do Misor disạm khone oḍok ạgu akatʼko onko jạtren sanamko upạrte uni okae menakatʼ ona ańjompe:

Mikạ 1:1

Jihudạren raj Jothom, Ahos ar Hiskiạwakʼ rajokʼ oktere Moresethren Mikạ ṭhen Samariạ ar Jerusalem reaṅ Probhu Isorakʼ katha do dorson hotete sodorlena.

Mikạ 1:2

E jạt jạtrenko, ape sanamkoge ińakʼ luturakʼtińpe; E dhạrti ar onare menakʼ sanamakʼko ańjompe! Probhu Isor do acʼakʼ sonot oṛakʼ khon ape upạrte gohae ema.

Mikạ 3:8

Menkhan Jakob do acʼakʼ behokakʼ reakʼ, ar Israel do acʼakʼ kại reaṅ baḍae ocoye lạgitʼ Probhu Isorren Jiu reakʼ daṛete, ar dhorom reakʼ bicạrre dilteń perecʼ akana.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Aposkạmi 4:20

Ạliń do okaliń ńelakatʼ arliń ańjomakatʼ ona begor lạite do ohoge liń tahẽdaṛelena.”

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.