Jakob 1:19 - সান্তালী বাইবেল

¹⁹ Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Santali Common Language New Testament

¹⁹ Ińren dulạṛiạ boehako, ińakʼ noa katha hetawakʼpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Jakob 1:19 Iomraidhean Croise

Nehemiạ 8:18

Pạhil hilokʼ khon ehopʼkate mucạtʼ din hạbicʼ Esra do dinạmge Isorakʼ ạn-ạri reakʼ puthi khone paṛhao ańjomatʼkoa. Hoṛko do eae din hạbicʼko porobena ar irạl hilokʼ do niạm leka mitʼṭecʼ sabhako hoyocokeda.

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Nehemiạ 9:3

Ona tayom teṅgokate adha bela onko do akoren Probhu Isor ńutumte ạn-ạri reakʼ puthi khon paṛhaokateko ańjomkeda ar adha bela do kạiko aṅgocketʼa ar akoren Probhu Isor sewawae tulucʼ dinko khemaokeda.

Jobakʼ 32:16

Noko do ńitko thir hape akana, roṛ ruạṛ baṅkateko hape utạrkana; iń do cetʼ ńel hor lek kantińạ?

Kạhtukko 10:19

Ḍher kathare bedhorom do baṅ okulạnokʼa, menkhan okoe mocae ḍanṭaoetʼtae uni doe budangea.

Kạhtukko 13:3

Okoe acʼakʼ mocae sontortae uni do acʼakʼ jiwiye rukhiyạitaea, menkhan okoe begor sontorte kathae roṛ uni doe jarkharokʼa.

Kạhtukko 14:17

Naseyakʼte raṅgaokʼ hoṛ do lelhayicʼ lakae kạmiya, menkhan bujhạntar hoṛ doe jiwi hataṛa.

Kạhtukko 14:29

Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.

Kạhtukko 15:18

Raṅgaokʼ hoṛ do jhogṛakʼgeko ehoba, menkhan bae raṅgao hodokʼicʼ do jhogṛae thir ocoya.

Kạhtukko 15:2

Ạkilan hoṛkoakʼ alaṅ do bidiại hạṭińeda, menkhan bebujkoakʼ moca do lelhawakʼe oḍokeda.

Kạhtukko 16:32

Okoe usạrate bae raṅgao hodokʼ uni do lạṛhại bir khon hõe bhagegea; okoe nagrahae hatetʼkan ona khon okoe apnare sambṛaokʼkan unigeye bhagea.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Kạhtukko 17:27

Budan hoṛ do apnar sambṛaokʼte kathae roṛa; ar buj menakʼtae hoṛakʼ bohokʼ do reaṛgetaea.

Kạhtukko 18:13

Ańjom laharege okoe hoṛe roṛ ruạṛ uni lạgitʼ ona do lelhatetʼ ar lajao reaṅ kana.

Kạhtukko 18:21

Moca reakʼ katharege jion ar moron do ṭehãḍokʼa; okoe lek lekan kathako roṛ onko do ona reakʼ joko ńama.

Kạhtukko 19:11

Okoe hoṛakʼ bud menakʼtae ona bud do thoṛate ohoe raṅgao gotʼ ocolea; ar uniyakʼ man kangea ghạṭ ikạkạkʼ do.

Kạhtukko 19:19

Edre ḍhergetae hoṛ do ḍanḍom ocoaeme; entem rukhiyạ lekhan arhõ onkaetege hoyokʼtama.

Kạhtukko 21:23

Okoe acʼakʼ moca ar alaṅe dobnao uni do muhin khon rukhiyại ńama.

Kạhtukko 25:28

Okoe hoṛ apnarte bae sambṛao daṛeakʼ uni do pạcri bhit rạputʼ akan nagraha leka kanae.

Kạhtukko 29:20

Am do cetʼ nonkan hoṛkom ńel akatʼkoa okoe do katha lại lạgitʼe lahapʼ cahapʼ baṛaekan? Ona khon bickom bebuj hoṛrege bạ̃ṛti as do menakʼa.

Numeri 22:27

Unre gadha eṅga do Probhu Isorren goḍet ńelte Biliam sudhại burumena. Onate Biliam doe raṅgaoena ar ṭheṅgate gadha eṅga arhõe dalkedea.

