Jakob 4:5 - সান্তালী বাইবেল

⁵ Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Santali Common Language New Testament

⁵ Ape do cetʼpe hudiseda, sonot sostorre ạuṛiakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ horakada mente?

Jakob 4:5 Iomraidhean Croise

Genesis 26:14

Uniren bhiḍiko, ḍaṅgrako ar guti kạ̃ṛmĩko nunạkʼko saṅge idiyena, ona ńelte Philisṭiko hõ hiskạwaeko ehopʼena.

Genesis 30:1

Rahel do tinreye ńelkeda acʼ do Jakobren gidrạren eṅgat bae hoedaṛeakʼ kana unre uni do acʼren boeha kuṛi cetanre hiskạ rakapʼadea. Uni do Jakobe metadea, “Gidrạ imạńme, arbaṅ khan iń doń gujukʼa.”

Genesis 37:11

Niạ tayom Joseph iạte acʼren boehako do hiskạte mon perecʼentakoa, menkhan uniren apat do noako katha monreye rebetʼ dohokada, ar okoehõ bae lạiyatʼkoa.

Genesis 38:9

Onan doe baḍaekan tahẽkana, ona bõs do acʼakʼ baṅ hoyokʼtaea mente. Onate boeha hoykate bõs rukhiyại lạgitʼ tinạkʼ dhao hilit era tulucʼe giticʼmitʼen unạkʼ dhaoge acʼakʼ herelteakʼ itạ do otreye giḍikada.

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

Sereńko 106:16

Tạmbure tahen jokhecʼ Mose ńelte, ar Probhu Isorren sonoticʼ Aron ńelte onko do hiskạ hecʼatʼkoa.

Sereńko 37:1

Am do bạṛicʼ hoṛko iạte alom jal jalaokʼa, se behok kạmiyetʼkanko ńelte alom hiskạkʼa;

Kạhtukko 21:10

Bạṛicʼ hoṛ do hạn reakʼe kurumuṭuiya; ar uni pheḍren hoṛ do uni khon jãhãn dayage bako ńama.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Jesaea 11:13

Ephrayim reakʼ hiskạ do sạṅgińokʼtakoa ar Jihudạrenko do bạiri mente bako tahena. Ephrayim do Jihudạ cetanre bae hiskạkʼa, Jihudạ hõ Ephrayim sãote bae bạirikʼa.

Numeri 11:29

Moseye roṛ ruạṛkeda, “Ińakʼ manotge am ṭhen do maraṅena? Ińiń khojogokʼakʼ do noage Probhu Isorren sanam hoṛge jemon nạbiko hoyokʼ ar Probhu Isor do acʼren Jiu onko cetanreye emokʼ.”

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Johan 10:35

Isorakʼ katha okoe ṭhen hecʼlen onkoge coṅ uni ma Deb menteye metatʼko tahẽkan. Sonot sostor reakʼ katha do cetʼ mạutạ daṛekokʼa? Tis hõ baṅa.

Johan 19:37

Arhõ sostor reakʼ ar mitʼṭecʼ katha do noage, “Okoe uniko sobokʼ tapʼlede onkoge uniko beṅgetʼaea.”

Johan 7:42

Sonot sostorre cetʼ bae meneda, Dạud bõs ar Dạude tahẽkan Betlehem khonge Mạsi doe janamokʼa mente?”

Aposkạmi 7:9

“Onko khũṭren hapṛamko do Josephko hiskạwadete golam lekate Misor disạmteko ạkhrińgotʼkadea. Menkhan Isor do Joseph sãote tahẽkate joto lekan duk ar kosṭo khone rukhiyạkedea. Ona chaḍa Isor do Joseph akele danadea ar Misorren raj Pharao samaṅre daya ar dulạṛe ńamkeda. Onate Pharao do Misorren disạm cakʼlaoyicʼ ar acʼakʼ oṛakʼren mạlik hõe benaokedea.

Romiko lạgitʼ Pạul Apostolakʼ ciṭhi 1:29

Jotolekan bedhorom, dusṭạmi, laloc, nicạṛakʼ, hiskạ, khũn, kạphạriạu, eṛe ar eṭakʼkoakʼ loksantako reakʼ sanateko perecʼ akana. Onko do eṭakʼ hoṛ reaṅko cuglia,

Romiko lạgitʼ Pạul Apostolakʼ ciṭhi 9:17

Sonot sostorre Isor do Pharao noa kathae metade tahẽkana, “Amiń raj akatʼmea jemon am hotete ińakʼ daṛeń udug ar goṭa dhạrtire jemon ińakʼ ńutum lại pasnaokʼ.”

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Galathiko lạgitʼ Pạul Apostolakʼ ciṭhi 3:8

Sonot sostorre laharege olakan tahẽkana, biswạs iạtege Isor do boṅgan hoṛ jạtrenko dhorom menteye aṅgockoa. Abraham do noa kathage bhage sombat menteye baḍae ocolen tahẽkana, “Am hotetege sanam jạtrenko do bhorko ńama.”

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.