Jakob 1:13 - সান্তালী বাইবেল

¹³ Jãhãege ontorre kại secʼe orokʼkana menteye bujhạule khan aloe menma, “Isor do kại secʼe oreń kana mente.” Ente jãhãn bạṛicʼakʼge Isor do kại horte bae idi daṛeaea.

Santali Common Language New Testament

¹³ Jãhãege ontorre kại secʼe orokʼ kana menteye bujhạu khan aloe menma, “Isor do kại secʼe oreń kana.” Ente jãhãn bạṛicʼakʼge Isor do kại horte bae ididaṛeaea.

Jakob 1:13 Iomraidhean Croise

Genesis 22:1

Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.” Abrahame roṛ ruạṛkeda, “Minạńgea.”

Genesis 3:12

Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”

Jesaea 63:17

E Probhu Isor, amakʼ hor bạgikate cedakʼem ạcur baṛa ocoyetʼlea? Ar alo jemonle botoram onate aleakʼ ontor dom keṭecʼetʼtalea. Amren gutiko lạgitʼ, metakʼme okoe bõsko amakʼ ạidạrire menakʼko, onko lạgitʼge ruạṛ hijukʼme baṛe.

Mathae 4:7

Jisu do Soetane metadea, “Arhõ noa katha ol akana, amren Probhu Isor do alom biḍạuea.”

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Jakob 1:14

Ontor reakʼ bạṛicʼ sanage manwa do kại secʼe or idiyedekana ar ghaḍlakʼreye giḍiyea.

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,