Jakob 1:3 - সান্তালী বাইবেল

³ entepe baḍaegea biswạs reakʼ biḍạuge apeakʼ soboriye baḍhao ocoyeda.

Santali Common Language New Testament

³ entepe baḍaegea biswạs reakʼ biḍạuge apeakʼ soboriye baḍhao ocoyeda.

Jakob 1:3 Iomraidhean Croise

Luk 21:19

Ape do ṭarhao akaepe tahente sạri jionpe labjoṅa.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Romiko lạgitʼ Pạul Apostolakʼ ciṭhi 8:25

Menkhan oka baṅ ńam akan ona reakʼ aboakʼ as tahen khan enḍekhan abo do sombhurikatere hõ ona lạgitʼ bon ńel hohorkana.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

2 Thessalonikiko 1:4

Ar onatege Isorakʼ manḍerkore ale do ape iạtele sarhaokʼkana, ente okako khed ar duk sasetpe sahaoetʼkan ona talare hõ apeakʼ sombhuri ar pạtiạu do ṭarhao menakʼa.

2 Thessalonikiko 3:5

Probhu Isor do apeakʼ ontor Isorakʼ dulạṛ horte ar Mạsiyakʼ sombhuri horteye ạyur iditapema.

Ibriko 10:36

Ape do sombhuri reakʼ jạruṛ menakʼtapea, jemon Isorakʼ sana leka kạmi purạukate okae gokʼ akawatʼpe ona jemonpe ńam;

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Ibriko 6:12

Kuṛhiạpe tahen do bale khojkana; alele khojkana, okoe pạtiạu ar soborite Isorakʼ gokʼakʼ reakʼ bhorko ạidạri joṅkan, ape hõ onko leka hoyokʼpe.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

2 Patras 1:6

ar akel tulucʼ apnar sambṛaokʼ ar sambṛaokʼre do sobori, Isor bhokti,