Jakob 1:11 - সান্তালী বাইবেল

¹¹ Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Santali Common Language New Testament

¹¹ Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Jakob 1:11 Iomraidhean Croise

2 Samuel 22:46

Onko doko tolmojokʼa; ar thar tharaoakʼte gaṛ khonko oḍok hijukʼa.

Sereńko 102:11

Ińakʼ dinko do ạyupʼ bela reakʼ umul leka hoyakana; ar ghãs lekageń rohoṛokʼ kana.

Sereńko 102:4

Setoṅ reakʼ tạpiste rohoṛ akan ghãs leka ińakʼ ontor do rohoṛ akana; iń do jom hõń hiṛińeda.

Sereńko 103:15

Ghãs lekage aboakʼ bahaokʼ dinko do, ṭạnḍi reakʼ bahako lekage uni doe bahakʼ kana.

Sereńko 37:2

ente ghãs lekage onko do usạrateko rohoṛ kạrcubokʼa ar hạriạṛ nạ̃ṛĩ-sakam leka ḍher din do bako ṭikạu tahẽ daṛeakʼa.

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Sereńko 90:6

Setakʼre ona do bahakʼa; ar ạyupʼ do tolmojokʼa, ar rohoṛ cabakʼa.

Sosolhayic̕ 5:15

Eṅgatakʼ kukhi khon manwa do uluṅgeye hijukʼkana; ar oka lekae hijukʼkan onkageye calakʼa. Uni do acʼakʼ khaṭaoakʼ reakʼ cetʼge bae iditora daṛeakʼa.

Jesaea 28:1

Hae, Ephrayimren bul hoṛkoakʼ mukuṭ lekan nagraha, one oka iạte onko doko bạḍạiyetʼ tahẽkan! Hae, ona Ephrayim reakʼ bạḍạite perecʼ ṭhonok reakʼ mosotʼ akan mala, one oka do buru-nala otet reakʼ muthnire menakʼakʼ! Ona buru-nalaren hoṛko do darkha rasateko ńũ oborakana.

Jesaea 28:4

Ephrayim reakʼ ṭhonok mosotʼ akan mala oka do buru-nala otet reakʼ muthnire menakʼ, ona do bele loa leka pạhilrege caba utạrokʼa; one jãhãege ona ńelkate hataokateye jomke.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Mathae 13:6

menkhan siń candoe rakapʼen khan ona do tolmocʼ cabayena ar mońjte rehetʼ baṅ bạisạulente rohoṛ kạrcupʼena.

Mathae 20:12

‘Ale do goṭa din jharla jhạrli setoṅrele kạmikeda. Menkhan mucạtʼre okoe kạmireko dhurạu ocolen onko do eken mitʼ ghạṛiko kạmikeda, ar ale somangem ematʼkoa.’

Mathae 6:30

Ado ṭạnḍi reakʼ ghãs teheń oka menakʼ, ona do gapa culhạre khadle ocokʼre hõ, Isor nonkae sajaoetʼ khan E nase pạtiạukʼko, unre ape do cetʼ artetʼ bạ̃ṛti bae sajpea!

Mark 4:6

Ado siń candoe rakapʼen khan onako do tolmocʼ cabayena ar mońjte baṅ rehetʼlente rohoṛ kạrcupʼena.

1 Korinthiko 7:31

okoe dhạrti reakʼakʼko laṛcaṛetʼkan, onko do purạpuri aloko laṛcaṛma; ente noa dhạrti reakʼ rup do pheraokʼ kana.

1 Patras 1:4

metakʼme darakan dinkore nonkan mitʼṭecʼ dhon ńam reakʼ as bon ńam akada one ona do tishõ baṅ nosṭokʼ, onare bạṛicʼakʼ cetʼge baṅ tahena, ona do jaejug hạbicʼ nãwãge tahena. Ar noa dhon do sermare ape lạgitʼ doho jogao akana.

1 Patras 5:4

Enḍekhan maraṅ gupiyicʼe ńel ocokʼre ape do jit reakʼ mala lekate uniyakʼ ṭhonokren bhạgiyạdarkope hoyokʼa, ar ona do tis hõ baṅ mosodokʼtapea.