Ibriko 3:1 - সান্তালী বাইবেল

¹ Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Santali Common Language New Testament

¹ Onate E sonot boehako, okoe do serma rajren ạidạriko hoyokʼ lạgitʼ uniakʼ hohoakʼren bakhradarkope hoeakan, ape do Jisu reaṅ moneakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Ibriko 3:1 Iomraidhean Croise

Sereńko 110:4

Probhu Isor doe kiriạ akana, “Am do jaejug hạbicʼ Melkisedek lekan naeke kanam.” Noa reaṅ uni do ar bae kastaokʼa.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 41:20

jemon ona ńelte hoṛko baḍae arko bujhạu daṛeakʼ, noa do Probhu Isorakʼ tigeye kạmi akada, Israelren uni sonoticʼge niạkoe nonka akada.”

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Jeheskel 12:3

“Onatege E manwa hopon, am do sạṅgińtem bondi idi ocokʼkana ar onkage amakʼ jinisko hõ samṭaotam ar onkoakʼ mẽtʼãhã samaṅte siń marsalrege oḍokokʼme; ar okare menam onḍe khon eṭakʼ jaegate calakʼme. Pasecʼ onko do mitʼṭen huhulkan jạtren hoṛ kanako menteko bujhạu daṛeakʼa.

Jeheskel 18:28

Uni do acʼakʼ behok reakʼ katha hudiskate ona khone ruạṛ akante khạṭigeye bańcaokʼa, ar bae gujukʼa.

Hagae 1:5

Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.

Hagae 2:15

Ar ńit khon noa babotre mońjte hudisokʼpe, ińakʼ oṛakʼre tinre mitʼṭecʼ dhiri cetanre armitʼṭecʼ dhiri tahẽkana unre cetʼ dosa tahẽkana.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kol akadiń onkage iń hõ apeń koletʼpea.”

Johan 20:27

Ona tayom uni do Thomae metadea, “Amakʼ kạṭupʼ nonḍe ạguiytam ar ińakʼ banar ti ńelme ar amakʼ ti tiyạrkate kokhare sogeńme. Ar bin pạtiạricʼ do alom hoyokʼa bickom pạtiạuicʼge hoyokʼme.”

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgokateye menkeda,

Romiko lạgitʼ Pạul Apostolakʼ ciṭhi 11:17

Jodi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,

Romiko lạgitʼ Pạul Apostolakʼ ciṭhi 15:27

Onko do noa dan rạskạtegeko uṭhạu akada. Ona chaḍa noa manḍerko do Jerusalemren Isorren hoṛko ṭhenko rinigea, ente Jihudiko do akoakʼ Jiuteakʼ bhor dan reakʼ bhag tinre boṅgan hoṛ jạtrenkoko hạṭiń akatʼkoa unre boṅgan hoṛ jạtrenko hõ Jihudiko gharońj secʼte goṛowako do lek kantakoa.

Romiko lạgitʼ Pạul Apostolakʼ ciṭhi 15:8

Baḍaekakʼpe, Isorakʼ katha je sạriyakʼkan ona sạbud lạgitʼge Mạsi do Jihudikoren sapʼ dapʼicʼe hoylena. Noa reakʼ monsubạ do tahẽkana, Isor do hapṛamko ṭhen okae gokʼletʼ tahẽkan ona jemon purạukʼ ar uniyakʼ daya iạte boṅgan hoṛ jạtrenko hõ uniko sarhaoe.

Romiko lạgitʼ Pạul Apostolakʼ ciṭhi 9:24

Abo kangea bon ona dayaren hoṛ do. Uni do Jihudiko mod khon eken abo eskar do bae hohoakatʼ bona, menkhan boṅgan hoṛ jạtrenko mod khon hõe hohoakatʼkoa.

1 Korinthiko 10:17

Ar bon aemagere hõ mitʼ hoṛmo kanabon, ente piṭhạ do mitʼ goṭengea, ar sanamkoge ona mitʼ piṭhạ reaṅ hạṭińge bon ataṅeda.

1 Korinthiko 9:23

Iń do bhage sombat lạgitʼge noakoń onkayeda jemon onaren bhạgiyạdariń hoyokʼ.

2 Korinthiko 1:7

Apere purạ biswạs menakʼtalea, ente cetʼleka ape do aleakʼ duk sasetren bhạgiyạdarpe hoyokʼkan onkage aleakʼ jiwi raṛecʼren bhạgiyạdarkohõpe hoyokʼkana.

2 Korinthiko 9:13

Ar apeakʼ noa dangeye sạbudetʼ kana je, ape do biswạsiko kanape mente, ar ona ńelte onko do Isorko sarhaoea, ente ape do Mạsi reaṅ bhage sombatrepe pạtiạu akante uni gobolrenpe hoyakana ar soṛa monte onko ar eṭakʼko jotope dan akawatʼkoa.

