Jesaea 1:10 - সান্তালী বাইবেল

¹⁰ E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

Jesaea 1:10 Iomraidhean Croise

Genesis 13:13

Sodomren hoṛko do ạḍi bạṛicʼko tahẽkana onko do Probhu Isor upạrte ạḍiko ghạṭ akatʼ tahẽkana.

Jesaea 28:14

Ona iạte E ṭiṭkạrikan hoṛko, okoe do Jerusalemre onko hoṛko cetanre mạlikipe calaoetʼ, ape do Probhu Isorakʼ katha ańjompe.

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jesaea 30:9

Noko do kạṭhuạ jạtren kanako, eṛe roroṛ hoponkoge: Probhu Isorakʼ cecetʼakʼ baṅ ańjometʼkan hoponkoge.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jeheskel 13:2

“E manwa hopon, Israelren okoe nạbiko do ńitokʼ kathako roṛetʼkan onko upạrte am do nạbi lekage katha roṛme. Okoe akoakʼ mongoṛa katha lekako nạbiyetʼkan onkom metakoa jemon onko do Probhu Isorakʼ kathako ańjom.

Jeheskel 16:35

E laṭghaṭicʼ maejiu, Probhu Isorakʼ katha ańjomme.

Jeheskel 16:46

Ar ạjim do Samariạ kanae; one uni am khon utạr secʼre acʼren hoponerako sãoteye tahẽnkan. Amren bokom kuṛi Sodom; one uni do acʼren hoponerako sãote dạkhinreye tahẽnkan.

Jeheskel 16:49

“Amren boeha kuṛi Sodomakʼ do noa kại tahẽkana, uni ar hoponerako do bạḍại tahẽkantakoa, ente onko do ḍher jomakʼ tahẽkantakoa ar khạtirjomako girobasokʼkan tahẽkana, menkhan onko do reṅgecʼ ar laṅgaṭ hoṛ bako goṛoako kan tahẽkana.

Amos 3:1

E Israelren hoṛko, ape upạrte, metakʼme Probhu Isor okoe do Misor disạm khone oḍok ạgu akatʼko onko jạtren sanamko upạrte uni okae menakatʼ ona ańjompe:

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?

Amos 9:7

Probhu Isore meneda, “E Israelren hoṛko, ape do cetʼ Kusrenko leka dope baṅkana? Iń do cetʼ Misor khon Israelko, Kapthor khon Philisṭiko ar Kir khon Aramrenko bạń ạguakatʼkoa?

Mikạ 3:1

Iń Mikạgeń meneda, E Jakobren mukhiyạko, metakʼme Israel bõsren disạm cakʼlaoko, ape do ańjompe. Ape do cetʼ hok reakʼ bicạr babotre baḍae baṅ lek kantapea?

Romiko lạgitʼ Pạul Apostolakʼ ciṭhi 9:29

Jesaea do arhõe roṛleda, “Sanam daṛeanicʼ Probhu Isor do bõsko aloe sarecʼ abon khan enḍekhan Sodom ar Gomora nagraha leka bon hoykokʼa.”

Dosar Biboron 32:32

Probhu Isore meneda, “Onkoakʼ darkha nạ̃ṛĩ do Sodom reakʼ darkha nạ̃ṛĩ khon ar Gomora reakʼ khet khonge omon akana. Onkoakʼ darkha nạ̃ṛĩre do bis menakʼa, ar darkha thopako do haṛhatʼgetakoa.

Johan sodor 11:8

Unkinren Probhu Isor oka nagrahareye kurus ocolen ona maraṅ nagraha reakʼ horre unkinakʼ mạ̃ṛĩ do giḍi akan tahena. Ona nagraha reakʼ asol ńutum do Sodom ar Misor baṅkanre hõ, enhõ mitʼ lekangete ona nagraha do Sodom ar Misorko metakʼa.