Ibriko 3:9 - সান্তালী বাইবেল

⁹ Aperen hapṛamko do onḍeko biḍạu aṭkarledińa, ar pongel serma hạbicʼ ona okteren hoṛko do ińakʼ kạmiko ńelleda.

Santali Common Language New Testament

⁹ Aperen hapṛamko do onḍeko biḍạu aṭkarledińa, ar pongel serma hạbicʼ ona okteren hoṛko do ińakʼ kạmiko ńelleda.

Ibriko 3:9 Iomraidhean Croise

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Exodus 20:22

Probhu Isor do Moseye metadea, “Am do Israelko noa katham lạiyakoa, ‘iń Probhu Isor do serma khon ape sãote okań roṛketʼ ona do apnarakʼ mẽtʼtegepe ńelkeda.

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Numeri 14:33

Ar hahaṅkarre ạuripe gujukʼ arpe seyakʼ hạbicʼ apeakʼ bepạtiạu iạte aperen hopon ar hoponerako do pongel bochor hạbicʼ nonḍege bhiḍiko gupi baṛakoa.

Luk 7:22

Ona tayom Johanren cela roṛ ruạṛatʼkinteye metatʼkinạ, “Okako ben ńelketʼ arben ańjomketʼ ona calaokate Johan lạiyae ben. Ar baḍae ocoyeben je, kãṛã hoṛko ńeńel kana, leḍhakoko taṛameda, murhucʼ jom hoṛko bogekʼkana, kala hoṛko ańjomeda, gocʼkoko jiwetʼ beredokʼ kana ar reṅgecʼ orecʼko ṭhen do bhage sombat porcarokʼ kana.

Aposkạmi 13:8

Menkhan Eluma do Barnabas ar Sạul tạkicʼkine ehopʼkeda ar disạm cakʼlaoyicʼ hõ Jisure pạtiạukʼ khon ruạṛe lạgitʼe kurumuṭukeda.

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Dosar Biboron 11:7

Menkhan ape do Probhu Isorakʼ maraṅ maraṅakʼ kạmiko apnarakʼ nij mẽtʼtepe ńelakada.

Dosar Biboron 29:2

Mose do sanam Israelko hoho jarwakateye metatʼkoa, “Probhu Isor do Misor disạmren Pharao raj ar uniren sanam raj-kạmiyạrenko cetanre ar uniyakʼ goṭa disạm cetanre okae cekaletʼ ona do apeakʼ mẽtʼtegepe ńel akada.

Dosar Biboron 4:3

“Probhu Isor do Bakʼal-Peorre okae cekaletʼ ona ma nijạrakʼ mẽtʼtegepe ńelakatʼ. Apeko modren okoe do Peorren Bakʼal debotako sewawae kan tahẽkan aperen Probhu Isor do onko mimitʼko ape tala khone marao akatʼkoa.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Dosar Biboron 8:4

Niạ pongel bochorre apeakʼ hoṛmo reakʼ kicricʼko hõ baṅ marelena ar jaṅga hõ baṅ bharaolentapea.

Josuạ 23:3

Ar aperen Probhu Isor do ape lạgitʼ onko jạtrenko cetanre okae ceka akatʼ ona do apeakʼ mẽtʼtegepe ńelana. Aperen Probhu Isor do acʼ apnarge ape huyạteye lạṛhại akana.

Josuạ 24:7

Menkhan Israelko do iń ṭhenko rakʼ homorketʼ khan onko ar Misorrenko talareń ńut ocokeda. Ar Misorrenko cetanre jalapuri reakʼ dakʼ iń ruạṛ ocoketʼte onkoń unum cabaketʼkoa. Misorrenko cetanre okań cekaletʼ ona ma apnarakʼ mẽtʼtegepe ńelakatʼ. Ar ona tayom do ḍher din hahaṅkarrepe girobasena.

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.