Ibriko 2:2 - সান্তালী বাইবেল

² Serma goḍet hotete okaṭakʼ katha lại jạhirlen ona ma bacoṅ hante natelen; ona chaḍa jãhãege Isorakʼ hukume bebatao akatʼ ar uniyakʼ katha bae ańjometʼkan uni do acʼakʼ hok reakʼ kuṛạiye ńamakada.

Santali Common Language New Testament

² Serma goḍet hotete okaṭakʼ katha lại jạhirlen ona ma bacoṅ hante natelen; ona chaḍa jãhãege Isorakʼ hukume bebatao akatʼ ar uniakʼ katha bae ańjometʼkan uni do acʼakʼ hok reakʼ kuṛạiye ńamakada.

Ibriko 2:2 Iomraidhean Croise

Sereńko 68:17

Isorakʼ rãt gạḍi do hajar hajar, lakh lakh; Probhu Isor do onako talare sonot ṭhạ̃ire menaea, cetʼleka uni do Sinại burureye tahẽkan.

Numeri 11:33

Menkhan onkoakʼ jelko togocʼ akatʼ ar ạuriko udrege Probhu Isor do hoṛko cetanre pit caṛhaoentaea. Ar onkoe ńẽtʼketʼkoa.

Numeri 16:49

Korah iạte okoeko gocʼen onko chaḍa arhõ gelpon hajar eaesae hoṛ do mahamạriteko gocʼena.

Numeri 21:6

Unre Probhu Isor do onko talare mitʼlekan seṅgel bińkoe kolketʼkoa. Onkoakʼ gerte ạḍi utạr Israelko gocʼena.

Numeri 25:9

Menkhan okoe ona mahamạriteko gocʼen onkoakʼ lekha do bargel pon hajar tahẽkana.

Aposkạmi 7:53

Serma goḍetko hotete ape ṭhenge coṅ ạn-ạriko ma emlen, menkhan ape do ona bape manao akada.”

Galathiko lạgitʼ Pạul Apostolakʼ ciṭhi 3:19

Enḍekhan cetʼ lạgitʼ ạn do? Ona do manwae kạiyetʼkante Isorakʼ gokʼakʼ tulucʼ em juṭucʼena. Ar okoe reaṅe gokʼ dohoakatʼ tahẽkan uni Abrahamren bõs ạuriye hijukʼ hạbicʼ bahal tahen lạgitʼ iạte ạn-ạriko do emlena. Serma goḍetko hotete mitʼṭen dene banarrenicʼ hotete noa ạn do bahal tahẽkana.

Dosar Biboron 17:12

Jãhãe hoṛ bạḍại salakʼ uni bikʼcạricʼakʼ katha se aperen Probhu Isorren sapʼdapʼicʼ naekeakʼ katha bae ańjom, enḍekhan uni do khạṭige gocʼ giḍikae hoyokʼa. Ar Israelko tala khon nonkan bạṛicʼ hoṛ dope marao utạrkoa.

Dosar Biboron 17:2

“Aperen Probhu Isore emape lạgidokʼkan ato se nagrahare hoedaṛeakʼa, ape modren jãhãe herel hoṛ se maejiu Probhu Isorakʼ emakʼ bondobos rạputʼkate uniyakʼ nońjorre oka bạṛicʼakʼkan onageye onkae.

Dosar Biboron 17:5

enḍekhan okoe herel hoṛ se maejiu nonkae kạmiakatʼ uni do ato se nagraha reakʼ bahre phaṭok duạr ṭhen idikate dhiritepe tiń gojea.

Dosar Biboron 27:26

‘Sarapangeae uni hoṛ, okoe do noa ạn-ạri reakʼ mimitʼ hukumko leka bae senokʼkan ar ona reakʼ daṛe bae aṅgocetʼkan.’ Unre sanam hoṛko mena, ‘Amen.’

Dosar Biboron 32:2

Ińakʼ cecetʼakʼ do jạṛi dakʼ leka ńurokʼma, ińakʼ katha do sisir dakʼ leka rińjikʼma. Legecʼ ghãs cetanre poroe poroe dakʼ leka, ar aṛakʼ sakamko cetanre achaṛ dakʼko lekage.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Ibriko 10:28

Jãhãe Moseyakʼ ạn-ạri bae aṅgoc khan uni do jãhãn daya baṅkate bar se pe hoṛakʼ goha iạteye gocʼ ocokʼa.

Ibriko 10:35

Onate ape do dil alope aṛakʼ giḍitapea, ente noa reakʼ kuṛại do maraṅgea.

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

2 Patras 1:19

Sostorre nạbiko okakoko menakatʼ ona do ale ṭhen sạrikana mente sạbud akana. Ńutre apeakʼ mẽtʼ do cetʼleka diuhe secʼ tahenkan onkage, tin hạbicʼ baṅ setagokʼ ar apeakʼ ontorre bhurkạ ipil bae rakabokʼ, unhạbicʼ nạbikoakʼ kathape luturakʼ khan ape dope bhagekea.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.