Jakob 4:10 - সান্তালী বাইবেল

¹⁰ Probhu Isor samaṅre nindhạnokʼpe, enḍekhan unigeye tul rakapʼpea.

Santali Common Language New Testament

¹⁰ Probhu samaṅre nindhạnokʼpe, enḍekhan unigeye tul rakapʼpea.

Jakob 4:10 Iomraidhean Croise

2 Bõsbudạ 7:14

unre ińren hoṛko, okoe do ińren hoṛ menteko hoho ocokʼkan onko do mạ̃hir seletʼko koejoṅ se ińakʼ dayako khoj ar bạṛicʼ hor khonko ruạṛ, enḍekhan serma khon onań ańjomtakote onkoakʼ kạikoń ikạ katakoa ar lahate leka onkoakʼ disạm iń teṅgo ruạṛakoa.

Jobakʼ 22:29

Tinre am dom tumbutʼ ocokʼa unrem mena, ‘ińakʼ bạḍại iạtege noa do hoyakana’ amakʼ mạ̃hir iạtege Isor do ame bańcaomea.

Jobakʼ 5:11

Nindhạn hoṛkoe usuletʼkoa; ar homor halaṅko do nirạiteye dohoyetʼkoa.

Sereńko 113:7

Uni do nandanko dhuṛi khone beretʼetʼkoa, ar reṅgecʼ orecʼko do mande khone rakapʼetʼkoa;

Sereńko 147:6

Probhu Isor do mạ̃hirkoe diṛhoyetʼkoa, menkhan bạṛicʼ hoṛko do otreye giḍikako kana.

Sereńko 27:6

Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.

Sereńko 28:9

E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.

Sereńko 30:1

E Probhu Isor, amiń sarhaomea, ente amgem rakapʼ ạgu akadińạ; ińren bạiriko do iń upạrte bam rạskạ oco akatʼkoa.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Kạhtukko 29:23

Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

Jeheskel 21:26

Iń Probhu Isorgeń meneda, amakʼ dạhṛi raṛaetam, ar mukuṭ do bojtam. Ente cetʼleka tahẽkan onka do ar baṅ hoyokʼa. Usulakʼ do copodokʼa ar copodakʼ do usul ocokʼa.

Mathae 23:12

Okoe acʼteye usulokʼ, uni doe copotʼ ocokʼa ar okoe acʼteye copodokʼ uni doe usul ocokʼa.

Luk 1:52

Uni do siṅghạson khon rajkoe ńurhạketʼkoa, menkhan nindhạnko doe tul rakapʼ ketʼkoa.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

1 Samuel 2:7

Probhu Isorge manwa doe kisạ̃ṛ are reṅgecʼ ocoyea; ente uni kangeae cokʼpotʼicʼ ar uni kangea usul ocoyicʼ.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.