Jakob 5:1 - সান্তালী বাইবেল

¹ E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Santali Common Language New Testament

¹ E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Jakob 5:1 Iomraidhean Croise

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Kạhtukko 11:28

Okoe acʼakʼ dhonreye bhorsakʼkan uni doe gujukʼa, menkhan dhorom hoṛ do hạriạṛ ghãs leka purṭhại hoyokʼa.

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Jesaea 15:3

Ar kulhikore gõṛẽ kicricʼko horokʼ baṛayeda. Onko sanamkoge chat cetanre ar nagraha reakʼ dobạṭiạkoreko jare jarekʼkana. Ar ạḍitetʼko rakʼeda.

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jeheskel 19:2

‘Dhạcri kulko talare amren eṅgam do soros utạr kule tahẽkana. Uni do juạn dhạcri kulko talareye giticʼkokʼ kan tahẽkana; ar acʼren hoponkoe jotonetʼko tahẽkana.

Jeheskel 30:2

“E manwa hopon, am do noa nạbi katha roṛme, Probhu Isore menetʼkana, ‘enhilokʼ lạgitʼ jare jarekʼpe.

Joel 1:11

E cacasko, lajaokʼpe baṛe; ar okoe do darkha nạ̃ṛĩpe jotonetʼkan, ape do guhum ar jao lạgitʼ homor halaṅpe; ente khet reakʼ phosol do nosṭoakana.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 1:5

E bul bhutạṛ hoṛko, ma cetaokʼpe ar rakʼjoṅpe. E sanam bubulakʼ hoṅgorko, ape do ṭaṭka darkha rasa reakʼ bubulakʼ lạgitʼ homorpe, ente apeakʼ moca khon ona do recʼ ocoakana.

Mikạ 6:12

Aperen kisạ̃ṛ hoṛko doko sasantaogea, ar ape hõpe ekʼṛegea ar apeakʼ moca hõ phạsiạragetapea.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Jakob 1:11

Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Jakob 2:6

Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?

Jakob 4:13

Ape modre adomkoko men botecʼkea, “Teheń baṅkhan gapa do phalna nagraha senkate mitʼ bochor bon khemaoa ar onḍe bạnij beparkate bon labjoṅa.”

Jakob 4:9

Dukre do bhabnakʼpe ar hae haeyokʼre do rakʼjoṅpe. Apeakʼ landa do hae haete sodorpe ar rạskạ bodol do dukokʼpe.