Jakob 2:5 - সান্তালী বাইবেল

⁵ E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Santali Common Language New Testament

⁵ E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛedekan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Jakob 2:5 Iomraidhean Croise

1 Rapajko 22:28

Unre Mikại menkeda, “Nirạitem ruạṛ hecʼlen khan baḍaeme iń hotete Probhu Isor do katha bae roṛakada.” Ona tayom uni do arhõe menkeda, “Ape sanamkoge ińakʼ katha ańjomkakʼpe.”

Jobakʼ 34:10

“Onatege E bujan hoṛko, ińakʼ katha ańjompe. Isor khon bạṛicʼakʼ kạmi do sahaṛ akae baṛe tahenma.

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Jobakʼ 38:14

Hasare chapkate cetʼ leka ona do pheraokʼkan, onkage siń reakʼ marsal do buru boṭkocʼko kicricʼ lekae bhańj ocoyeda.

Exodus 20:6

Menkhan okoe ińko dulạṛiń ar ińakʼ hukum lekako calakʼ, onko do hajar piṛhi hạbicʼ iń dayawakoa.

Kạhtukko 13:7

Apnarte kisạ̃ṛ udugokʼicʼ do acʼakʼ cetʼge bạnukʼtaea; menkhan reṅgecʼe udugokʼ hoṛ do ḍher dhon menakʼtaea.

Kạhtukko 7:24

E bạbu, ńitokʼ ińakʼ kathako ańjomtińme, ar okań metamkan ona luturakʼme.

Kạhtukko 8:32

“E bạbu, ńitokʼ ińakʼ katha ańjomme; okoe ińakʼ horteko calakʼkan onko doko bhạgangea.

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.

Sakariạ 11:11

Ar enhilokʼge ona do bạtilena, onatege palren dukhiko okoe do ińko tuṅkhi arko talas baṛayediń tahẽkan onkoko baḍaekeda, noako talatege Probhu Isor do kathae roṛetʼkana.

Sakariạ 11:7

Gurko lạgitʼ okoe bhedạ palko ṭhik doho ocoakan, biseskaete iń do onko palren dukhạliạko ạtińkoń ehopʼena. Ona tayom do barea ṭheṅgań hataokeda ar ona reakʼ mitʼṭecʼ do Daya ar eṭakʼakʼ reakʼ ńutum do Tonol iń dohokeda; ar iń do ona palrenko gupiyiń ehopʼena.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Mathae 5:3

“Monre reṅgejokʼkogeko bhạgana, ente serma raj do onkoakʼ kangea.

Mark 7:14

Noa tayom Jisu do hoṛko arhõ acʼ ṭhen hoho sorkateye metatʼkoa, “Jotoko ińakʼ katha ańjompe ar bujhạupe.

Luk 12:21

Ado mucạtʼre Jisui menkeda, “Okoe hoṛ apnar lạgitʼ dhone jarwae ar Isor samaṅre kisạ̃ṛicʼe baṅkan, enḍekhan uniyakʼ dosa hõ onkage hoyokʼtaea.”

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Luk 16:22

“Mitʼ din uni kokoe hoṛ doe gocʼena. Ar serma goḍetko hecʼkate Abraham ṭhenko idikedea. Ona tayom uni kisạ̃ṛ hoṛ hõe gocʼena arko topakadea.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Luk 22:29

Ińren Baba cetʼleka ektiạriye emakawạdiń onkage iń hõ apeko ektiạriń dan akawatʼpea.

Luk 6:20

Jisu do celako secʼ beṅgetʼkate memene ehopʼena, “Bhạgangeape ape reṅgecʼ orecʼko do, ente Isorakʼ raj do apeakʼkangea.

Johan 7:48

Mukhiyạko se Phạrusiko modren okoe hõ coṅ unirema bacoko pạtiạu akan.

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

Romiko lạgitʼ Pạul Apostolakʼ ciṭhi 8:17

Ar gidrạko bon hoyakan khan, enḍekhan Isor acʼren gidrạko okaṭakʼ emokʼ reakʼe gokʼatʼko tahẽkan abo hõ ona bon ńama. Mạsige Isor ṭhen khon onae ńama ar abo hõ uni sãote ona bon ńama, ente Mạsi sãote bon harket sasetlen khan abo hõ uni sãote ṭhonokren bhạgiyạdar bon hoyokʼ.

1 Korinthiko 2:9

Menkhan sonot sostor reakʼ katha leka; “Isor okoeko dulạṛedekan onko lạgitʼ uni okakoe ṭhik dohoakatʼ, ona do okoe hõ mẽtʼte bako ńelakada, luturte bako ańjom akada ar hudis hõ bako hudis akada.”

2 Korinthiko 4:15

Sanamakʼ do apeakʼ bhạlại lạgitʼge hoyakana, jemon Isorakʼ oka daya ḍher hoṛkore emakan ona daya iạte ḍher hoṛge arhõ bạ̃ṛti Isorko sarhaoe ar nonkate Isorakʼ ṭhonok hoyokʼ kana.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

2 Thessalonikiko 1:5

Ar noakoge Isorakʼ dhorom bicạr reakʼ mitʼṭecʼ porman kana. Noa reakʼ monsubạ do hoyokʼ kana, jemon Isorakʼ rajosṭire lekmanko mentepe lekhakʼ. Ar ona iạtege ape do nunạkʼ dukpe sahao akada.

1Timothi 6:18

Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

2Timothi 4:18

Probhu Isor do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniyakʼge ṭhonok hoyokʼtaema jug cetan jug. Amen.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Jakob 1:16

E ińren dulạṛiạ boehako, alope bhula.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Jakob 1:9

Okoeṭakʼ biswạsi boehae nindhạnge, ar Isor do uniye usulkedete apnarte bhạganicʼe hudisokʼma.

1 Patras 1:4

metakʼme darakan dinkore nonkan mitʼṭecʼ dhon ńam reakʼ as bon ńam akada one ona do tishõ baṅ nosṭokʼ, onare bạṛicʼakʼ cetʼge baṅ tahena, ona do jaejug hạbicʼ nãwãge tahena. Ar noa dhon do sermare ape lạgitʼ doho jogao akana.

2 Patras 1:11

Noa iạte aboren Probhu ar babańcaoicʼ Jisu Mạsiyakʼ jaejug rajosṭire jid salakʼpe ataṅ ocokʼa.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

Johan sodor 21:7

Ar okoeye jitạukʼa uni do noakoe ạidạri joṅa. Ińge uniren Isoriń hoyokʼa ar uni do ińren gidrại hoyokʼa.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Bikʼcạrko 9:7

Ar Jotham do noa kathako lạiyade khan uni do Gerisim buruteye rakapʼente ãṭ aṛaṅte hoṛkoe metatʼkoa, “Sikemren hoṛko, ińakʼ katha ańjompe, inạkhan Isor hõ apeakʼ kathae ańjoma.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.