Jakob 1:14 - সান্তালী বাইবেল

¹⁴ Ontor reakʼ bạṛicʼ sanage manwa do kại secʼe or idiyedekana ar ghaḍlakʼreye giḍiyea.

Santali Common Language New Testament

¹⁴ Ontor reakʼ bạṛicʼ sanage manwa do kại secʼe or idiyedea ar ghaḍlakʼreye giḍiyea.

Jakob 1:14 Iomraidhean Croise

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

2 Samuel 11:4

Ar Dạud do acʼ ṭhen ạguiye lạgitʼ hoṛe kolketʼkoa. Ado maejiue hecʼen khan Dạud do uni sãoteye loṭghuṭikeda. Unre maejiu do acʼakʼ candoteakʼ khone sapha gotʼ akan tahẽkana. Ar ona tayom maejiu do acʼakʼ oṛakʼteye ruạṛ calaoena.

Jobakʼ 31:27

ar onate ińakʼ ontor do hape hapete unkin secʼ sen akan khan, unkin cokʼakin ńutumte ińakʼ tiyiń cokʼạtiń khan,

Jobakʼ 31:9

“Ińakʼ mon do jãhãe maejiu secʼ bulạu akantiń khan, se aḍepaseren hoṛkoakʼ duạr ṭheniń tãṛãkʼ akan khan,

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Jesaea 44:20

Uni do torocʼ jom lekae kạmiya ar uniyakʼ bạulạha akan mon do bạṛicʼ horteye idiyea. Apnarte uni do bae rukhiyạ daṛeakʼa se bae mena, “Ińakʼ jojomti reakʼ niạ jinis do cetʼ eṛeakʼ baṅkana?”

Hosea 13:9

“E Israel, am do iń secʼren dom baṅkana, metakʼme amren gokʼṛoyicʼ secʼrenem baṅkante iń do amiń marao giḍikama.

Mathae 15:18

Menkhan okaṭakʼ moca khon oḍok hijukʼkan ona do ontor khonge hijukʼ kana, ar onakotege hoṛ doe bhõnḍokʼkana.

Mathae 15:20

Ar noakotege hoṛ doe bhõnḍokʼa, menkhan ti begor ạbukte jom lekhan manwa do bae bhõnḍokʼa.”

Mathae 4:1

Inạ tayom Jisu do Jiu hotete hahaṅkar jaegateye idi ocoyena Soetan ṭhen biḍạu ocokʼ lạgitʼ.

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Romiko lạgitʼ Pạul Apostolakʼ ciṭhi 7:11

ente ona hukum reakʼ ạt iạte kại doe bulạukedińa, ar ona hukum hotetege kại doe gocʼkedińạ.

Romiko lạgitʼ Pạul Apostolakʼ ciṭhi 7:13

Enḍekhan okaṭakʼ bhạlạiyakʼ kan ona hotete cetʼ iń doń gocʼena? Tisge baṅa, bickom bhạlạiyakʼ hotetege kại do ińakʼ gujukʼe hoyocokeda, jemon kại do kại kana mente oromokʼ. Ar kại je tinạkʼ bạṛicʼakʼ kan ona do hukum hotetege bujhạukʼ kana.

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

Ibriko 3:13

Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

Jakob 1:13

Jãhãege ontorre kại secʼe orokʼkana menteye bujhạule khan aloe menma, “Isor do kại secʼe oreń kana mente.” Ente jãhãn bạṛicʼakʼge Isor do kại horte bae idi daṛeaea.

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoya.