Jakob 2:8 - সান্তালী বাইবেল

⁸ Sonot sostorre olakana, “Am aḍepaseren hoṛ apnar leka dulạṛem.” Ape do Mạsiyakʼ rajosṭi reakʼ ạnko sạrigepe manaoetʼ khan enḍekhan do ạḍipe bhageyetʼ kangea.

Santali Common Language New Testament

⁸ Sonot sostorre olakana, “Am aḍepaseren hoṛ apnar leka dulạṛem.” Ape do Mạsiakʼ rajosṭi reakʼ ạn sạṛigepe manaoetʼ khan enḍekhanpe bhageyetʼgea.

Jakob 2:8 Iomraidhean Croise

1 Rapajko 8:18

Menkhan Probhu Isor do ińren ạpuń Dạude metade tahẽkana, ‘iń lạgitʼ mitʼṭecʼ oṛakʼ benao reakʼ monsubạ amakʼ ontorre menakʼtam ona do bhagegea.

2 Rapajko 7:9

Inạ tayom do ako akoreko mepenena, “Aboakʼ kạmi bhage do baṅ hoyokʼkana. Teheń do mitʼṭecʼ bhage sombat reakʼ din kana ar abo do lại baṅkate hapege menakʼ bona. Ar setakʼ hạbicʼ bon bilomle khan abore sạjại do paṛaokʼgea. Dela, ńitge abo do raj oṛakʼte senkate khobor bon baḍae ocokoa.”

Levitikus 19:18

Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.

Levitikus 19:34

Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.

Jona 4:4

Probhu Isore roṛ ruạṛkeda, “Pit caṛhaokʼ kantamte dom ṭhiketʼgea?”

Jona 4:9

Menkhan Isor do Jonae metadea, “Ona dare ńutumte pit caṛhaokʼ kantam dom ṭhiketʼgea?” Jonae menkeda, “Hẽ gujukʼ hạbicʼ pit caṛhaokʼkantiń doń ṭhiketʼgea.”

Mathae 22:39

Ona tayom dosarakʼ do; ‘am aḍepaseren hoṛ apnar leka dulạṛem.’

Mathae 25:21

Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Mathae 25:23

Unre uniren kisạ̃ṛ doe menkeda, ‘bes akadam, E bhage ar pạtiạr golam. Am do thoṛawakʼre pạtiạrem tahẽkante ạḍi okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Mathae 7:12

Hoṛko ṭhen khon cetʼleka beoharpe khojkan onkage ape hõ onko tulucʼ beoharpe. Ente noa kangea Moseyakʼ ạn-ạri ar nạbikoakʼ cecetʼakʼ reakʼ katha do.

Romiko lạgitʼ Pạul Apostolakʼ ciṭhi 13:10

Dulạṛ do okoeyakʼ hõ bạṛicʼ bae khoja. Enḍekhan ńelokʼ kana dulạṛ hotetege sanamakʼ ạnko purạukʼ kana.

Galathiko lạgitʼ Pạul Apostolakʼ ciṭhi 5:14

ente sanam ạn-ạriko do niạ mitʼ katharege guṭmitʼ akana, “Am aḍepaseren hoṛ apnar leka dulạṛem.”

Galathiko lạgitʼ Pạul Apostolakʼ ciṭhi 6:2

Bhạriạ do gokʼ gopoṛope, ar nonkate ape do Mạsiyakʼ ạnkope purạu daṛeakʼa.

Philipiko lạgitʼ Pạul apostolakʼ ciṭhi 4:14

Enhõ ape do ińakʼ duk sasetre bhạgiyạdarpe hoyakante ạḍipe bhage akada.

1 Thessalonikikko 4:9

Boeha dulạṛ reaṅ olape do jãhãn jạruṛ bạnukʼtińạ, ente Isorge ape mimitʼko dupulạṛokʼe cetʼ akawatʼpea.

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Jakob 2:12

Okaṭakʼ ạn do manwa sạdhine dan akokan ar ona ạn hotete okoekoakʼ bicạr hoyokʼ, onko lekage katha roṛpe ar beoharpe;

Jakob 2:19

Am do mitʼ Isorrem pạtiạu akana? Bhagegea! Menkhan bạṛicʼ jiuko hõ coṅ ona mako pạtiạukʼkan ar botorteko dhak dhakaokʼkan.

Jakob 4:11

E boehako alope okta baṛaya. Okoe boeha upạrte kathae roṛ se boehawakʼ doskoe ńam baṛae uni do ạn upạrte kathae roṛa ar ạn-ạri reakʼ doskoe ḍunḍhạu baṛaea. Am do ạn-ạri reakʼ doskom ńam baṛae khan enḍekhan ona do bam manaoeda bickom ona reakʼem bicạreda.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.