Ibriko 5:9 - সান্তালী বাইবেল

⁹ Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Santali Common Language New Testament

⁹ Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Ibriko 5:9 Iomraidhean Croise

Sereńko 45:17

Ar jạt jạtrenko ṭhen iń do amakʼ ńutumiń disạ ocomea; onate eṭakʼ eṭakʼ jạtrenko do jaejug hạbicʼ amko sarhaomea.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Sereńko 51:8

Iń do kusi ar hulạs reakʼ aṛaṅ ańjom ocoyińme; ar amem gejer akatʼ ińakʼ jaṅko hõ rạskạ ocowakʼme.

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Sakariạ 6:15

“Okoe sạṅgińre menakʼko onko do hecʼkate Probhu Isorakʼ oṛakʼ benao lạgitʼ goṛoko emokʼa. Unre ape dope baḍae daṛeakʼa, phạdkoren Probhu Isorge iń doe kol akadińạ. Ape do joton salakʼ aperen Probhu Isorakʼ kathape ańjomtaea enḍe anecʼ noako do purạukʼa.”

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Luk 13:32

Jisu do onkoe metatʼkoa, “Senkate uni khikṛĩ metaepe, ‘iń do teheń ar gapa bhutkoń oḍok giḍikoa ar rugikoń bogekoa ar tesar hilokʼ do kạmiń mucạda.

Johan 19:30

Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte jiwiye jimạketʼtaea.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniyakʼ ńutumte kại khon bańcao bon ńam daṛeke.”

Aposkạmi 5:32

Ale do noaren gohako kanale ar okoe Isorakʼko bataoetʼkan, ar okoe do sonot Jiue emakatʼko uni sonot Jiu hõ ona reaṅ goha kanae.”

Romiko lạgitʼ Pạul Apostolakʼ ciṭhi 1:5

Uni hotete ar uniyakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

Romiko lạgitʼ Pạul Apostolakʼ ciṭhi 10:16

Menkhan sanamko ona bhage sombat do bako luturada. Jesaea nạbiye menakada, “E Probhu Isor, alele porcarakatʼ bhage sombat do okoeye pạtiạuada?”

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiyakʼ bhage sombat purạteń lại jạhirakada.

Romiko lạgitʼ Pạul Apostolakʼ ciṭhi 2:8

Menkhan okoe akoakʼ sana lekako senokʼ, ar sạriyakʼ baṅ bataokate bedhoromakʼko bataoetʼkan, Isor do onko ạḍi bạṛicʼe sạjạikoa.

Romiko lạgitʼ Pạul Apostolakʼ ciṭhi 6:17

Menkhan Isorakʼ sarhao baṛe hoyokʼma, ente ape do kạiren golampe tahẽkanre hõ, okaṭakʼ sikhạunape ńamakatʼ ona reakʼ do goṭa ontortepe batao akada.

2 Korinthiko 10:5

Ale do manwakoakʼ eṛeteakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅkan ona dole dhaṅ dhasereda; ar mon reakʼ mimitʼ hudis bundisko do Mạsi ṭhenle gobol ocoyeda.

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe, kại khon bańcaope ńamakada mente.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Ibriko 11:40

ente Isor do abon lạgitʼ arhõ mońjakʼe ṭhik dohoakatʼ tahẽkana. Uni doe ṭhik doholeda je, abo begorte onko do ohoko sạbit utạr ocolena.

Ibriko 11:8

Isor do Abrahame hohowade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭecʼ nãwã bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoyakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Jihudạwakʼ ciṭhi 1:21

Aboren Probhu Jisu Mạsiyakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.