Ibriko 3:5 - সান্তালী বাইবেল

⁵ Sạrige Mose do Isorakʼ gharońjren sapʼdapʼicʼ lekate pạtiạricʼe tahẽkana, jemon uni do darakan dinkore okaṭakʼ roṛogokʼ ona reaṅ gohae emdaṛeakʼ.

Santali Common Language New Testament

⁵ Sạrige Mose do Isorakʼ gharońjren sapʼdapʼicʼ lekate pạtiạricʼe tahẽkana, jemon uni do darakan dinkore okaṭakʼ roṛogokʼ ona reaṅ gohae emdaṛeakʼ.

Ibriko 3:5 Iomraidhean Croise

Nehemiạ 9:14

Amge amakʼ sonot jirạukʼ mãhã reaṅem baḍae ocoletʼkoa ar amren guti Mose hotete hukum ar ạn-ạrikom ematʼkoa.

Sereńko 105:26

Uni do acʼren guti Mose ar uniye bachaolede Arone kolketʼkinạ;

Exodus 14:31

Probhu Isor do misriko upạrte acʼakʼ oka daṛeye udukʼketʼ ona ńelte Israelko do monre mitʼṭen botor caṛhaoatʼkoa. Onko do Probhu Isor ar uniren golam Mose cetanre purạ biswạs dohokate calakʼko ehopʼena.

Exodus 40:16

Probhu Isor Mose oka lekae hukumade tahẽkan onkage jotowakʼe kạmikeda.

Numeri 12:7

Menkhan ińren golam Mose sãote do bạń onka akada. Uni do ińakʼ gharońj reakʼ kạmireye pạtiạrgea.

Mathae 24:45

“Uni pạtiạricʼ ar budanicʼ guti doe okoe kana, one okoe acʼren kisạ̃ṛ do guti ar kạ̃ṛmĩko okte nạpitre jomakʼ emakoa mente acʼ gharońjrenko cetanreye dohokede?

Mathae 25:21

Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 7:37

Nui kangeae uni Mose one uni Israelkoe metatʼko tahẽkan, ‘aperen Isor do aperen Israel boehako tala khon iń leka mitʼṭen nạbiye teṅgoapea.’

Romiko lạgitʼ Pạul Apostolakʼ ciṭhi 3:21

Isor do manwako ạn begorte cetʼlekate dhorom menteye ataṅkoa ona do ńitokʼ sodor akana. Moseyakʼ ạnre ar nạbiko hõ ona reaṅ gohako emakada.

1 Korinthiko 4:2

Ar okoere bhar emakan onko do udugokʼ hoyokʼtakoa je, pạtiạranko kanako mente.

Dosar Biboron 3:24

‘E Probhu Isor, am do maraṅ arem daṛeangea ar amren guti onam udukʼae kana. Serma ar dhạrtire okoe debota menakʼkoa, amem kạmikanakʼkoe kạmi daṛeke ar amem udukʼ akatʼ daṛekoe udukʼ daṛeke?

Dosar Biboron 34:5

Probhu Isor okae menletʼ onkage Probhu Isorren guti Mose do Moab disạmreye gocʼena.

1Timothi 1:12

Aboren Probhu Jisu Mạsi, okoe do daṛeye emakawạdiń, uniń gunmanao joharae kana, ente uni do pạtiạricʼe bujhạukedeńte acʼakʼ sapʼdapʼ kạmireye dhurạu akadińạ.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Ibriko 3:2

Isorakʼ gharońjren hoṛko ńel todarotkore Mose cetʼleka pạtiạricʼe tahẽkan onkage Jisu okoeye bachao bahallede uni Isor ṭhen hõ uni do pạtiạrgeye tahẽkana.

Ibriko 3:4

Mitʼke mitʼ oṛakʼ do jãhãe baṅ jãhãe hotete benaokʼ kana, menkhan Isorge sanamakʼ doe benaoakada.

Ibriko 8:5

Naeke lekate onkoakʼ noa kạmi do serma kạmi reakʼ mitʼṭecʼ nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru cetanre okako nạmunań udukʼatʼme ṭhik onka lekage jotowakʼem benao.”

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Josuạ 1:15

Probhu Isor do tinạkʼ din ape leka aperen boehako jotowakʼ khon bae jirạu ocoko ar tinạkʼ din aperen Probhu Isore emakan disạm ạuriko dokhol unạkʼ din aperen boehakope goṛowakoa. Ar ona tayom dope ruạṛ hijukʼte apeakʼ jaega purạtepe dokholjoṅa one Probhu Isorren guti do jordan purub secʼ apeye emakawatʼpe.”

Josuạ 1:2

“Ińren guti Mose doe gocʼena. Ona iạte ńitokʼ do amge noko Israelko ona jordan gaḍa paromokʼ lạgitʼ sapṛaokom ar okaṭakʼ disạm onkoń emako lạgidokʼkan onḍe bolokʼme.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Josuạ 8:33

Israelko ar onko talareko girobasokʼkan eṭakʼ jạtren hoṛko, onkoren mukhiyạko, kạmiyạko ar bikʼcạrko, metakʼme Israel somajren sanam hoṛko do Probhu Isorakʼ bondobos-sinduk reakʼ banarsa aṛereko teṅgo akan tahẽkana; onko do sinduk gogokʼ naekeko samaṅreko tahẽkana. Ar onkoren adha hoṛko do Gerisim buru samaṅre ar adha hoṛko do Ebal buru samaṅreko teṅgoyena. Probhu Isorren guti Mose do laharege noa kathae roṛletʼ tahẽkana tinre uni do Israelko bhorako reakʼ hukume ńamletʼ tahẽkan.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!