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiyạdarkoko hoyokʼ.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 4:4

Isore hohoakatʼpe iạte apere eken mitʼṭecʼ asge menakʼa, mitʼ hoṛmoge menakʼa ar mitʼ sonot Jiuge menaea,

Kolossiko lạgitʼ Pạul Apostolakʼ ciṭhi 1:22

Menkhan Mạsiyakʼ gujukʼte uniyakʼ hoṛmo hotete Isor do ńitokʼ acʼ tulucʼe mitʼ akatʼpea, jemon uni do sonot, niphuṭ ar bin dusạnko mente acʼ samaṅreye teṅgo ṭarhao ocope.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

1 Thessalonikikko 5:27

Iń do Probhu Isor ńutumte noań hukumape kana, jemon noa ciṭhi sanam boehako ṭhen paṛhao ańjomokʼ.

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.

2 Thessalonikiko 2:14

Ale oka bhage sombatle porcaretʼkan ona hotete bańcao ńam lạgitʼ uni doe hohoakatʼpea, jemon ape do aboren Probhu Jisu Mạsiyakʼ ṭhonok reakʼ bhạgiyạdarkope hoyokʼ.

1Timothi 6:12

Mạsire biswạs iạte bhage lạṛhại ma lạṛhạime. Oka jaejug jion lạgitʼ Isore hohoakatʼme ona sapʼakae tahenme. Am do ạḍi utạr hoṛko samaṅre amakʼ biswạs reakʼ goham emleda.

1Timothi 6:2

Okoeṭakʼ golam Mạsire biswạs akan ar kisạ̃ṛakʼ gobolre menae uni do biswạsi boeha mente kisạ̃ṛ aloe nihạ̃tema bickom artetʼ bes okocʼte uniyakʼ golam reakʼe kạmima, ente uniyakʼ kạmite okoeye upkạrokʼkan uni doe pạtiạrgea ar uniren do dulạṛiạ kanae. Ar am do noako katha cetʼakome ar sikhạu paṛhaokom.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

2Timothi 2:7

Iń okań menetʼkan ona do alom bhabnakʼa, ente Probhu Isorge jotowakʼ reaṅ bujhạu lạgitʼ daṛeye emama.

Ibriko 10:19

Ado E boehako, Jisu Mạsiyakʼ mãyãm gunạkʼte ona sonot utạrakʼ jaegare bolokʼ reakʼ dil do menakʼ getabona.

Ibriko 10:21

Ona chaḍa aboren do mitʼṭen maraṅ naeke hõ menae tabona, one okoere Isorakʼ gharońjren hoṛkoakʼ dạyike emakan.

Ibriko 10:23

Biswạs lekate aboakʼ oka as menakʼ, onate dela, kajakte uniyakʼ katha bon aṅgoc ma, ente okoeye gokʼ akatʼ uni doe pạtiạrgea.

Ibriko 13:22

E boehako, ape ṭhen ińakʼ bạ̃ṛti nehõr do noage je, ińakʼ noa sikhạuna kathako baṛe bataotińpe. Ar ape ṭhen bạ̃ṛti katha do bạń oletʼkana.

Ibriko 2:11

Ente sonot ocoyicʼ hõ ar sonot ocokʼko hõ mitʼṭecʼ khon kangeako. Onate Jisu do onko hoṛko boeha mente hohowako do bae lajaokʼ kana.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Ibriko 6:20

Jisuge abo hũyạte abon lahate ona jaegateye calao akana. Uni do jaejug hạbicʼ Melkisedek leka maraṅ naekeye hoyakana.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Ibriko 7:28

Ạn-ạri do nijor monan hoṛkoge maraṅ naeke hudạreye ojokʼetʼkoa; menkhan ạn-ạri tayom okaṭakʼ kiriạ hoylen ona do Isorren Hopone bahalkedea, one uni do jaejug hạbicʼe sạbit utạrakan.

Ibriko 9:11

Menkhan Mạsi do darakan joto bhageakʼren maraṅ naeke lekategeye hecʼlena. Uni do artetʼ bhage ar artetʼ mońj sewa tạmbure Isorakʼ sewa lạgitʼgeye hecʼlena. Noa tạmbu do manwa tite benaowakʼ do baṅkana, metakʼme ona do dhạrti reakʼ jãhãn jinis hõ baṅkana.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭecʼ nãwã bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoyakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 3:5

Sedaeren Isor bhokti maejiuko hõ Isorre bhorsa akanko tahẽkana ar apan apin jãwãe tabere tahẽkate nonkageko sajaokʼkan tahẽkana;

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

1 Johan 1:3

Okoe alele ńelakade ar okoeyakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭecʼ helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”