Jakob 3:6 - সান্তালী বাইবেল

⁶ Onkage alaṅ hõ ṭhik seṅgel leka. Aboakʼ hoṛmore tinạkʼ hạṭińko menakʼ ona modre alaṅ do mitʼṭecʼ bedhorom dhạrti lekana. Norok seṅgelre lokʼte ona do goṭa hoṛmoe nosṭoyeda ar jion reakʼ horre seṅgele salgaoeda.

Santali Common Language New Testament

⁶ Onkage alaṅ hõ ṭhik seṅgel leka. Aboakʼ hoṛmore tinạkʼ hạṭińko menakʼ ona modre alaṅ do mitʼṭen bedhorom dhạrti lekana. Norok seṅgelre lokʼte ona do goṭa hoṛmoe nosṭoyeda ar jion reakʼ horre seṅgele salgaoeda.

Jakob 3:6 Iomraidhean Croise

2 Samuel 16:20

Absalom do Ahitophele metadea, “Ńitokʼ do cetʼ bo cekaea? Am do cetʼ solham emkińạ?

2 Samuel 19:43

Israelren hoṛko do Jihudạrenko metatʼkoa, “Ale do gel gusṭikoren kanale ar onate Dạud raj cetanre ape khon ḍher ạidạri menakʼtalea. Menkhan ape do cedakʼ nonkape nindạuketʼlea? Aboren raj ruạṛ ạguiye reakʼ katha alege cetʼ pạhilte bale roṛleda?” Menkhan Israelren hoṛko khon Jihudạren hoṛkoakʼ kathage bạ̃ṛti keṭecʼ tahẽkana.

2 Bõsbudạ 13:17

Abia ar uniren hoṛko do ạḍi utạr hoṛko gocʼketʼkoa. Onate Israelkoren bachao akan hoṛko mod khon mõṛẽ lakh hoṛko gocʼena.

Sereńko 140:3

Onko do biń leka akoakʼ alaṅko laser akada; onkoakʼ luṭire do bińakʼ bisge menakʼa.

Sereńko 64:3

Onko do tarwaṛe leka akoakʼ alaṅko dhar akatʼtakoa, onkoakʼ haṛhatʼ katha do akʼ sarreko lagao dohoakada;

Kạhtukko 15:1

Mạ̃hir roṛ ruạṛ do raṅgaoe cabaea, menkhan saegatʼ katha do raṅgaoe janam ocoya.

Kạhtukko 16:27

Nicạṛ hoṛ do bạṛicʼ kạmi lạgitʼ phundiko aṭaoa; onkoakʼ kathako do jhạusạukʼ kan seṅgel leka.

Kạhtukko 6:19

eṛe roṛ ar eṛe goha emokʼicʼ, ar boehako talare gulmale ehopʼkan hoṛ.

Kạhtukko 7:5

ona do bạṛicʼ maejiuakʼ ti khone rukhiyạmea, ar luhum suhum katha roṛetʼkạnicʼ uni laṭghaṭicʼ maejiuakʼ ti khon hõ.

Jesaea 30:27

Ńelpe, Probhu Isor do jolokʼkan edre ar dạriạ dhũạ reakʼ rimilte sạṅgiń khone hijukʼkana; uniyakʼ mẽtʼãhã do edrete perecʼ ar uniyakʼ alaṅ do jojom seṅgel leka.

Jesaea 50:11

Menkhan ape okoe do seṅgelpe lagaoetʼ ar chechape dugur duguretʼ, ape sanamkoge apeakʼ seṅgel reakʼ marsal ar mosal reakʼ marsalte calakʼpe. Ińakʼ ti khon do, harkhet sasetre giticʼ kunḍlạṅokʼge hoyapea.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Jirimiạ 28:16

Onate Probhu Isore meneda, ‘am do dhạrti khoniń ocokʼmea. Niạ bochorge am dom gujukʼa, ente am do Probhu Isor upạrte hul reakʼem porcar akada.’ ”

Levitikus 24:11

Unre uni Israel maejiuren hopon do Probhu Isorakʼ ńutume nindạukeda are sarapada. Onate hoṛko do Mose ṭhen uniko idikedea. Uni koṛaren eṅgattetʼakʼ ńutum do Salomot tahẽkana. Uni do Dan bõsren Dibriren hoponerae tahẽkana. Ar Probhu Isor acʼakʼ monsubạ onkore ạuriye pusṭạuako hạbicʼ uni do hajotreko dohokadea.

Numeri 25:2

Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

Numeri 31:16

Ńelpe nokoge Biliamakʼ kathate Israel hoponkoko bulạuletʼkoa Peor babotteakʼ kathare Probhu Isor upạrteko bepạtiạr ocoletʼkoa onate Probhu Isorren hoṛko talare mahamạri do paṛaolena.

Mathae 12:24

Noa katha ańjomkate Phạrusikoko menkeda, “Nui do bhutkoren raj Beelsebul hotete bhutkoe oḍok giḍiyetʼkoa.”

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Mark 7:15

Bahre khon manwa bhitrite okaṭakʼ bolokʼkan onate manwa do ohoe bhonḍlena, bickom manwa bhitri khon okaṭakʼ oḍokokʼ kan, onatege manwa doe bhonḍokʼa.

Luk 16:24

Unre uni do ãṭ aṛaṅte hohowateye menkeda, ‘E baba Abraham, dayawạńme baṛe. Ar Lasar iń ṭhen kolkaeme jemon uni do acʼakʼ coṭ kạṭupʼ dakʼre topokate ińakʼ alaṅe reaṛkạtiń. Ente noa jolokʼ seṅgelreń jal jalaokʼ kana.’

Aposkạmi 20:30

Ape bhitriko khon hõ hoṛko teṅgonte Isorakʼ sạriyakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

Aposkạmi 6:13

Onko do adom adom eṛe gohakoko teṅgoketʼkoa. Eṛe gohakoko menkeda, “Nui hoṛ do jaoge mundil upạrte ar Moseyakʼ ạn-ạri upạrte kathae roṛeda.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Jakob 2:7

Okoeyakʼ ńutum lekatepe hoho ocokʼkan kĩsạ̃ṛko do cetʼ ona manot ńutum bako henostawakʼ kana?

Jakob 3:7

Manwa do joto lekan janwarko, cẽṛẽko, leńokʼ ṭunḍạńko ar dakʼren jiwiyankoe koboj daṛeakoa arko kobojetʼkogea,

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

3 Johan 1:10

Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale upạrte hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 18:23

Amre diuhe reakʼ marsal do tishõ baṅ jolokʼa. Jãwãe beṭa ar bạhu kuṛiyakʼ aṛaṅ amre ar tishõ baṅ ańjomokʼa. Amren bạnij bepariko do dhạrtire joto khon napṛakʼko tahẽkana, ar sanam jạtrenko do amakʼ jạduteko bulạulena.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.