Jakob 4:6 - সান্তালী বাইবেল

⁶ Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

Santali Common Language New Testament

⁶ Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko birudreye teṅgona, menkhan mạ̃hirko doe bhorakoa.”

Jakob 4:6 Iomraidhean Croise

2 Bõsbudạ 32:26

Unre Hiskiạ do acʼakʼ mon reakʼ bạḍạitetʼe bujhạuketʼ khan uni doe nindhạnena ar uni sãote Jerusalemren hoṛko hõ. Ona iạte Hiskiạ oktere Probhu Isorakʼ edre do onkore baṅ hecʼ paṛaolena.

2 Bõsbudạ 33:12

Ar Manase do muhinreye paṛaoen khan uni do acʼren Probhu Isor ṭhen dayae khojkeda ar acʼren hapṛamkoren Isor samaṅreye nindhạnena.

2 Bõsbudạ 33:19

Uniyakʼ koejoṅ reakʼ katha, ar uniyakʼ nehõr joṅte Isorakʼ daya reakʼ katha, uniyakʼ sanam kại ar bepạtiạr reakʼ katha, Isor samaṅre ạuri nindhạnokʼre than boṭkocʼkoe benao ocoletʼ ar Asera muṭhạn ar lakʼ rokʼ akatʼko murtiko reakʼ joto katha do ńeńelkoakʼ puthire olakana.

2 Bõsbudạ 33:23

Menkhan uniren apat Manase leka Probhu Isor ṭhen do bae nindhạnlena; uni do kạkạitegeye tahẽyena.

2 Bõsbudạ 34:27

‘niạ jaega ar onaren hoṛko upạrte okań menakatʼ ona ańjomkate amakʼ mon do kastao akantama ar iń samaṅrem nindhạn akana ar amakʼ kicricʼ oṛecʼkateyem rakʼ homor akada. Ar noakom nonka akatʼte iń Probhu Isor do amakʼ koejoṅiń ańjom akada.

Jobakʼ 22:29

Tinre am dom tumbutʼ ocokʼa unrem mena, ‘ińakʼ bạḍại iạtege noa do hoyakana’ amakʼ mạ̃hir iạtege Isor do ame bańcaomea.

Sereńko 138:6

Probhu Isor do jotowakʼko cetanre menaere hõ enhõ uni do nindhạnkoe beṅgetʼakoa, menkhan bạḍạiko doe sạṅgiń khongeye baḍaekoa.

Sereńko 9:12

ente mãyãm reakʼ okoeye hala hạliy uni do gocʼ ocoakan hoṛko hõ bae hiṛiń akatʼkoa, ar dukokʼ kankoakʼ rakʼ joṅ hõ bae ḍhilạutakoa.

Exodus 18:11

Onate ńit iń bujhạ daṛeakʼ kana, joto debotako khon Probhu Isorgeye maraṅa, ente debotako okako reaṅ Israelko upạrteko gorobokʼkan tahẽkan onako babotre Probhu Isorgeye maraṅa.”

Kạhtukko 15:33

Probhu Isor botorae do ạkilokʼ lạgitʼ sikhạuna kana, ar man ńam reakʼ hor do nindhạnokʼgea.

Kạhtukko 18:12

Manwa ontor reakʼ bạḍại do jarkhare ạguiya,

Kạhtukko 22:4

Nindhạnokʼ ar Probhu Isor botorae reakʼ kuṛại do dhon man ar jione ạguiya.

Kạhtukko 29:23

Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

Kạhtukko 3:34

Ṭiṭkạrikan hoṛko doe ṭiṭkạriakoa, menkhan nindhạnko doe dayawakoa.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Jesaea 54:7

“Thoṛa ghạṛi lạgitʼ iń bạgiletʼmea, menkhan ạḍi mãyãkateń ruạṛ ạgumea.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Mathae 13:12

Ente okoe menakʼtae uni do arhõe em ocokʼa, onate uniyakʼ do aema hoyokʼtaea. Menkhan okoeyakʼ bạnukʼtae uni do oka menakʼtae ona hõe recʼocokʼa.

Mathae 23:12

Okoe acʼteye usulokʼ, uni doe copotʼ ocokʼa ar okoe acʼteye copodokʼ uni doe usul ocokʼa.

Luk 1:52

Uni do siṅghạson khon rajkoe ńurhạketʼkoa, menkhan nindhạnko doe tul rakapʼ ketʼkoa.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

Jakob 4:10

Probhu Isor samaṅre nindhạnokʼpe, enḍekhan unigeye tul rakapʼpea.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

1 Samuel 2:3

Ape do ạḍại bạḍại katha alope roṛa, ar bạḍại reakʼ katha do moca khon alope oḍoka; ente Probhu Isor doe nonkanicʼ Isor kana okoe do jotowakʼe baḍaekan, unige kạmi reakʼe tulạyetʼ kana.