Ibriko 4:12 - সান্তালী বাইবেল

¹² Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Santali Common Language New Testament

¹² Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Ibriko 4:12 Iomraidhean Croise

Sereńko 110:2

Amakʼ raj hudạ reakʼ ạidạri Probhu Isor do Sion khone sodor tama; uni doe mena, “Amren bạiriko tala khon am do rajosṭi calaome.”

Sereńko 119:130

Amakʼ kathako sodorlenre marsale emeda; ona do sojhe monan hoṛkoakʼ buj reakʼ daṛeye emakoa.

Sereńko 139:2

Jãhãnakʼgeń cekayetʼ am do jotogem baḍaekana; am do sạṅgiń khonge ińakʼ mon reakʼ hudis bundiskom baḍae daṛeakʼkana.

Sereńko 149:6

Onkoakʼ mocare Isorakʼ sarhao sereń baṛe tahenma ar tire do banar secʼ dharanakʼ tarwaṛege,

Sereńko 45:3

E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Kạhtukko 5:4

menkhan sesre uni do hewer haṛhatʼgeye hoyokʼa, ar banar secʼ dharanakʼ tarwaṛe lekage.

Sosolhayic̕ 12:11

Ạkilan hoṛkoakʼ katha do gupikoakʼ ṭheṅga leka. Onkoakʼ kathako do kuṭạm jalatʼ akatʼ jạlạiko lekana. Ona do mitʼṭen gupiyicʼe roṛakatʼ leka.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jesaea 49:2

Ińakʼ moca do laser tarwaṛe lekae hoyoco akatʼtińạ. Uni do acʼakʼ ti reakʼ umulreye danaṅ akadińạ. Uni do jhak jhak ạ̃pạ̃ṛi lekae benao akadińạ ar acʼakʼ sar ṭhoṅgareye doho akadińạ.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Jirimiạ 23:29

Ińakʼ kathako do cetʼ seṅgel leka do baṅkana? Okaṭakʼ hạtuṛ dhiriye kuṭạm gejeretʼkan ińakʼ katha do cetʼ ona hạtuṛ leka do baṅkana?

Luk 8:11

“Phen reakʼ mane do nõkʼõe: Itạ do hoyokʼ kana Isorakʼ katha.

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Aposkạmi 2:37

Noa katha ańjomkate hoṛko do monre dukko ńamkeda. Onko do Patras ar eṭakʼ apostolkoko kuliketʼkoa, “E boehako, ale do cetʼle cekaea?”

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Aposkạmi 5:33

Noa katha ańjomkate mukhiyạko do ạḍiko raṅgaoena ar apostolko gocʼko lạgitʼko khojkeda,

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

1 Korinthiko 1:24

menkhan baṅ do Jihudige ar baṅ do Junạnige, Isor okoeye hohoakatʼko onko ṭhen do uni Mạsi kangeae Isorakʼ daṛe ar akeltetʼ.

2 Korinthiko 2:17

Apnarakʼ lab lạgitʼ okoe Isorakʼ kathako bạnijetʼkan onko lekanko dole baṅkana; bickom Mạsi tulucʼle mitʼ akante ale do Isor samaṅre Isorren kol ocoakan hoṛko lekage sạri ontor khon kathale roṛeda.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiyakʼ hõ bale mesaletʼkana. Bickom Isorakʼ sạriyakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

Ephesiko lạgitʼ Pạul Apostolakʼ ciṭhi 5:13

Marsal hotete jãhãn kạmi reakʼ dos udukʼlen khan ona do sodorokʼgea,

Ephesiko lạgitʼ Pạul Apostolakʼ ciṭhi 5:26

Mạsiyakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭecʼ ṭhonokanakʼ manḍerre samaṅ daṛeakʼ. Unre manḍerre bin dagan, se bin digdhạ se onkan jãhãnakʼge baṅ tahena, bickom ona do sonot ar niphuṭge hoyokʼa.

Ephesiko lạgitʼ Pạul Apostolakʼ ciṭhi 6:17

Ar bańcaokʼ lạgitʼ bohokʼ reakʼ aḍokʼakʼ hatao joṅpe ar sonot Jiu reakʼ tarwaṛege, metakʼme Isorakʼ katha ataṅ joṅpe.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.

Ibriko 13:7

Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoype.

Ibriko 6:5

Isorakʼ mońj katha reakʼ sebelko ńamakada ar darakan jug reaṅ daṛe reakʼko baḍae akatʼa,

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 19:21

Ar okoe uni ponḍ sadomreye decʼakan tahẽkan, ar uniyakʼ moca khon okaṭakʼ tarwaṛe oḍokokʼkan tahẽkan onate unkinren eṭakʼ sanam soṅgetenkoko gocʼ ocoyena. Onate cẽṛẽko do onkoakʼ jel jomteko biyena.

Johan sodor 2:16

Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko upạrteń lạṛhạiya.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Bikʼcạrko 3:16

Uni do banar secʼ dharanakʼ mitʼ moka jeleń mitʼṭecʼ chorae benao ocokeda ar acʼakʼ kicricʼ latarre jojomsa bulureye bedhaoana.