Jakob 3:2 - সান্তালী বাইবেল

² Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

Santali Common Language New Testament

² Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼa.

Jakob 3:2 Iomraidhean Croise

1 Rapajko 8:46

“Onko do am upạrteko kại lekhan- bako kạiya nonkan hoṛ do bạnukʼkoa- ar onko cetanrem edrekʼte bạirikoakʼ tirem jimạko ar sạṅgiń disạmte bondikateko idi ocokʼ,

2 Bõsbudạ 6:36

“Onko do am upạrteko kại lekhan: ar bako kạiya nonkan hoṛ do bạnukʼkoa: ar onko cetanrem edrekʼte bạirikoakʼ tirem jimạko ar sạṅgiń disạmte bondikateko idi ocokʼ,

Jobakʼ 15:13

Nonkate am do Isor upạrtem raṅgaokʼkana onako katha do amakʼ moca khonem oḍoketʼa.

Sereńko 34:13

Enḍekhan uni do alaṅte bạṛicʼ katha aloe roṛma, ar luṭite eṛeakʼ kathako aloe oḍok ocoyma.

Sereńko 39:1

Ińiń menkeda, “Iń calakʼ hor reaṅ iń do sontor akae iń tahena, jemon alaṅte aloń kại; ar tin hạbicʼ iń samaṅre bạṛicʼ hoṛko tahena un hạbicʼ ińakʼ moca doń gumạikakʼa.”

Kạhtukko 10:19

Ḍher kathare bedhorom do baṅ okulạnokʼa, menkhan okoe mocae ḍanṭaoetʼtae uni doe budangea.

Kạhtukko 13:3

Okoe acʼakʼ mocae sontortae uni do acʼakʼ jiwiye rukhiyạitaea, menkhan okoe begor sontorte kathae roṛ uni doe jarkharokʼa.

Kạhtukko 20:9

Okoeye men daṛeakʼa, “Iń do ińakʼ ontoriń khạṭi akada, ar ińakʼ kại khoniń sapha akana?”

Kạhtukko 21:23

Okoe acʼakʼ moca ar alaṅe dobnao uni do muhin khon rukhiyại ńama.

Sosolhayic̕ 7:20

Dhạrtire nonkan dhorom hoṛge bạnukʼkoa okoe jao okte bhageakʼe kạmikan, ar tishõ bae kạiyetʼ.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Levitikus 13:39

enḍekhan naeke do ona hõ biḍạukateye ńela. Ona dagko ponḍge khan bujhạu hoyokʼa hartare poṭakʼ rog hoyakana mente ar onate uni hoṛ do jãhãn loksan baṅ hoyokʼtaea, uni doe saphagea.

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Mathae 12:37

Amakʼ kathatege am do bin dusạnicʼ mentem ṭarhaokʼa ar amakʼ kathategem dusi ocokʼa.”

Romiko lạgitʼ Pạul Apostolakʼ ciṭhi 3:10

Sonot sostorre olakana, dhorom do okoe hõ bạnukʼkoa, mitʼ hoṛ hõ baṅa;

Romiko lạgitʼ Pạul Apostolakʼ ciṭhi 7:21

Enḍekhan ińre mitʼṭecʼ niạm kạmikaniń ńel ńameda. Ona niạm do noage okaṭakʼ bhageakʼ tinre kạmiń menjoṅ unre bạṛicʼakʼ do jao ghuṛi ińre tahenkana.

1 Korinthiko 9:27

Iń do bickom hoṛmogeń kuhạu gaṅetʼtińạ ar golam akae iń dohoyeda, jemon eṭakʼko ṭhen bhage sombat porcar tayom ińakʼ kuṛại ńam lạgitʼ belek bạń hoyokʼ.

Galathiko lạgitʼ Pạul Apostolakʼ ciṭhi 3:22

Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

Galathiko lạgitʼ Pạul Apostolakʼ ciṭhi 5:17

Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin upạrtekin meneda ape okape monejoṅkan ona do alope kạmiya.

Kolossiko lạgitʼ Pạul Apostolakʼ ciṭhi 1:28

Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Jakob 1:26

Okoe apnarte dhorome hudisokʼkan menkhan acʼakʼ alaṅ bae sambṛao daṛeakʼkan uni do apnargeye bulạukʼkana. Ar uniyakʼ dhorom korom do ạuṛiyakʼgetaea.

Jakob 1:4

Ar ona soborige apeakʼ jionre purạte kạmire lagaope, jemon gạkhuṛ arpe niphuṭ utạr daṛeakʼ, metakʼme apeakʼ colonre okulạn alo tahen ma.

Jakob 2:10

Okoe hoṛ ạn-ạri pańjakatere hõ eken mitʼṭen babotreye kại uni do joto ạn-ạrikogeye bebataoetʼ kana.

1 Patras 3:10

Sonot sostorre olakana, Okoe sukte jion khemaoe menjoṅkan ar bhage din ńeljoṅ lạgitʼe asokʼkan, uni do bạṛicʼ kathako khon acʼakʼ alaṅ, ar eṛeakʼ kathako khon acʼakʼ luṭiye sambṛaotaema.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.