Jakob 2:14 - সান্তালী বাইবেল

¹⁴ E ińren boehako, jãhãegeye men uniyakʼ do biswạs menakʼtaea menkhan kạmire ona bae udug enḍekhan ona reakʼ do cetʼ porho menakʼa? Ona biswạs do cetʼ kại khone bańcao daṛeaea?

Santali Common Language New Testament

¹⁴ E ińren boehako, jãhãeye men uniakʼ do biswạs menakʼtaea menkhan kạmire ona bae udug enḍekhan ona reakʼ do cetʼ porho menakʼa? Ona biswạs do cetʼ kại khone bańcao daṛeaea?

Jakob 2:14 Iomraidhean Croise

Jirimiạ 7:8

“Ńelpe, ape do eṛe kathakoregepe pạtiạu akana, menkhan onare do cetʼ porhoge bạnukʼa.

Mathae 5:20

Ińiń metapekana, apeakʼ dhorom do Phạrusiko ar sostor baḍaeko khon baṅ soroslentape khan ape do serma rajre ohogepe bolo daṛelena.

Luk 3:11

Metatʼkoae, “Jãhãeakʼ barea aṅgrop menakʼtae khan, uni do bạnukʼtaeicʼe hạṭińaema. Ar jomakʼ menakʼtaeicʼ hõe onkaema.”

Luk 6:49

Okoe ińakʼ katha ańjomkate ona leka bae kạmi, uni do nonkan hoṛ lekanae, okoe do begor rehetʼ bạisạute hasa cetanre oṛakʼe benaoketʼ. Ado ạtukʼ dakʼ hecʼkate tinre ona oṛakʼre bajaoena unre ona oṛakʼ do lạnduṛ ńurena.”

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Aposkạmi 8:13

Ar uni Simon hõe pạtiạuente bạptismae hataokeda ar Philip são sãote sanam jaegakoteye senena ar cinhạ kạmiko ar maraṅ maraṅ hahaṛa kạmiko ńelteye ṭhak utạrena.

Aposkạmi 8:21

Ạlińakʼ noa kạmire amakʼ bakhra se ạidạri do bạnukʼtama, ente Isor samaṅre amakʼ ontor do baṅ sojhetama.

Romiko lạgitʼ Pạul Apostolakʼ ciṭhi 2:25

Ạn-ạrikom senakʼkan khan enḍekhan khatna do porhoanakʼ kangea, menkhan ạn-ạri bam bataoetʼ khan khatna akanre hõm Isor samaṅre do bin khatna akan hoṛ lekanam.

1 Korinthiko 15:2

Okaṭakʼ kathań porcaratʼpe tahẽkan onage kajakte sapʼ akaepe tahen khan enḍekhan ona bhage sombat hotete kại khon bańcaope ńametʼa, khạjuk apeakʼ pạtiạu ạuṛiyakʼ alo hoyokʼ.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Ibriko 11:17

Abraham do biḍạu ocokʼ jokhecʼ Isorre pạtiạu iạtege Isahak doe samaṅledea. Okoe ṭhen Isore gokʼ akatʼ tahẽkan unige acʼren sadher hopon dãṛẽye lạgitʼe samaṅedekan tahẽkana.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

Jakob 1:16

E ińren dulạṛiạ boehako, alope bhula.

Jakob 2:16

ar jãhãe uniye metae, “Amakʼ bhage hoyokʼtam ma, Do, jom ńũkate mońjte tahenme,” Menkhan jạṛuṛakʼ jãhãnakʼge bape bebostawae enḍekhan onate uniyakʼ do cetʼ jãhãn porho hoyokʼtaea?

Jakob 2:18

Jãhãeko mendaṛekea, “Am do biswạs menakʼtama ar ińakʼ do kạmiko menakʼtińạ.” Kạmiko begorte amakʼ biswạs udukʼạńme ar iń do kạmi hotete ińakʼ biswạiń udukʼama.

Jakob 2:26

Jiwi begor hoṛmo cetʼleka gocʼge onkage kạmi begor biswạs hõ gocʼgea.

2 Patras 1:5

Onate ạḍi jidkate apeakʼ biswạsre bhage gun, ar bhage gunre do akel,