Ibriko 4:8 - সান্তালী বাইবেল

⁸ Ente Josuạ do ona jirạu joṅ jaegare Israelkoe idileko khan honaṅ Isor do tayomte ar mitʼṭecʼ eṭakʼ din reakʼ katha ohoe roṛlea.

Santali Common Language New Testament

⁸ Ente Josuạ do ona jirạu joṅ jaegare Israelkoe idileko khan honaṅ Isor do tayomte ar mitʼṭen eṭakʼ din reakʼ katha ohoe roṛlea.

Ibriko 4:8 Iomraidhean Croise

1 Bõsbudạ 7:27

Elisamaren hopon do Nun ar Nunren hopon do Josuạ.

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Aposkạmi 7:45

Aboren hapṛamko do ona tạmbu ńamkate akoren ạyuricʼ Josuạ tabere tahẽkate ako sãote aboakʼ noa disạmteko ạguleda. Un johkecʼ Isor do onko samaṅ khon eṭakʼ jạtrenkoe laga ńirketʼkoa ar onko do noa disạmko ạidạriana. Ar Dạud hạbicʼ ona tạmbu do noa disạmrege tahẽkana.

Dosar Biboron 25:19

Aperen Probhu Isor okaṭakʼ disạm do sompotti lekate dokhol lạgitʼe emapekan onḍe beṛhaeten bạiriko sãote lạṛhạikate tinreye jirạu ocopea unre dhạrti khon Amalekikope marao utạrkoa. Noa katha do alogepe hiṛińa.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Ibriko 4:9

Enḍekhan ńelokʼkana, Isorren hoṛko lạgitʼ jirạukʼ reakʼ ạt do menakʼ hataṛgea,

Josuạ 1:15

Probhu Isor do tinạkʼ din ape leka aperen boehako jotowakʼ khon bae jirạu ocoko ar tinạkʼ din aperen Probhu Isore emakan disạm ạuriko dokhol unạkʼ din aperen boehakope goṛowakoa. Ar ona tayom dope ruạṛ hijukʼte apeakʼ jaega purạtepe dokholjoṅa one Probhu Isorren guti do jordan purub secʼ apeye emakawatʼpe.”

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.