Jakob 4:11 - সান্তালী বাইবেল

¹¹ E boehako alope okta baṛaya. Okoe boeha upạrte kathae roṛ se boehawakʼ doskoe ńam baṛae uni do ạn upạrte kathae roṛa ar ạn-ạri reakʼ doskoe ḍunḍhạu baṛaea. Am do ạn-ạri reakʼ doskom ńam baṛae khan enḍekhan ona do bam manaoeda bickom ona reakʼem bicạreda.

Santali Common Language New Testament

¹¹ E boehako alope oktawa. Okoe boeha birudre kathae roṛ se boehawakʼ doskoe ńam baṛae uni do ạn birudre kathae roṛa ar ạn-ạri reakʼ doskoe ḍunḍhạu baṛaea. Am do ạn-ạri reakʼ doskom ńam baṛae khan enḍekhan ona do bam manaoeda bickom ona reakʼem bicạreda.

Jakob 4:11 Iomraidhean Croise

Sereńko 140:11

Oktako do disạmre ạidạri aloko ńam ma; ar santaokan hoṛ do muhin jemon jao ghuṛiye khudạu baṛako.

Luk 6:37

“Eṭakʼkoakʼ ghạṭko alope sapʼ baṛaetakoa, enḍekhan apeakʼ dos hõ baṅ sabokʼtapea. Eṭakʼko sạjại ńam lek kanako mente alope hudiskoa, onate ape hõ sạjại ńam lek mentepe menocokʼa. Eṭakʼko ikạkakope, enḍekhan ape hõpe ikạ ocokʼa.

Romiko lạgitʼ Pạul Apostolakʼ ciṭhi 2:1

Jãhãege noa iạte eṭakʼkoe dusiko enḍekhan uniń metaea, amakʼ ạnḍuṅteakʼ do okortam? Am do eṭakʼkom dusiyetʼkore apnarge cetʼ dusi mente bam sạbudokʼ kana? Ente eṭakʼko dom dusiyetʼkoa menkhan am do onagem kạmikana.

Romiko lạgitʼ Pạul Apostolakʼ ciṭhi 2:13

Okoe eken ạn reakʼ kathako ańjometʼkan onko do Isor samaṅre dhorom doko baṅkana, menkhan ạn lekate calakʼkankoge Isor do dhorom menteye ataṅkoa.

Romiko lạgitʼ Pạul Apostolakʼ ciṭhi 7:7

Enḍekhan cetʼbon mena, ạn do bạṛicʼgea? Khạṭige baṅa; bickom noa katha do ṭhikgea je, ạnko baṅ tahẽlen khan kại do cetʼkana mente ohoń baḍae daṛelea. “Alom lalocakʼa,” Ạn-ạrire noa katha baṅ lạilen khan laloc do cetʼkana mente ona hõ ohogeń baḍae daṛelea.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2 Korinthiko 12:20

Botorokʼ kạnạń, ape ṭheniń hijukʼre ińiń monejoṅ leka hoedaṛeakʼa bạń ńampea ar ape hõ cetʼleka ńeleńpe menjoṅkan onka do bape ńameńa. Ente botorokʼ kạnạń, reṭha reṭhi, hiskạ, raṅgao, torpha-turphi, okta, cugli, phulạukʼ gulmalge pasecʼ apere ńamokʼ.

Ephesiko lạgitʼ Pạul Apostolakʼ ciṭhi 4:31

Sanam lekan hewer haṛhatʼ, edre, raṅgao, kạumạu ar opoman, dusṭạmi, ar sanam lekan hiskạ ape khon sahaṛ akan tahenma.

1Timothi 3:11

Onkage onkoren bạhuko hõ manot ocokʼ lekko hoyokʼma. Onko do eṭakʼkoakʼ aloko okta baṛaema ar apnar sambṛao akanko tahenma. Ar jotowakʼre jemon pạtiạranko hoyokʼ.

2Timothi 3:3

onkore dulạṛ do baṅ tahena, onko doko jhogṛakʼa menkhan bako sulukokʼa. Onko do eṭakʼko reakʼko oktawa, ar apnar do bako sambṛao daṛeakʼa, kurmutạhakoko hoyokʼa, ar bhageakʼ doko hirkhạwakʼa.

Titus lạgitʼ Pạul Apostolakʼ ciṭhi 2:3

Onkage buḍhikohõ Isor bhoktikoko hoyokʼma ar bhage sikhnạtkoko emokʼma. Ente eṭakʼko oktawako ar ńũ bulokʼ do lek baṅkan takoa.

Jakob 1:16

E ińren dulạṛiạ boehako, alope bhula.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Jakob 2:8

Sonot sostorre olakana, “Am aḍepaseren hoṛ apnar leka dulạṛem.” Ape do Mạsiyakʼ rajosṭi reakʼ ạnko sạrigepe manaoetʼ khan enḍekhan do ạḍipe bhageyetʼ kangea.

Jakob 5:10

E boehako, okoe nạbiko Probhu Isor secʼ khon kathako roṛakatʼ, ar kosṭo oktere cetʼlekako sombhuri akatʼ tahẽkana ona katha do hudiskate ńelpe.

Jakob 5:7

Onate E boehako, tin hạbicʼ Probhu Isor bae hijukʼ unhạbicʼ jiwi hataṛkate jotowakʼ sahaope. Cetʼleka casa do khet reakʼ damanakʼ phosol lạgitʼe ńel horetʼkan ar pạhil ar mucạtʼ dakʼ lạgitʼe sombhuriyetʼ, ona mape ńeletʼkange?

Jakob 5:9

E boehako, Isor jemon apeakʼ dosko aloe sabtape onate ape apere dos alope ladejoṅa. Ńelpe, bicạricʼ do duạr sorregeye hecʼakana.

1 Patras 2:1

Onate eṭakʼkoakʼ loksantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.