Jakob 5:16 - সান্তালী বাইবেল

¹⁶ Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Santali Common Language New Testament

¹⁶ Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoe ocoea.

Jakob 5:16 Iomraidhean Croise

Genesis 19:29

Nonkate Lot okareye tahẽkan Isor do ona bilạn ṭạnḍi reakʼ nagrahae maraoetʼ tahẽkanre Abrahamakʼ katha disạkate Lot do onḍenakʼ muhin khone ocokʼ ạgukedea.

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

2 Samuel 19:19

“Ińren mạlik do ińakʼ dos alo baṛeye sabtińma. Ińren kisạ̃ṛ maharaj do oka hilokʼ Jerusaleme bạgi oṭoatʼ enhilokʼ amren guti okań behokletʼ ona do alo baṛem disạitiń ma. Maharaj do mon khon jemon onae sạṅgiń giḍikakʼ.

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.

2 Bõsbudạ 30:20

Ar Probhu Isor do Hiskiạwakʼ koejoṅ ańjomte hoṛkoe ikạ katʼkoa.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Sereńko 34:15

Dhorom reakʼ horte okoeko calakʼkan onkore do Probhu Isorakʼ mẽtʼãhã menakʼa; onkoakʼ koejoṅ ańjom lạgitʼ uniyakʼ lutur do jhicʼge menakʼtaea.

Exodus 17:11

Ar lạṛhại jokhecʼ Mose do tin hạbicʼ acʼakʼ tiye tul dohokakʼkan tahẽkan unhạbicʼ Israelkoko jitạukʼkan tahẽkana; Arhõ tinre tiye pheḍetʼtae tahẽkana unre do Amalekikoko jitạukʼkan tahẽkana.

Exodus 9:33

Ona tayom Mose do Pharao ṭhen khone oḍok senena. Ar nagraha khon oḍok kate uni do Probhu Isor ṭhen ti tulkateye koekeda. Unre rimil saḍe ar arel ńurokʼ thirena. Ar dakʼ ńurokʼ hõ thirena.

Kạhtukko 15:29

Probhu Isor do bạṛicʼko khon pharakreye tahenkana, menkhan uni do acʼ botoraekoakʼ koejoṅe ańjomeda.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Numeri 11:2

Noa iạte onko do Mose ṭhenko rakʼkeda ar uni do Probhu Isor ṭhene koekeda. Ar onate seṅgel do ĩṛĩcʼena.

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

Mathae 3:6

Ar tinre onko do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Mark 1:5

Onate Jihudạ disạm ar Jerusalem nagraharen sanam hoṛko do oḍok hecʼente Johan ṭhen hijukʼko ehopʼena. Ar tinre onko do akoakʼ kạikoko aṅgocketʼa unre Johan do Jordan gaḍareye bạptisketʼkoa.

Luk 9:6

Unre celako do ato ato dãṛãkate Isorakʼ raj reakʼ bhage sombat porcar ar rugiko bogekoko ehopʼena.

Johan 9:31

Baḍaegea bon Isor do kại hoṛakʼ katha bae ańjoma. Menkhan jãhãege Isor sewa hoṛe hoyokʼ ar uniyakʼ sanalekae kạmi enḍekhan Isor do uniyakʼe ańjomtaea.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 19:18

Ar okoe do Probhu Jisureko pạtiạu akan tahẽkan nonka ḍher hoṛge hecʼkate akoakʼ bạṛicʼ kạmi reaṅ sodorteko aṅgockeda.

Aposkạmi 8:24

Unre Simone roṛ ruạṛkeda, “Abenge Probhu ṭhen iń lạgitʼ koeben jemon aben okaṭakʼ ben roṛakatʼ ona ińre alo hoyokʼ.”

Romiko lạgitʼ Pạul Apostolakʼ ciṭhi 3:10

Sonot sostorre olakana, dhorom do okoe hõ bạnukʼkoa, mitʼ hoṛ hõ baṅa;

Romiko lạgitʼ Pạul Apostolakʼ ciṭhi 5:19

Cetʼleka mitʼṭen manwawakʼ bebakʼtao hotete ḍherkoge kại hoṛ menteko lekhayen, onkage mitʼṭen manwawakʼ batao iạte ḍher hoṛ do dhorom menteko ataṅ ocokʼa.

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

1 Thessalonikikko 5:17

ar mitʼ talao koejoṅpe,

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.

1 Thessalonikikko 5:25

E boehako, ale lạgitʼ koejoṅpe.

Ibriko 11:4

Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniyakʼ dãṛẽ aṅgockate uni reaṅ noa gohae emleda je, uni doe dhoromgea mente. Habele gocʼ akanre hõ enhõ uniyakʼ biswạs hotetege uni do ńit hõ kathae roṛeda.

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Ibriko 12:13

Apeakʼ calakʼ hor sojhetape, jemon leḍha hoṛ do ar aloe mackaokʼ, bickome boge ruạṛokʼ.

Ibriko 13:18

Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.

Josuạ 10:12

Oka hilokʼ Probhu Isor do Israelkoakʼ tire Amorikoe jimạketʼko enhilokʼge Josuạ do Israelko samaṅre Probhu Isore metadea, “E siń cando, Gibeon cetanre teṅgo thir akae tahenme, E ńindạ cando, Ajalon buru sokṛare senkate teṅgokʼ hapekokʼme.”

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiyakʼ onako bon kạmi.

1 Samuel 1:12

Hanna do Probhu Isor ṭhen ạḍi ghạṛicʼe koejoṅkan tahẽkante Eli do uniye ạribạndhiyede tahẽkana.

1 Samuel 12:17

Ńitokʼ do guhum gegetʼ somoe kana, se baṅa? Iń do Probhu Isoriń metaea jemon uni do huḍur ar dakʼe kol. Ar unrepe baḍae daṛeakʼa arpe ńela, rajpe koeyante Probhu Isor ṭhen tinạkʼ maraṅpe behok akada mente.”

1 Samuel 12:18

Inạ tayom Samuel do Probhu Isor ṭhene koekeda ar uni do enhilokʼge huḍur ar dakʼe kolkeda. Unre sanamkoge Probhu Isor ar Sạmuelko botoratʼkinạ.