Ibriko 4:11 - সান্তালী বাইবেল

¹¹ Onate dela, ona jirạu ńam lạgitʼ bon ahkaokʼma. Okoe hõ jemon onko bebatao Israelko leka Isor bemanotete uniyakʼ jirạu khon aloko eṛanokʼ.

Santali Common Language New Testament

¹¹ Onate dela, ona jirạu ńam lạgitʼ bon ahkaokʼma. Okoe hõ jemon onko bebatao Israelko leka Isor bemanotete uniakʼ jirạu khon aloko eṛaṅokʼ.

Ibriko 4:11 Iomraidhean Croise

Mathae 11:12

Johan bạbạptisicʼakʼ okte khon ńit hạbicʼ serma raj doko jormoṭetʼ kana, ar okoeko jormoṭetʼkan onkoge ona doko recʼjoṅkana.

Mathae 7:13

“Sakṛa duạrte bolokʼpe, ente okaṭakʼ hor bạṛicʼ secʼe idipe ona reakʼ duạr do osargea ar hor hõ phaelaogea. Ar ḍher hoṛge onateko bolokʼ kana.

Luk 13:24

“Sakṛa duạrte bolokʼ lạgitʼ lạgiyạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

Luk 16:16

“Moseyakʼ ạn ar nạbikoakʼ olakʼ do Johan hạbicʼge. Ona tayom khon Isorakʼ raj reakʼ bhage sombat do porcarokʼ kana ar sanamkoge ona rajre jormoṭko bolokʼ kana.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Aposkạmi 26:19

“E Agrippa raj, onate serma khon noa dorson hotete okakoń men ocoakan ona doń batao ạguakada.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoeṭakʼ jiu doe hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayede tahẽkana.

Ephesiko lạgitʼ Pạul Apostolakʼ ciṭhi 5:6

Ạuṛi sạuṛi kathate okoe hõ jemon aloko bulạupe ma, ar eṭakʼ horte aloko idipe ma, ente okoe bebatao iạte onako kạmi onkorege Isorakʼ sạjại do paṛaokʼa.

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe, kại khon bańcaope ńamakada mente.

Kolossiko lạgitʼ Pạul Apostolakʼ ciṭhi 3:6

Ar okoe doko bebataoko kan onko do ona iạtege Isorakʼ sạjại hecʼ paṛao akokana.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Ibriko 3:18

Ar okoeko ṭhen baṅ Isor doe kiriyạlenteye metatʼko tahẽkan, onko do uniyakʼ jirạukʼ joṅ jaegate bako bolo ńama? Onko do cetʼ nokoko hoṛ doko baṅkana one okoe do bako pạtiạuadete uniko bemanotlede?

Ibriko 4:6

Nitokʼ noa katha do ṭhikgea je, adom hoṛ do uniyakʼ jirạu joṅ jaegareko bolokʼa; Menkhan okoe Israelko ṭhen pạhilte bhage sombat lại jạhirlen, onko do bebatao iạte Isorakʼ jirạu joṅ jaegare bako sen daṛeatʼ tahẽkana.

Ibriko 6:11

Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.

Josuạ 7:3

Ona tayom onko do Josuạ ṭhen ruạṛ hecʼenteko menkeda, “Ae nagraha upạrte sanam hoṛ calakʼ reakʼ jạruṛ do bạnukʼa. Ona dokhol lạgitʼ do bar se pe hajar hoṛ kolkom. Noa iạte sanam hoṛ do alom haron ocokoa, ente onḍenko hoṛkoakʼ lekha do thoṛagea.”

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;