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Mark 12:37

Dạud acʼge coṅ uni ma Probhu Isore metaekan enḍekhan cekate Mạsi do uniren hopone hoydaṛekokʼa?” Ar aema hoṛ do kusi monte Jisuakʼ kathako ańjometʼ tahẽkana.

Mark 2:2

Unre nunạkʼ hoṛko jarwayena je, duạr bahrere hõ jaega do ar baṅ tahẽlena. Ar Jisu do hoṛko ṭhen Isorakʼ kathae porcaretʼkan tahẽkana.

Luk 15:1

Unre aema mạsul uṭhạuko ar bạṛicʼ hoṛko hõ Jisuakʼ katha ańjomtae lạgitʼ uni ṭhenko hecʼ sorena.

Luk 19:48

menkhan cetʼ lekateko cekaea ona reakʼ jãhãn upạige bako ńam totʼ daṛeada, ente hoṛko do mon lagaokate uniyakʼ kathako ańjometʼ tahẽkana.

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgokateye menkeda,

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Aposkạmi 13:48

Noa katha ańjomkate boṅgan hoṛ jạtrenko doko rạskạyena ar Probhu Isorakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Aposkạmi 17:11

Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Aposkạmi 2:42

Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

Ephesiko lạgitʼ Pạul Apostolakʼ ciṭhi 4:31

Sanam lekan hewer haṛhatʼ, edre, raṅgao, kạumạu ar opoman, dusṭạmi, ar sanam lekan hiskạ ape khon sahaṛ akan tahenma.

Kolossiko lạgitʼ Pạul Apostolakʼ ciṭhi 3:15

Mạsi okaṭakʼ suluke emokʼkan ona sulukge apeakʼ ontorre tahente ape mimitʼkoe ạyurpema. Sulukre tahen lạgitʼge coṅ sanamko mitʼ hoṛmorepe hoho ocoakana. Ar ape do gun manaoko baṛe hoyokʼpe.

Kolossiko lạgitʼ Pạul Apostolakʼ ciṭhi 3:8

menkhan ńitokʼ do edre, raṅgao, dusṭạmi, opoman, ar nilạjiạ roṛ ape khon baṛe sahaṛokʼma.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

Jakob 1:16

E ińren dulạṛiạ boehako, alope bhula.

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,

Jakob 1:26

Okoe apnarte dhorome hudisokʼkan menkhan acʼakʼ alaṅ bae sambṛao daṛeakʼkan uni do apnargeye bulạukʼkana. Ar uniyakʼ dhorom korom do ạuṛiyakʼgetaea.

Jakob 2:1

E ińren boehako, aboren ṭhonokte perecʼ Probhu Jisu Mạsirepe pạtiạu akan khan sanamko somante beṅgetʼ akope.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Jakob 3:10

Aboakʼ inạ moca khonge sarhao ar sarap noa banarge oḍokokʼ kana. E ińren boehako, nonka hoyokʼ do baṅ bhagea.

Jakob 4:11

E boehako alope okta baṛaya. Okoe boeha upạrte kathae roṛ se boehawakʼ doskoe ńam baṛae uni do ạn upạrte kathae roṛa ar ạn-ạri reakʼ doskoe ḍunḍhạu baṛaea. Am do ạn-ạri reakʼ doskom ńam baṛae khan enḍekhan ona do bam manaoeda bickom ona reakʼem bicạreda.

Jakob 5:12

E ińren boehako, iń do asokaete noa kathań metapekana, ape do serma, ar ot se eṭakʼ jãhãnakʼ ńutumte alope kiriạkʼa. Ona khon bickom, “Hẽ khan hẽ, ar baṅ khan baṅ,” hoyokʼtape ma, jemon bicạrre dayi alope hoyokʼ.

Jakob 5:19

E ińren boehako, ape modre jãhãe sạriyakʼ khone chingạulen khan ar ape modren jãhãe uniye ạcur ruạṛle khan,

1 Johan 2:21

Sạriyakʼ bape baḍae akatʼte apeń olape kana ona do baṅ, menkhan ape do noa hõpe baḍaea, sạriyakʼ khon eṛeyakʼ do baṅ hijukʼa; ar ona iạtegeń olatʼpea.