Ibriko 2:10 - সান্তালী বাইবেল

¹⁰ Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

Santali Common Language New Testament

¹⁰ Sanamakʼ do Isor lạgitʼ kangea ar uni hotetege sanamakʼ do hoeakana. Onate ạḍi utạr hoponko acʼakʼ mạhimaren bhạgiạdarko hoeocoko lạgitʼ Jisu do duk jom talate sạbit ocoye reakʼ lek tahẽkantaea.

Ibriko 2:10 Iomraidhean Croise

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Hosea 8:10

Onko do eṭakʼ jạtrenko sãote ṭakateko gate akanre hõ iń do mitʼ domte jarwakateń sạjạikoa. Onko do disạm cakʼlaokoren rapajkoakʼ santao iạteko caba utạrokʼa.

Mikạ 2:13

Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.

Numeri 7:15

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon;

Luk 13:32

Jisu do onkoe metatʼkoa, “Senkate uni khikṛĩ metaepe, ‘iń do teheń ar gapa bhutkoń oḍok giḍikoa ar rugikoń bogekoa ar tesar hilokʼ do kạmiń mucạda.

Luk 2:14

“Sermare Isorakʼ ṭhonok dhạrtire suluk, manwakore kusi.”

Luk 24:26

Mạsi do cetʼ noako duk jomkate ṭhonok ńam reakʼ katha baṅ tahẽkantaea?”

Luk 24:46

“Ol menakʼa, Mạsi do duk jojom hoyokʼtaea ar pe din hilokʼre gocʼko khone jiwetʼ beredokʼa.

Johan 11:52

Ar eken Jihudi jạtrenko lạgitʼ do baṅa, menkhan Isorren chirchạtur akan gidrạko samṭaoko lạgitʼ hõ uni doe gujukʼa.

Johan 19:30

Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte jiwiye jimạketʼtaea.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Romiko lạgitʼ Pạul Apostolakʼ ciṭhi 11:36

Ente jotowakʼge coṅ uni khon ar uni hotetege hijukʼkan ar sanamakʼ do uni lạgitʼ kangea. Uniyakʼge jaejug ṭhonok hoyokʼtae ma. Amen.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

1 Korinthiko 2:7

menkhan ale do Isorakʼ akelte perecʼ okoakʼ kathakogele roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniyakʼ ṭhonok reakʼ bhạgiyạdar bon hoydaṛeakʼ.

1 Korinthiko 8:6

Enrehõ abo lạgitʼ do mitʼ goṭenge Isor menaea. Unige Baba do; ar uni ṭhen khonge jotowakʼ do hecʼakana ar uni lạgitʼge jiwetʼ menakʼ bona. Aboren Probhu Isor doe mitʼ goṭengea, uni do Probhu Mạsige. Uni hotetege jotowakʼ do hecʼakana ar uni hotetege jiwetʼ menakʼbona.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

2 Korinthiko 5:18

Noako do Isor secʼ khonge hoyakana. Uni do Mạsi hotete apnar tulucʼe samgeketʼ bona, ar acʼ tulucʼ eṭakʼ sanamko lạgitʼ dạyike emakatʼbona.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiyakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Kolossiko lạgitʼ Pạul Apostolakʼ ciṭhi 3:4

Okoe doe aperen jionkan uni Mạsiye sodorlenre ape hõ uni tulucʼ uniyakʼ ṭhonokren bhạgiyạdarko mentepe sodorokʼa.

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 6:20

Jisuge abo hũyạte abon lahate ona jaegateye calao akana. Uni do jaejug hạbicʼ Melkisedek leka maraṅ naekeye hoyakana.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Ibriko 7:28

Ạn-ạri do nijor monan hoṛkoge maraṅ naeke hudạreye ojokʼetʼkoa; menkhan ạn-ạri tayom okaṭakʼ kiriạ hoylen ona do Isorren Hopone bahalkedea, one uni do jaejug hạbicʼe sạbit utạrakan.

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Johan sodor 7:9

Inạ tayom sanam jạtrenko, bõsrenko, disạmrenko ar pạrsirenko modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.